Iwinna 27:10 - Edo Bible (E Baibol Ẹdo) Version 1996

¹⁰ “Iho mwa, mẹ miẹn ọẹn nẹ wẹẹ ẹzẹ ne ima ra gua ke emwa na kpao, ẹbe wa rrọọ ẹsẹse, obọ urhiamwẹ gha da emwi ni rre okọ ke okọ, emwa eso gha vbe la ẹe rrie.”

Iwinna 27:10 ပူးပေါင်းရင်းမြစ်များ

Psalm 25:14

Ọse iran ni họn ẹmwẹ ne ẹẹn, ọ re Nọyaẹnmwa khin. Ọ ghi gha so igie ye ile ne ọ gu iran ta.

Daniẹl 2:30

“Wanwanna nian, a rhie emwi oro na ma mwẹ, ẹ i re wẹ rhunmwuda ighe I wan sẹ emwa nekpa, sokpan rhunmwuda ne u miẹn ehe na rẹn emwi ne a ya imina ruẹn kha, Umogun, kevbe ne u rẹn emwi ne a ya iro ne a mu guẹ kha.

Emọs 3:7

E Nọyaẹnmwa ne Udazi i da ru emwi vbe ne ọ ma na ka ta ẹe ma avbe akhasẹ ne eguọmwadia ẹre nẹ.

Iwinna 21:3

Ma keghi do sẹ ehe ne ima ke gha bẹghe Saiprọs, ma keghi gua okọ ghe efẹn ne ogienẹ vbọ ghe Siria. Ma keghi tuorre vbe Taia, ehe ne okọ na gha fannọ ihẹ ye otọ.

Iwinna 27:31

Sokpan Pọl keghi tama ọkaokuo ne ọ rre asẹ ni kevbe avbe ivbiyokuo wẹẹ, “Adeghẹ avbe oziguẹ na ma mudia vbe okọ, wa i miẹn uhunmwu.”

Iwinna 27:34

Wa lahọ, wa rri evbare ne uwa miẹn ehe na miẹn uhunmwu. Uhin ukpeto ọkpa i ra wi vbe uhunmwu uwa.”

I Pita 4:18

Zẹ vbene ebe khare, “A deghẹ egbe i re egbe ne emwa ni maa, gha ya miẹn uhunmwu, vbe ọ ra gha ye iran hẹ ighẹ iran ni ma rẹn Osanobua kevbe emwa orukhọ!”