Iwinna 27:4 - Edo Bible (E Baibol Ẹdo) Version 1996

⁴ Evba ma keghi kpao, a ghi miẹn ighẹ odẹ ehe ne ima rrie ọre ẹhoho ke hoho rre, ma keghi gua okọ la asefẹn ne ọ mwẹ irhu ọghe Saiprọs ne ẹvbo ne ẹzẹ lẹga.

Iwinna 27:4 ပူးပေါင်းရင်းမြစ်များ

Matiu 14:24

Iran ghi khian buan nẹ vbe uwu odighi, ẹhoho kegha hoho, ọ na gha bi okọ yo bi ẹe rre vbe uwu odighi.

Iyẹn ne ọ Maan Ọghe Mak 6:48

Rẹn keghi miẹn wẹ okọ wa ba so avbe erhuanegbe ẹre na gua, rhunmwuda ne ẹhoho na bi iran ghe iyeke, rhunmwuda ọnii, ọ ghi rre ẹkpo ẹgogo eha kevbe ehan vbe owiẹ, ọ keghi gha ya owẹ nana uhunmwu amẹ bu iran de.

Iyẹn ne ọ Maan Ọghe Luk 8:22

Ẹdẹ ọkpa, Jesu kevbe avbe erhuanegbe ẹre keghi la uwu okọ, ọ khama iran wẹẹ, “Wa gie a fian odighi gberra ghe obọ nọkpa.”

Iwinna 13:4

Ugbẹn vbe Orhiọn Ne Ọ Huanrẹn ghi gie Banabas kevbe Sọl nẹ, iran kegha rrie Sẹlusia, iran keghi ke evba la okọ gha rrie Saiprọs ne ẹvbo ne amẹ lẹga.

Iwinna 15:39

Iran keghi mobọ muan egbe ẹmwẹ ẹsẹse ba emwi na, iran ma wannọ egbe. Banabas keghi rhie Mak, iran na la okọ gha rrie Saiprọs.

Iwinna 21:16

Eso vbe uwu avbe erhuanegbe ni rre Sisaria keghi vbe lele ima iran na rhie ima gha rrie ọghe okpia ne a tie eni ẹnrẹn Minasin, ọmwa ne ima ra di owa ẹre ya. Ovbi e Saiprọs nọ, rẹn keghi re usun asa nikaro vbe iran ni yayi ke omuhẹn gha dee.

Iwinna 21:3

Ma keghi do sẹ ehe ne ima ke gha bẹghe Saiprọs, ma keghi gua okọ ghe efẹn ne ogienẹ vbọ ghe Siria. Ma keghi tuorre vbe Taia, ehe ne okọ na gha fannọ ihẹ ye otọ.

Iwinna 27:7

Ma keghi ya ikpẹdẹ ni bun gua okọ vbe ne a i na tua okhian, ọ ghi ba so ima buan nẹ, ma keghi do sẹ iyeke ẹvbo Knidọs. Ẹhoho ma ghi gie ima la obọ ni gua gberra evba, ma na rhunmwuda ọnii gua okọ ghe ototọ la asefẹn ne ọ mwẹ irhu ọghe Kret ne ẹvbo ne ẹzẹ lẹga, a na ya la ọkpẹn Salmone ẹvbo ne ọ rre ehe ne otọ na biẹ la okun.

Iwinna 4:36

Ẹghẹ ni ọre Josẹf, e Livai ọkpa ne a biẹe vbe Saiprọs, ne avbe ukọ he ẹre Banabas (emwi ne a ye ọnii kha ọre ọmwa ne ọ ye udu hu ọmwa,)