Iwinna 26:9 - Edo Bible (E Baibol Ẹdo) Version 1996

⁹ “Mẹ tobọ mwẹ kegha ro wẹ, ọ kere ne I ru emwi hia ne ẹtin mwẹ gha sẹ ya gu Jesu ne ovbi Nazarẹt gha khọn.

Iwinna 26:9 ပူးပေါင်းရင်းမြစ်များ

Iyẹn ne ọ Maan Ọghe Jọn 15:21

Sokpan iran gha ru uwa avbe emwi na hia rhunmwuda ighe uwa re ogho mwẹ, rhunmwuda iran ma rẹn ọmwa ne ọ gie mwẹ.

Iwinna 21:13

Sokpan rẹn keghi wanniẹn wẹẹ, “Vbe uwa ru na yi, ne uwa na viẹ ya mu mwẹ orhiọn rueghe? Mẹ mu egbe nẹ, ẹ i re ọghe ne a mu mwẹ gba ọkpa, sokpan ne i wu vbe Jerusalẹm ye ẹmwẹ Nọyaẹnmwa Jesu.”

Iwinna 22:3

“Ovbi e Ju ọre I khin, Tasọs ne ọ rre Silisia ọre a na biẹ mwẹ, sokpan Jerusalẹm na ọ re I na wan vbe ehe ne I na gha ruẹ ebe vbe obọ Gamaliẹl. Te a wa mobọ ma mwẹ emwi dinmwi vbe Uhi avbe erha mwa odede. Mẹ keghi vbe rhie egbe ye ẹmwẹ ugamwẹ Osanobua ẹsẹse zẹ vbene uwa ni rre emwa na ẹrẹna vbe ye.

Iwinna 22:4

I kegha lọghọ iran, I na gha gbele iran ighẹ avbe emwa ni lele odẹ na. I na gha munọ ikpia kevbe ikhuo hẹ ku ẹwẹdọ.

Iwinna 22:8

Mẹ keghi nọ wẹẹ, ‘Gha nọ yi Nọyaẹnmwa?’ Rẹn wanniẹn tama mwẹ, ‘Mẹ Jesu ne ovbi Nazarẹt ne u zọ ọre owẹ nọ.’

Iwinna 24:5

Ma miẹn okpia na wẹ, uhunmwu isusu dan nọ. Ọ fian otighi fi avbe Ju egbe la uhunmwu otọ agbọn hia. Ọ keghi vbe re ọkaolotu otu ọkpa ne iran tie eni ẹnrẹn e nazarin.

Iwinna 3:17

“Banbanna nian, wa ne etẹn mwẹ, mẹ rẹnrẹn ighẹ, a ma rẹn sẹ ọre ọ ya uwa kevbe avbe olotu uwa ru Jesu emwi vberriọ.

Iwinna 3:6

Pita wanniẹn tama rẹn wẹẹ, “I i mwẹ igho vbe emwa, sokpan emwi ne I mwẹ, I gha rhie nuẹn, Vbe eni Jesu Kristi ovbi e Nazarẹt, I tama ruẹn kpaegbe ne u khian.”

Iwinna 9:1

Vbe uwu ẹghẹ ne a kha na, e Sọl keghi wa gha yan dunmwu ẹgun vbe ne irẹn gha gbele avbe erhuanegbe Nọyaẹnmwa hẹ. Ọ keghi bu Ogie Ohẹn gha khian.

Iwinna 9:16

Mẹ gha tobọ mwẹ rhie ma rẹn oya ne ọ gha re rhunmwuda mwẹ.”

Ebe ne Pọl gbẹẹn gie emwa Rom 10:2

Rhunmwuda I gha wa sẹ osẹe ne iran. wẹ ẹmwẹ Osanobua wa rre iran ekhọe ẹsẹse. Sokpan, vbene ẹmwẹ ọnrẹn rre iran ekhọe ma lele uviẹn ọghe ọmwa ne ọ rẹn emwi ẹse.

Filipai 3:6

I mu aro yọ sẹrriọ wẹ I kegha khu esọsi khian. Zẹ vbene ọmwa gha sẹtin la ekpa a ru vbene nene Uhi khare khian ọmwata sẹ, I kegha re ọmwa ne ẹ i mwẹ abaku ru.

I Timoti 1:13

Egbe ne a rhe ya miẹn wẹ, vbe ẹghẹ ne ọ gberra, te I gha ye ukpẹ sakan ẹn, I zẹ ọe kpokpo, I na vbe gha filo unu gi ẹe. Sokpan Osanobua tohan mwẹ, rhunmwuda wẹ, ne i ma na yayi ni, I ma rẹn emwi ne I gha ru.

Giọgis 6:30

Iran keghi tama Joas wẹẹ, “Rhie ovbi uẹ ladian ne ima gbe ẹe rua. Ọ dunmwu aka e Bal sotọ, ọ na vbe bun ukhurhẹ Asiẹrra ne ọ diake ẹe rua.”