Iwinna 27:22 - Edo Bible (E Baibol Ẹdo) Version 1996

²² Sokpan vbene ọ ghi ye na nian, wa lahọ wa rhie ẹtin ye iwu! Ọkpa ne ọ ra ye uhunmwu yọ ẹ i rrọọ vbe uwu uwa, okọ ọkpa ne ọ ra la ọrhiae rrie.

Iwinna 27:22 ပူးပေါင်းရင်းမြစ်များ

Ẹzra 10:2

Ẹre Siekanaia ne ovbi Jẹhiẹl ne uniẹn Ẹlam na tama Ẹzra wẹẹ, “Ma rra uhi Osanobua nẹ, vbe ekpa ne a na ya gha viọ ikhuo orhunmwuyẹn rọnmwẹ, sokpan ọ rhe ye vberriọ, idaehọ ye rrọ ne ivbi Izrẹl.

Job 2:4

Esu keghi wanniẹn wẹẹ, “Ọmwa sẹtin viọ emwi hia ne ọmwa ya de uhunmwu ẹnrẹn ye agbọn.

Psalm 112:7

Afianma iyẹn dan i fian ẹẹn, iyayi ẹre deziẹn e Nọyaẹnmwa rẹn mu ẹtin yan.

Iwinna 23:11

Vbe asọn ne ọ lele ẹe, e Nọyaẹnmwa keghi gu e Pọl mudia, ọ tama rẹn wẹ, “Ghẹ fian afianma! U sẹ osẹe mẹ ne vbe Jerusalẹm vbe emwa na, u gha vbe ru vberriọ vbe Rom.”

Iwinna 27:25

Rhunmwuda ọnii, iho mwa, wa rhie orhiọn ye iwu! Rhunmwuda mẹ mu ẹtin yan Osanobua wẹ vbene ọ khare ọre ọ khian gha ye.

Iwinna 27:31

Sokpan Pọl keghi tama ọkaokuo ne ọ rre asẹ ni kevbe avbe ivbiyokuo wẹẹ, “Adeghẹ avbe oziguẹ na ma mudia vbe okọ, wa i miẹn uhunmwu.”

Iwinna 27:34

Wa lahọ, wa rri evbare ne uwa miẹn ehe na miẹn uhunmwu. Uhin ukpeto ọkpa i ra wi vbe uhunmwu uwa.”

Iwinna 27:36

Ẹtin keghi la iran iwu, dọmwadẹ ọghọe vbe uwu iran keghi vbe rri evbare.

Iwinna 27:44

Iran nekpa ghi sikan mu ekpatako ra oyọnmwẹ okọ ne ọ yannọ kua lele iran. Erriọ a ghi ru ẹe ne ima hia na miẹn uhunmwu ya sẹ oke.

I Samuẹl 30:6

Uwu ọlọghọmwa nọkhua ọre Devid ghi ye rhunmwuda ẹko ma maa rẹn hiehie rhunmwuda ivbi iran ne iran ma ghi miẹn, iran na gha yan ighẹ iran ra filo okuta gbe ẹe rua, sokpan, e Nọyaẹnmwa ne Osanobua ẹre keghi rhie igiẹudu ne ẹẹn.