Iwinna 27:20 - Edo Bible (E Baibol Ẹdo) Version 1996

²⁰ Vbe ikpẹdẹ ni bun, ma ma bẹghe owẹn ra avbe orhọnmwẹ, ẹhoho keghi wa ye kakabọ gha hoho, ọ ghi zẹ kpẹe, ma keghi wa rhie aro hin rre wẹ a gha ye miẹn uhunmwu.

Iwinna 27:20 ပူးပေါင်းရင်းမြစ်များ

Psalm 105:28

Osanobua keghi gie ebiebi la ẹvbo ni, sokpan, ivbi Igipt ma ya uhi ẹre ru emwi.

Aizaia 57:10

Wa miẹn ẹsọn a gha wu a rrie gha gualọ ẹbọ ọvbehe, sokpan, wa ma zobọ vbọ. Wa ro wẹ ukhurhẹ oya ọghe uwa ọ re ọ rhie ẹtin ne uwa, rhunmwuda ọnii, ọ re egbe ma na wọ uwa.

Jerimaia 2:25

Izrẹl, ghẹ wiẹn owẹ uwa a ra ne ẹho uwa vbe kaka ne uwa ya khọn lele ẹbọ ọvbehe khian. Sokpan, wa ghi kha wẹẹ, ‘Ẹn o, I i sẹtin werriegbe. Avbe ẹbọ ẹrrẹe la mwẹ aro nẹ, te I ra lele iran.’ ”

Ezikiẹl 37:11

Osanobua keghi tama mwẹ wẹẹ, “Ovbi ọmwa, te ivbi Izrẹl ye vbe avbe ugboloko na, iran khare wẹ iran kakaa nẹ vbene idaehọ ra a gha he kue maa ẹdẹ nakhuẹ i na ghi rrọọ.

Jona 1:4

Sokpan, e Nọyaẹnmwa keghi gie okpẹhoho la okun, ẹhoho nii wegbe sẹrriọ wẹ te okọ ghi ra yannọ kua.

Matiu 24:29

“Avbe ọlọghọmwa na hia ghẹ ghi da obọ yi, owẹn ghi so ebiebi, uki i ghi ra ba ọvbehe, avbe orhọnmwẹ ghi gha ke iso kharha ku otọ, a ghi mu ẹtin ni re ideghedeghe iso rueghe.

Iwinna 27:19

Vbe ẹdẹ ne ọ ghi vbe lele ẹe, iran na tobọ iran gha ye obọ iran filo emwi eso vbe ne a ya bọ okọ ku ẹzẹ.

Iwinna 27:21

Ọ ghi zẹ kpẹe vbe ne emwa ni ma na rri evbare, e Pọl keghi mudia vbe odaro iran, ọ wẹẹ, “Iho mwa, te uwa gha te danmwehọ mwẹ ne a ghẹ gua okọ kpao vbe Kret, ma i ghẹ miẹn ọrẹnkhuan kevbe omurhia na.

II Kọrinti 11:25

Igba eha ọre emwa Rom gbe mwẹ asan, a filo okuta gbe mwẹ uhukpa, igba eha ọre okọ he ni mwẹ, vbe ẹghẹ ọkpa, ẹgogo enẹyan-ugie ọre I yae vbe uwu amẹ.

Ẹfisọs 2:12

Ẹghẹ nii, wa kegha rrọọ vbe ne a i na mwẹ Kristi. Ọrriọvbe wa gha khin, wa ma vbe gha re ọkpa vbe uwu ẹbu emwa ne Osanobua hannọ zẹ, wa ma vbe gha mwẹ oghae vbe avbe ile ne a tae, ne a rhunmwuda emwi ne Osanobua ve emwa rẹn re ta. Wa kegha rre agbọn na vbe ne a i na mwẹ idaehọ, vbe ne a i na mwẹ Osanobua.

I Tẹsalonaika 4:13

Etẹn mwẹ, ma ho ne uwa rẹn ẹmwata ne ọ rre ẹmwẹ emwa ni wulo nẹ, ne uwa ghẹ gha mwẹ irhiaẹko zẹ vbe emwa ne ẹ i mwẹ idaehọ.