Iwinna 27:2 - Edo Bible (E Baibol Ẹdo) Version 1996

² Ma keghi la okọ vbe Adramitiọm, okọ keghi ra kpao gha rrie eghute otọe Esia ne ọ ke evba gua kpao. Aristakọs ne ovbi e Masidonia ọkpa ne ọ ke Tẹsalonaika rre, keghi deba ima.

Iwinna 27:2 ပူးပေါင်းရင်းမြစ်များ

Iyẹn ne ọ Maan Ọghe Luk 8:22

Ẹdẹ ọkpa, Jesu kevbe avbe erhuanegbe ẹre keghi la uwu okọ, ọ khama iran wẹẹ, “Wa gie a fian odighi gberra ghe obọ nọkpa.”

Iwinna 16:17

Ọ keghi wa lele Pọl kevbe ima, ọ na gha go wẹẹ, “Iran na, eguọmwadia Osanobua ne ọ yo sẹ iran khin, te iran tama uwa vbene uwa gha ya miẹn imiẹnfan hẹẹ!”

Iwinna 17:1

Iran keghi la Amfipolis gberra gha rrie Tẹsalonaika ehe ne Ọgua ediọn avbe Ju ọkpa vbe ye.

Iwinna 19:19

Ni bun vbe iran ni te ka zẹ ọbo edunna yi, keghi viọ ebe iran ladian, iran keghi sirra emwa hia giẹn ehia. Iran ghi tie igho ye avbe ebe nii, ehia keghi gha re enaira arriaisẹn igbe.

Iwinna 19:29

Utumwẹ na keghi wa la ẹvbo khinkhian. Iran ni si ọbọbọ e rhia rua ni, keghi mu Gaiọs kevbe Aristakọs ne ivbi e Masidonia eva ni lele Pọl khian, iran na silo iran gha rrie adesẹ ughe.

Iwinna 2:9

Ma ni ke Patia rre kevbe Midia, Ẹlam, Mẹsopotamia, Judia, Kapadosia, Pọntus, Esia,

Iwinna 21:5

Sokpan ẹghẹ ne ima gu iran gbe ghi gba nẹ, ma keghi kpao, a na la odẹ. Iran hia, emọ kevbe amwẹ keghi su ima ya sẹ ehe ne ẹvbo ni sẹe. Ma hia keghi diguẹ vbe ọkpẹn ẹzẹ, ma na na erhunmwu.

Iwinna 28:10

Iran keghi ya emwi ni bun ha oko gie ima. Ma ghi la okọ, iran keghi viọ emwi ne ọ gha sẹ ima lo vbe okhian ẹzẹ ni ye ima okọ.

Iwinna 28:12

Ma keghi do sẹ ẹvbo ne iran tie ẹre Sirakus, ma keghi gbe ikpẹdẹ eha vbe evba.

Iwinna 28:16

Ma ghi sẹ Rom, iran keghi sẹ Pọl rae ne ọ tobọ ẹre tota ye ihọkpa, iran rhie ovbiyokuo ọkpa wẹ ne ọ gha rhie aro lele ẹe.

Iwinna 28:2

Emwa ni rre ẹvbo nii keghi wa ya obọ esi mu ima. Rhunmwuda ne amẹ na gha rhọ nii, oni kegha fi, iran keghi koko erhẹn ya gbe ọbokhian ne ima.

Kọlose 4:10

Aristakọs, ọmwa ne ọ gun mwẹ rre eghan, ke ẹe kevbe Mak ne ọtẹn Banabas wẹ uwa do. (A ka tama uwa nẹ wẹ ne uwa rhan obọ miẹn rẹn vbe ọ gha rrie ehe ne uwa ye.)

Failimọn 1:24

Erriọ vbe nọ, ihomwa ne ima gba winna ighẹ avbe Mak, Aristakọs, e Demas kevbe Luk vbe wẹ uwa do.