Iwinna 27:21 - Edo Bible (E Baibol Ẹdo) Version 1996

²¹ Ọ ghi zẹ kpẹe vbe ne emwa ni ma na rri evbare, e Pọl keghi mudia vbe odaro iran, ọ wẹẹ, “Iho mwa, te uwa gha te danmwehọ mwẹ ne a ghẹ gua okọ kpao vbe Kret, ma i ghẹ miẹn ọrẹnkhuan kevbe omurhia na.

Iwinna 27:21 ပူးပေါင်းရင်းမြစ်များ

Gẹnẹsis 42:22

Riubẹn keghi kha wẹẹ, “I tama uwa ne uwa ghẹ ye obọ kan ọmọ nii ru ẹre emwi rhọkpa, sokpan wa ma họn. Banbanna nian, uwu ne ọ wu ọ re ima rri oya yi na.”

Iwinna 27:12

Eghute nii i vbe re ne ọ gie dia vbe ẹghẹ okhuakhua, rhunmwuda ọnii obọ nọbun sẹ vbe emwa ni rre okọ nii keghi ho ne a mu okọ la ẹzẹ, a deghẹ ọ gie a ru ne a sẹ Fonis, ọ keghi re eghute ne ọ mu aro da odẹ ekẹn, iran sẹtin gbe ẹghẹ okhuakhua vbe evba.

Iwinna 27:13

Ẹhoho ne wẹlẹẹ kegha hoho ke odẹ ekẹn rre, emwa ni keghi te ro ighẹ iran gha sẹtin ru vbene iran khare, iran keghi rhunmwuda ọnii rhan okọ vbe irri, iran na hẹko gha gua okọ lele ọkpẹn oke ẹvbo ne a tie ẹre Kret khian.

Iwinna 27:20

Vbe ikpẹdẹ ni bun, ma ma bẹghe owẹn ra avbe orhọnmwẹ, ẹhoho keghi wa ye kakabọ gha hoho, ọ ghi zẹ kpẹe, ma keghi wa rhie aro hin rre wẹ a gha ye miẹn uhunmwu.

Iwinna 27:7

Ma keghi ya ikpẹdẹ ni bun gua okọ vbe ne a i na tua okhian, ọ ghi ba so ima buan nẹ, ma keghi do sẹ iyeke ẹvbo Knidọs. Ẹhoho ma ghi gie ima la obọ ni gua gberra evba, ma na rhunmwuda ọnii gua okọ ghe ototọ la asefẹn ne ọ mwẹ irhu ọghe Kret ne ẹvbo ne ẹzẹ lẹga, a na ya la ọkpẹn Salmone ẹvbo ne ọ rre ehe ne otọ na biẹ la okun.