Iwinna 27:23 - Edo Bible (E Baibol Ẹdo) Version 1996

²³ Rhunmwuda vbe ne asọn, odibo Osanobua ne imẹ re ọghọe kevbe ne imẹ ga keghi bu mwẹ rre, ọ wẹẹ,

Iwinna 27:23 ပူးပေါင်းရင်းမြစ်များ

Psalm 116:16

Ọguọmwadia ruẹ mẹ khin Nọyaẹnmwa, te imẹ ga uwẹ, zẹ vbene iye mwẹ vbe ru, wẹ miẹn mwa fan vbe obọ uwu nẹ.

Psalm 135:4

Ọ zẹ Jekọb ne egbe ẹre, ivbi Izrẹl ne iran gha re ọghe irẹn.

Psalm 143:12

Rhunmwuda ne u na ho ẹmwẹ mwẹ, gbele avbe eghian mwẹ hia a, vbe fuẹn iran ni zẹmwẹ kpokpo ua, rhunmwuda, ọguọmwadia ruẹ mẹ khin.

Ẹksọdọs 19:5

A deghẹ wa gha họn ẹmwẹ mwẹ, wa na vbe rhie uhi mwẹ mwẹ, wa ghi do gha re emwa obọ mwẹ. Mẹ ọre ọ yan agbọn na hia, sokpan wa ghi gha re emwa ne I hannọ zẹ.

Ihuan Ne Ọ Sọọ Ihuan Hia 2:16

Mẹ ọ re ọ yan enida mwẹ rẹn ọ re ọ yan mwẹ ọ koko avbe ohuan rẹn vbe uwu iyokho ẹzẹ.

Ihuan Ne Ọ Sọọ Ihuan Hia 6:3

Mẹ ọ re ọ yan enida mwẹ, rẹn ọ re ọ yan mwẹ ọ gha koko avbe ohuan rẹn vbe uwu avbe obobo ẹzẹ.

Aizaia 44:21

E Nọyaẹnmwa khare wẹẹ, “Izrẹl, ye ẹmwẹ na rre, yerre i ghẹ ọguọmwadia mwẹ ọ re u khin. Te imẹ yii uwẹ ne u gha re ọguọmwadia mwẹ, mẹ i ra mianmian uwẹ ẹdẹ.

Aizaia 44:5

“Ọkpọkpa ọ re emwa ra ya gha kha wẹẹ, ‘ọghe Nọyaẹnmwa ọ re imẹ khin.’ Iran gha do ya egbe ba ivbi Izrẹl. Dọmwadẹ ọghọe gha yi ama e Nọyaẹnmwa ye obọ ẹre, ọ ghi vbe tie egbe ẹre okpa vbe uwu emwa Osanobua.”

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

Jerimaia 32:38

Ẹghẹ nii, iran ghi gha re emwa mwẹ, mẹ ghi vbe gha re Osanobua iran.

Ezikiẹl 36:38

Avbe ẹvbo hia ni khian itowa na, emwa gha vuọn rẹn zẹ vbene ohuan te vuọn e Jerusalẹm yi, uwu ne iran na munọ ya zẹ ese vbe ẹghẹ emwiukpo. Ẹghẹ nii iran gha rẹn wẹ mẹ ọrọre Nọyaẹnmwa.”

Daniẹl 3:17

Adeghẹ Osanobua ne ima ga gha sẹtin miẹn ima fan vbe erhẹn nii kevbe hin obọ ruẹ rre, ọ gha ru ẹe.

Daniẹl 3:26

Ẹre Nebukiadneza na gha rrie onurho ehe ne ogidi erhẹn nii ye, ọ da tie iran wẹẹ, “E Siedrak! Mesiak! Abẹdnigo! Eguọmwadia Osanobua ne ọ kpọlọ Sẹehia! Wa ladian gha dee!” Iran keghi ladian vbe ọwarọkpa nii.

Daniẹl 3:28

Ọba keghi kha wẹẹ, “Wa rho Osanobua e Siedrak, Mesiak kevbe Abẹdnigo! Ọ gie odibo ẹre gha dee ne ọ do miẹn iran ni gae kevbe ni muẹtinyan rẹn na fan. Iran fieghe uhunmwu ye iyi ne imẹ yi, iran keghi mu egbe ne iran gha ya wu, sẹẹ ne iran ghughẹrre ya uhunmwu rhanmwẹ otọ ne ẹbọ ọvbehe gberra Osanobua iran.

Daniẹl 6:16

Ẹre ọba ghi na wẹ ne a ya mu e Daniẹl fi uwu uvun ne a viọ avbe oduma vuọn ni. Ọ keghi tama e Daniẹl wẹẹ, “Te Osanobua ni ne u ye ekhọe ruẹ hia ga vberriọ gha miẹn ruẹn fan o.”

Daniẹl 6:20

Ọ ghi sẹ evba nii, ọ keghi ye udu ne ọ ha ọka da tu wẹẹ, “E Daniẹl ọguọmwadia Osanobua ne ọ rrọọ. Osanobua nii ne u ya ekhọe hia gha sẹtin miẹn ruẹn fan vbe obọ avbe oduma ra?”

Daniẹl 6:22

Osanobua giee odibo ẹre rre do ya obọ guee avbe oduma unu ne iran ghẹ sẹtin ru mwẹ emwi rhọkpa. Ọ ru ẹe vberriọ rhunmwuda ọ rẹnrẹn wẹ, I ma rẹn ọkpa, I ma rẹn eva, kevbe wẹ, I ma fidọn ghe ruẹ Umogun.”

