Iwinna 26:6 - Edo Bible (E Baibol Ẹdo) Version 1996

⁶ Wanwanna nian, emwi ne a ba mwẹ ifi ẹzọ ba ọrọre wẹ rhunmwuda mẹ rhie ekhọe ye emwi ne Osanobua ve avbe erha mwa odede re.

Iwinna 26:6 ပူးပေါင်းရင်းမြစ်များ

Gẹnẹsis 12:3

“I gha fiangbe iran ni fiangbuẹ Sokpan I ghi tie ihẹn ne ne ọ tie ihẹn nuẹn Vbe ekpa ruẹ, ọre I gha na fiangbe uhunmwu otọ agbọn hia.”

Gẹnẹsis 22:18

Iyaẹvbo agbọn hia ghi wẹẹ ne I fiangbe iran zẹ vbene I fiangbuẹ uniẹn ruẹn, rhunmwuda ne u na họn ẹmwẹ ne I tama ruẹn na.”

Gẹnẹsis 26:4

I gha viọ ivbi uniẹn ruẹn nuẹn ne ọ gha bun zẹ orhọnmwẹ ni rre iso, I gha mu otọe na hia ne iran. Iyaẹvbo agbọn na hia ghi gha rinmwian ne I fiangbe iran zẹ vbe ne I fiangbe ivbi uniẹn ruẹn.

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Psalm 132:11

Ekhọekekhọe ọ re u ya ve Devid emwi, ive ne uwẹ i ra siẹn wẹẹ, “I gha ya ọkpa vbe uwu avbe ivbuẹ nikpia rri ọba, rẹn gha vbe rri ọba lele uwẹ.

Psalm 132:17

I gha ya ọkpa vbe uwu ivbi e Devid, ma ọba nọkhua vbe emwa na, emwa na ọ re I gha na rhie ẹre mwẹ, ighe irriegie ọghe ọba ne I hannọ zẹ.

Psalm 98:2

E Nọyaẹnmwa na iyẹn akhọnmiotọ ẹre, ọ vbe ya ẹtin akhọnmiotọ ẹre, khian ne a rẹnrẹn ne avbe uhunmwu ẹvbo hia.

Aizaia 4:2

Ẹghẹ dee ne Nọyaẹnmwa gha na ru ẹe ne ivbi erhan kevbe avbe erhan nekhua ni rre otọe na gha kakabọ wan kevbe ne iran gha ma egbe. Avbe ivbi Izrẹl ni ghi miẹn uhunmwu hia gha ghọghọ, iran ghi vbe gha yae hio ighe emwiokọ ne a miẹn gha rhọ vbe otọe nii.

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Ezikiẹl 21:27

Ọfuan, ọfuan, vbe ẹmwata, mẹ gha ya ore ẹvbo nii khian itowa. Sokpan ọna i ra sunu, a te do miẹn wẹ ọ rre ighe ọmwa ne I zẹe ne ọ do rri ẹvbo nii oya. Rọẹn nii ọre I ra mu ẹẹn ẹre na.

Ezikiẹl 37:24

Ọba ne ọ yevbe Devid ne ọguọmwadia mwẹ ghi gha re ọba iran. A gha si iran hia koko ye ototọ enọkhaemwisẹ ọkpa, iran ghi gha ye ekhọekekhọe ya uhi mwẹ ru emwi.

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Joẹl 2:32

Sokpan, iran hia ni kpe tie Nọyaẹnmwa, a gha miẹn iran fan. Zẹ vbene Nọyaẹnmwa khare, ‘Eso vbe iran ni rre Jerusalẹm, gha lẹ fe, iran ne imẹ hannọ zẹ gha miẹn uhunmwu.’ ”

Obedaia 1:21

Emwa ni khọnmiotọ vbe Jerusalẹm gha khọn mu Idọm, iran ghi vbe gha kha yan rẹn. E Nọyaẹnmwa tobọ ẹre ọre ọ khian gha re ọba.”

