Iwinna 27:13 - Edo Bible (E Baibol Ẹdo) Version 1996

¹³ Ẹhoho ne wẹlẹẹ kegha hoho ke odẹ ekẹn rre, emwa ni keghi te ro ighẹ iran gha sẹtin ru vbene iran khare, iran keghi rhunmwuda ọnii rhan okọ vbe irri, iran na hẹko gha gua okọ lele ọkpẹn oke ẹvbo ne a tie ẹre Kret khian.

Iwinna 27:13 ပူးပေါင်းရင်းမြစ်များ

Job 37:17

Ẹn o, sokpan obọ owowo ẹre ma gha daa, vbe ẹhoho odẹ ekẹn a gha sẹ otọ nii usẹ.

Psalm 78:26

Ọ keghi vbe ru ẹe ne ẹhoho odẹ ahọ hoho ọ keghi ya ẹtin ẹnrẹn gua ẹhoho odẹ ekẹn kpao.

Ihuan Ne Ọ Sọọ Ihuan Hia 4:16

Kpaegbe Ẹhoho odẹ Okuọ, ẹhoho odẹ Ekẹn, hoho ye ogba mwẹ, ya uwinhinmwẹ vuọn ẹhoho hia ẹ. Gie enida mwẹ gha die uwu ogba ẹre ne ọ do rri ọmọ erhan ne ọ maa sẹ vbọ.

Iyẹn ne ọ Maan Ọghe Luk 12:55

Ẹhoho odẹ ekẹn gha hoho, wa ghi wẹ, ‘Ẹdẹ gha rraa,’ ọ ghi gele gha yerriọ.

Iwinna 2:11

Kevbe avbe Ju, kevbe emwa ne ẹ i re Ju ni ghi ye egbe khian Ju, eso ni ke Kret kevbe Arebia rre. Ma. hia wa họn vbe iran ye ẹvbo ima ta ẹmwẹ iwinna nọkhua ne Osanobua winnaẹn.”

Iwinna 27:12

Eghute nii i vbe re ne ọ gie dia vbe ẹghẹ okhuakhua, rhunmwuda ọnii obọ nọbun sẹ vbe emwa ni rre okọ nii keghi ho ne a mu okọ la ẹzẹ, a deghẹ ọ gie a ru ne a sẹ Fonis, ọ keghi re eghute ne ọ mu aro da odẹ ekẹn, iran sẹtin gbe ẹghẹ okhuakhua vbe evba.

Iwinna 27:21

Ọ ghi zẹ kpẹe vbe ne emwa ni ma na rri evbare, e Pọl keghi mudia vbe odaro iran, ọ wẹẹ, “Iho mwa, te uwa gha te danmwehọ mwẹ ne a ghẹ gua okọ kpao vbe Kret, ma i ghẹ miẹn ọrẹnkhuan kevbe omurhia na.

Iwinna 27:8

Ma keghi kakabọ sikẹ ọkpẹn oke sẹ ihe ọkpa ne iran tie ẹre Eghute Ẹbefo ne ọ ma re gbe vbe ẹvbo ne a tie ẹre Lasea.

Taitọs 1:12

Kretan ne ọre ọkpa vbe uwu avbe akhasẹ iran ọre ọ ta ẹe wẹ, “Emwa Kret re emwa nii ta ohoghe vbe ẹghẹ hia, aranmwẹ dan ni khọ kevbe emwa oregbe ne obọ ẹ i ru i re ọre iran khin.”

Taitọs 1:5

Te I sẹ uẹ rae vbe Kret ne u miẹn ehe na dọlọ avbe emwi ne a ma he ru fo vbe evba nii yi, kevbe ne u vbe gha zẹ ediọn esọsi ye dọmwadẹ esọsi. U ghi yerre vbene I ta ẹe hẹ: