Iwinna 27:1 - Edo Bible (E Baibol Ẹdo) Version 1996

¹ Ugbẹn vbe a ghi tae nẹ ne ima la okọ gha rrie Itali, iran keghi rhie Pọl deba avbe oleghan eso ne Juliọs ne ovbiyokuo e Rom ọkpa ne ọ rre asẹ vbe oka ọkpa ne a tie ẹre “Ọka e Nọgbaisi.”

Iwinna 27:1 ပူးပေါင်းရင်းမြစ်များ

Gẹnẹsis 50:20

Te uwa te si uma ne uwa ru mwẹ emwi dan, sokpan Osanobua keghi fiẹe werriẹ yae khian emwi esi, ne ọ miẹn ehe na sinmwi emwa nibun ye agbọn, emwa na miẹn wẹ, ọnii ọ zẹe ne iran na rre agbọn ẹre na.

Psalm 33:11

Sokpan, emwamwa irẹn rrọ ẹdẹdẹmwẹdẹ, iziro ọghọe rrọ etẹbitẹghori.

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Itan 19:21

Emwa sẹtin mwamwa emwi gbe erhan gbe irri, sokpan, ne ọ yẹ e Nọyaẹnmwa ọ re a ra ru.

Eve Orriara 3:27

A ye egbe ọvbokhan ruẹ i ziengbe na guẹ, ọre ọ maa sẹ.

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Matiu 27:54

Ugbẹn vbe ọkaokuo kevbe ivbiyokuo ẹre ni mudia gha ghe Jesu ghi miẹn igbohiotọ kevbe emwi hia ni sunu, ohan keghi mu iran, iran wẹẹ, “Vbe ẹmwata, Ovbi Osanobua te gele nọ.”

Iyẹn ne ọ Maan Ọghe Luk 23:47

Ọkaokuo ghi miẹn emwi ne ọ sunu, ọ rho Osanobua vbe uyi wẹẹ, “Vbe ẹmwata ọmwa esiesi te nọ.”

Iyẹn ne ọ Maan Ọghe Luk 7:2

Ọkaokuo e Rom ọkpa ne ọ rre evba keghi mwẹ ọguọmwadia ọkpa ne ọ mobọ ho ẹmwẹ ọnrẹn, okpia na keghi khuọnmwi, te ọ ghi ra wu.

Iwinna 10:1

Okpia ọkpa kegha rre Sisaria, a keghi tie eni ẹnrẹn Kọniliọs. Ọ kegha re ọkaokuo vbe oka ivbiyokuo e Rom ọkpa ne a tie ẹre “Ọka ọghe Itali.”

Iwinna 10:22

Iran wanniẹn wẹẹ, “Kọniliọs ne ọka okuo ọre ọ gie ima gha dee. ọmwa esi ne ọ ga Osanobua ọre nọ, emwa Ju hia wa ya ọghọ nẹẹn ẹsẹse. Odibo Osanobua ọkpa ọre ọ tama rẹn ne ọ gie ne a tie ruẹ gha die owa ẹre, ne ọ miẹn ehe na họn ẹmwẹ ne u mwẹ ne u gha ta ma rẹn.”

Iwinna 16:10

Vbe ọwarọkpa vbe Pọl ghi miẹn umian na nẹ, ma keghi mu egbe ne a gha rrie Masidonia, rhunmwuda ma khare wẹ te Osanobua tie ima ne a ya kpe orhu Iyẹn Ne ọ maa ma emwa ni rre evba.

Iwinna 18:2

Ọ keghi do vba e Ju ọkpa vbe evba, a keghi tie eni ẹnrẹn Akuila, Pọntus ọre a na biẹ ọe, ọ ma he kpẹe ne irẹn vbe Priskila ne amwẹ ọnrẹn gba ke Itali gha dee, rhunmwuda ighẹ Klọdiọs ne Ọgbaisi wẹ ne ivbi e Ju hia kpao vbe Rom rre. Pọl keghi ya tuẹ iran.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 21:32

Vbe ọwarọkpa nii, ọkaokuo ni keghi viọ emwa ni rre asẹ kevbe ivbiyokuo eso ba egbe, ọ na gbe egbe la uwu ẹbu nii. Ugbẹn vbe emwa nii, ghi bẹghe ẹre ke ẹe kevbe ivbiyokuo, iran keghi da obọ ugbemwẹ ne iran te gbe Pọl yi.