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Zẹkaraia 13:1

E Nọyaẹnmwa ne Oghodua khare wẹẹ, “Ọ gha sẹ ẹghẹ ne a kha na, a gha kie uhunmwu ẹzẹ ọkpa a, nẹ ọ khue ivbi uniẹn e Devid kevbe ivbi e Jerusalẹm huan hin orukhọ iran kevbe ẹbọ ne a gho rre.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Zẹkaraia 6:12

Tama rẹn wẹ e Nọyaẹnmwa ne Oghodua khare wẹẹ, ‘Agbọn gha maa ọmwa ne a tie ẹre Abọ vbe ehe ne ọ ye ọ gha vbe dọlọ Ọgua Osa e Nọyaẹnmwa họ.

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Iwinna 23:6

Ugbẹn vbe Pọl ghi miẹn wẹ eso vbe uwu emwa ni rre evba re Sadusi, eso vbọ keghi vbe re Farisi, ọ davan vbe adesẹ iko ni wẹẹ, “Etẹn mwẹ, e Farisi ọre I mẹ khin, ovbi Farisi ọre I khin. Emwi ne a gu bu ohiẹn mwẹ na ọrọre wẹ mẹ mwẹ idaehọ wẹ a gha huẹn avbe ni wulo kpaegbe.”

Iwinna 24:15

Idaehọ ne iran mwẹ vbe ehe ne Osanobua ye ọre imẹ vbe mwẹ wẹ emwa hia, ọ re ọmwa esi nọ ra ọmwa dan, a gha huẹn iran kpaegbe vbe orinmwi.

Iwinna 24:21

Sokpan ama wẹ emwi ọkpa ne I ya gha go vbe I mudia ye odaro iran wẹẹ, ‘Emwi ni uwa gun mwẹ gui ba ẹre na ọrọre rhunmwuda ne I na yayi ighẹ emwa ni wulo hia, a gha dọlegbe huẹn iran kpaegbe.’ ”

Iwinna 26:8

Vbe ọ zẹ yi ne uwa ne Ju ma na sẹtin yayi ighẹ Osanobua huẹn avbe orinmwi kpaegbe?

Iwinna 28:20

Ọnii ọ siẹe ne I na wẹ I ho ne I miẹn uwa ne I vbe gu uwa guan, rhunmwuda wẹ, rhunmwuda omwa ne Izrẹl la ekpa re mwẹ idaehọ, ọre a na guọ eghan na yọ mwẹ obọ.”

Iwinna 3:24

Avbe akhasẹ hia, ya sẹ egbe Samuẹl, kevbe iran ni rre vbe iyeke ẹre, ne ọ ghi mwẹ ẹmwẹ ne ọ ra ta nẹ, te iran hia ta ẹmwẹ ẹghẹ ne a ye na ye otọ.

Ebe ne Pọl gbẹẹn gie emwa Rom 15:8

Ne I tama uwa wẹ Kristi khian ọguọmwadia iran ne Ju ne ọ miẹn ehe na rhie maa wẹ Osanobua i hiẹ ọmwa, ne ẹmwẹ ne ọ tama avbe erha mwa odede miẹn ehe na sẹ.

Galatia 4:4

Sokpan, ugbẹn vbe ọ ghi do sẹ ẹghẹ ne ọ kee yọ sẹẹ, Osanobua keghi gie ovbi ẹre tobọ ẹre gha dee. Rẹn keghi rre zẹ vbe ọmwa ne iye ẹe re ọmwa ne agbọn na, ọ na vbe gha rre ototọ Uhi avbe Ju.

Diuteronomi 18:15

Ye ihe ọnii, ọ gha gie avbe akhasẹ vbe mwẹ ke uwu uwa gie uwa, wa ghi gha rhie ẹmwẹ ọnrẹn.

Taitọs 2:13

Zẹ vbene ima mudia khẹ Ẹdẹ ne afiangbe nii, ne ima mwẹ idaehọ ẹre, ẹdẹ ne uyi ọghe Osanobua mwa nọkhua, kevbe Ọmiọnmwafan mwa Jesu Kristi, gha rhie egbe maa.