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

Malakai 3:17

E Nọyaẹnmwa ne Oghodua khare wẹẹ, “Iran ghi gha re emwa mwẹ, ẹdẹ ne I gha guan yọ iran ghi gha re emwi obọ mwẹ. Mẹ gha tohan iran zẹ vbene erha ọmọ tohan ọmọ ne ọ ga ẹe.

Iyẹn ne ọ Maan Ọghe Jọn 12:26

Ọmwa ne ọ ho ne ọ gha ga mwẹ, ọ kere ne ogha lele mwẹ, ọnii nọ wẹẹ, ehe ne imẹ ye ọre ọguọmwadia mwẹ gha vbe gha ye. Erha mwẹ gha ye ọghọ ne ọmwa ne ọ rhirhi ga mwẹ.

Iwinna 12:23

Vbe ọwarọkpa nii, odibo Nọyaẹnmwa keghi wa gbe Hẹrọd fi otọ rhunmwuda ọ ma rhie uyi ne Osanobua, ọkhọe keghi rriọ rua, ọ na wu.

Iwinna 16:17

Ọ keghi wa lele Pọl kevbe ima, ọ na gha go wẹẹ, “Iran na, eguọmwadia Osanobua ne ọ yo sẹ iran khin, te iran tama uwa vbene uwa gha ya miẹn imiẹnfan hẹẹ!”

Iwinna 18:9

Vbe asọn ọkpa, Pọl keghi miẹn umian, Nọyaẹnmwa tama rẹn vbe umian ni wẹẹ, “Ghẹ gie ohan muẹn, gha kpe orhu khian, ghẹ da obọ yi.

Iwinna 23:11

Vbe asọn ne ọ lele ẹe, e Nọyaẹnmwa keghi gu e Pọl mudia, ọ tama rẹn wẹ, “Ghẹ fian afianma! U sẹ osẹe mẹ ne vbe Jerusalẹm vbe emwa na, u gha vbe ru vberriọ vbe Rom.”

Iwinna 5:19

Sokpan vbe asọn nii, odibo e Nọyaẹnmwa keghi kie urho ẹwẹdọ nii, ọ viọ avbe ukọ ladian, ọ keghi tama iran wẹẹ,

Iwinna 8:26

Odibo Nọyaẹnmwa ọkpa keghi tama Filip wẹẹ, “Mu egbe ne u la odẹ ne ọ laghe odẹ okuọ, odẹ ne ọ ke Jerusalẹm rrie Gaza.” (Uwu ato ọre odẹ na la gberra.)

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

Ebe ne Pọl gbẹẹn gie emwa Rom 1:9

Osanobua ne imẹ ya ekhọe mwẹ hia ga vbe uwu ne I na ya ekhọe mwẹ hia kpe orhu Iyẹn Ne ọ maa rẹnrẹn ighẹ ẹghẹ ne I ya na erhunmwu hia ọre I ya ye uwa rre.

Ebe ne Pọl gbẹẹn gie emwa Rom 6:22

Sokpan, banbanna nian, a fannọ uwa hin obọ orukhọ rre nẹ, eviẹn Osanobua ọre uwa ghi khin nian, rhunmwuda ọnii ẹdẹ agbọn uwa keghi re ne a ya fiohan nẹẹn, vbe okiekie, wa ghi do gha mwẹ ẹfe ne ẹ fo.

I Kọrinti 6:20

Te ọ dẹ uwa ha osa, rhunmwuda ọnii, wa gha lo egbe uwa ne uyi Osanobua.

Diuteronomi 32:9

Sokpan ọ zẹ ivbi e Jekọb zẹ vbe ọghe ọe.

II Timoti 1:3

I kpọnmwẹ Osanobua, ọmwa ne I ya ekhọe sẹẹnrẹn ga, zẹ vbe ne avbe erha mwa odede vbe ru. I ghi gha kpọnmwẹ ọẹn vbe ẹghẹ hia ne I ya ye ruẹ rre vbe erhunmwu mwẹ, asọn kevbe avan.

II Timoti 2:24

Ọ ma kei ne ọguọmwadia e Nọyaẹnmwa gha gui ẹzọ. Ọ kere ne ọ gha tohan emwa hia, ọmaemwaemwi ne ọ maa kevbe ne ọ zin egbe.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

Taitọs 1:1

E Pọl ne ọguọmwadia Osanobua, kevbe ukọ ọghe Jesu Kristi, ọre ọ gbẹn ebe na rre. Te a hannọ mwẹ zẹ, a na vbe gie mwẹ wẹ, ne I ya ru iyobọ ne iyayi emwa ne Osanobua hannọ zẹ, kevbe ne I vbe dia iran ye odẹ ẹmwata, zẹ vbene iwinna ugamwẹ mwa ma emwa ẹre.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 1:14

De emwi ne avbe odibo Osa khin yi khekherriọ? Avbe ẹrinmwi ni ga Osanobua, rẹn ghi vbe gha gie iran ne iran ya gha ye emwa ni gha miẹn imiẹnfan obọ.

Arhie Maan 22:16

“Mẹ ne Jesu ọre ọ gie odibo mwẹ ne ọ ya ta ẹmwẹ na ma uwa vbe esọsi. Mẹ ne ovbi uniẹn Devid nọ, Orhọnmwẹ owiẹ ne ọ baa siẹẹn.”