Iwinna 26:7 - Edo Bible (E Baibol Ẹdo) Version 1996

⁷ Nene emwi ne a ve ne ẹwae iweva ọghe emwa ima rhie aro yi ighẹ ogha sẹ iran obọ vbe uwu ne iran na ga Osanobua asọn kevbe avan. Emwi ne a rhie aro ye odẹ gha khẹ na, Umogun, ọre avbe Ju gun mwẹ gui baa.

Iwinna 26:7 ပူးပေါင်းရင်းမြစ်များ

Ẹzra 6:17

Emwi ne iran ya do ugie a ya fi ohan kegha re ẹkhuia ẹmila iyisẹn, ohuan uri kevbe oteghe ohuan arria eva, ne iran ya zọ ese, deba ẹwe iweva ne iran ya zọ ese ye orukhọ, ẹwe ọkpọkpa ọghe ẹwae ọkpọkpa vbe Izrẹl.

Ẹzra 8:35

Emwa hia ni ke iwe rre keghi viọ emwiokọ rre wẹ ne a giẹn ọnrẹn ya zọ ese ghe Osanobua Izrẹl.

Psalm 135:2

Ni mudia vbe owa e Nọyaẹnmwa, vbe Ọgua Osa ọghe Osanobua mwa.

Matiu 19:28

Jesu keghi tama iran wẹẹ, Ne I tama uwa, ẹghẹ ne Ovbi Ọmwa gha na tota ye ẹkete uyi ẹre vbe Agbọn Ọgbọn ne ọ dee, wa ne iweva ni lele mwẹ na, gha vbe tota ye ẹkete, wa ghi vbe gha bu ohiẹn ẹwae iweva ne ọ rre Izrẹl.

Iyẹn ne ọ Maan Ọghe Luk 2:25

Vbe ẹghẹ na, okpia ọkpa ne a tie ẹre Simiọn keghi rre Jerusalẹm. Rẹn keghi re ọmwa esiesi ne ọ mu ohan Osanobua kevbe ne ọ vbe rhie aro ye odẹ gha khẹ ẹghẹ ne a gha ya miẹn Izrẹl fan, orhiọn Ne ọ huanrẹn keghi rrọọ yaba ẹre.

Iyẹn ne ọ Maan Ọghe Luk 22:30

Wa gha gun mwẹ re, wa ghi vbe gun mwẹ da vbe uhunmwu eteburu mwẹ vbe Arriọba mwẹ, wa gha vbe tota ye ẹkete gha bu ohiẹn ẹwae iweva ne ọ re Izrẹl.

Iwinna 20:31

Rhunmwuda ọnii, wa khẹ ye egbe, wa ghi yerre wẹ ukpo eha gbalaka ọre I ya gha ma edọmwadẹ ọghọe vbe uwu uwa emwi vbe asọn kevbe avan ke imẹ ke ameve.

Iwinna 24:15

Idaehọ ne iran mwẹ vbe ehe ne Osanobua ye ọre imẹ vbe mwẹ wẹ emwa hia, ọ re ọmwa esi nọ ra ọmwa dan, a gha huẹn iran kpaegbe vbe orinmwi.

Iwinna 26:2

“Agripa ne Ọba, Uhunmwu ne ọ maa ọre I tie egbe mwẹ re ẹrẹna vbe a miẹn wẹ te imẹ ra zẹ ne unu mwẹ ma ruẹn vbekpa ẹzọ hia ne avbe Ju gun mwẹ gui.

Iwinna 26:3

Emwi ne ọ mobọ ye ọna gha re ẹmwata ọrọre wẹ, wẹ rẹn vbekpa uyinmwẹ kevbe ilele avbe Ju ẹsẹse. Rhunmwuda ọnii, I mobọ rinmwian ne u gbe ẹkun sẹ otọ danmwehọ mwẹ.

Iwinna 28:20

Ọnii ọ siẹe ne I na wẹ I ho ne I miẹn uwa ne I vbe gu uwa guan, rhunmwuda wẹ, rhunmwuda omwa ne Izrẹl la ekpa re mwẹ idaehọ, ọre a na guọ eghan na yọ mwẹ obọ.”

Filipai 3:11

Vbe idaehọ wẹ, a gha vbe huẹn mẹ tobọ mwẹ kpao vbe uwu, la a rrọọ.

I Tẹsalonaika 3:10

Asọn vbe avan ọre ima ya ya ekhọe mwa hia rinmwian ẹn, ne ọ gie ima tobọ ima ye aro kan uwa aro, ne ima miẹn ehe na rhie emwi ne iyayi uwa i te mwẹ yọ.

I Timoti 5:5

Okhuo ne ọ re ẹgbẹ ne ẹgbẹ, ne ẹ i mwẹ ọmwa ne ọ gbe aro ghe ẹre, aro Osanobua ọkpa ọre ọ ghi ghe, ọ ghi gha na erhunmwu, ọ ghi gha nọ iyobọ vbe obọ ẹre asọn kevbe avan.

Jems 1:1

E Jems ne ọguọmwadia Osanobua, kevbe ọghe Nọyaẹnmwa Jesu Kristi; ọre ọ gbẹn ebe na rre. I tuẹ emwa Osanobua hia ni tagha gba uhunmwu otọ agbọn hia.