Iwinna 22:26

Ugbẹn vbe ne ọ rre asẹ nii ghi họn ẹmwẹ na, ọ keghi rhulẹ bu ọkaokuo gha khian, ọ nọ rẹn wẹ, “Vbe u a ru na yi? Ovbi e Rom okpia nii khin!”

Iwinna 23:11

Vbe asọn ne ọ lele ẹe, e Nọyaẹnmwa keghi gu e Pọl mudia, ọ tama rẹn wẹ, “Ghẹ fian afianma! U sẹ osẹe mẹ ne vbe Jerusalẹm vbe emwa na, u gha vbe ru vberriọ vbe Rom.”

Iwinna 23:17

Rhunmwuda ọnii, Pọl keghi tie ọkpa vbe uwu iran ni rre asẹ vbe evba, ọ tama rẹn wẹ, “Rhie ọvbokhan okpia na bu ọkaokuo gha khian, ọ mwẹ ẹmwẹ ne ọ ra tama rẹn.”

Iwinna 24:23

Ọ na tama ọmwa ne ọ rre asẹ ne a rhie Pọl nẹ dayi wẹ, ne iran ye gha rhie aro lele ẹe, sokpan ne avbe gi ẹe gha fanmwegbua ugbẹnso, kevbe ne a giẹ avbe esiọre gha viọ emwi ne ọ ho giẹe.

Iwinna 25:12

Ugbẹn vbe Fẹstọs ghi gu iran ni gu ẹe zẹ iro tae nẹ, ọ wanniẹn wẹẹ, “U tọn ẹzọ ruẹ mu gha rrie ọghe Nọgbaisi nẹ, u ghi do bu e Nọgbaisi o.”

Iwinna 25:25

Sokpan mẹ ma miẹn wẹ ọ ru emwi dan ọkpa ne a gha rhunmwuda ẹre bu ohiẹn uwu gbe eẹ. Ugbẹn vbe irẹn ghi tobọ ẹre tọn ẹzọ ẹre mu gha rrie ọghe Nọgbaisi, I na wẹ I gha rhie ẹre gha khian.

Iwinna 27:11

Sokpan, ẹmwẹ ne ọka oziguẹ kevbe ne ọ yan okọ tae ọre ọ la ọkaokuo ne ọ rre asẹ ehọ sẹ ne Pọl tae.

Iwinna 27:43

Sokpan ovbiyokuo ne ọ rre asẹ nii keghi ho ne irẹn sinmwi uhunmwu e Pọl, rhunmwuda ọnii, ọ ma gie iran ruẹe vberriọ. Ọ na ghi wẹ ne iran ni gua ra khuẹ vbọ sannọ fi ẹzẹ ne iran ka khuẹ gha rrie oke.

Iwinna 27:6

Evba ọre ne ọ rre asẹ na miẹn okọ ne ọ khian gua gha rrie Itali, ọ na rhunmwuda ọnii viọ ima la rọ.

Iwinna 28:1

Ma hia ghi dinna oke nẹ hẹnẹdẹn, ọ keghi vẹ ne ima rẹn ighẹ Malta ọre a tie ne ne ẹvbo ne ẹzẹ lẹga.

Iwinna 28:16

Ma ghi sẹ Rom, iran keghi sẹ Pọl rae ne ọ tobọ ẹre tota ye ihọkpa, iran rhie ovbiyokuo ọkpa wẹ ne ọ gha rhie aro lele ẹe.

Hibru 13:24

Wa gie otuẹ avbe ọkaolotu uwa kevbe emwa Osanobua hia. Etẹn mwa ni ke Itali rre we uwa do.