Iwinna 26:4 - Edo Bible (E Baibol Ẹdo) Version 1996

⁴ “Avbe Ju hia rẹn vbene I ru emwi hẹ ke ẹghẹ ọvbokhan mwẹ gha dee. Iran rẹnrẹn, wẹ ke omuhẹn gha dee, ẹvbo mwẹ kevbe Jerusalẹm ọre I ye.

Iwinna 26:4 ပူးပေါင်းရင်းမြစ်များ

Iwinna 22:3

“Ovbi e Ju ọre I khin, Tasọs ne ọ rre Silisia ọre a na biẹ mwẹ, sokpan Jerusalẹm na ọ re I na wan vbe ehe ne I na gha ruẹ ebe vbe obọ Gamaliẹl. Te a wa mobọ ma mwẹ emwi dinmwi vbe Uhi avbe erha mwa odede. Mẹ keghi vbe rhie egbe ye ẹmwẹ ugamwẹ Osanobua ẹsẹse zẹ vbene uwa ni rre emwa na ẹrẹna vbe ye.

Iwinna 24:14

Emwi ne ọ miẹn khama ruẹn ọna khin wẹẹ: Odẹ ne iran khare ighẹ ohoghe nọ ọre I la ga Osanobua avbe erha mwa odede. Sokpan I vbe ya emwi hia ne a gbẹnnẹ ye Uhi e Mosis kevbe ebe avbe akhasẹ yi.

Galatia 1:13

Wa họn nẹ vbene I gha ru hẹ, ẹghẹ ne I na mu ẹmwẹ ugamwẹ avbe Ju yan uhunmwu, vbene I gue esọsi Osanobua khọn hẹ, I na gha ye ẹtin mwẹ hia gbinna ne I wa fuẹn ọnrẹn uan.

Filipai 3:5

Ọ rre uzọla ọkpa ne a biẹ mwẹ ọre a na rhuẹ mwẹ, ovbi eseserese Izrẹl ọre I khin, uniẹn ọghe Bẹnjamin, ovbi e Hibru na ma gua esagiẹn ọnrẹn. A gha wẹ ne a ta ọghe Uhi avbe Ju ne a ya ru emwi, e Farisi ọre I gha khin.

II Timoti 3:10

Sokpan, aro ruẹ sẹ emwi ne I ma emwa ẹre, kevbe uyinmwẹ mwẹ, u vbe miẹn iyayi mwẹ, izin egbe mwẹ, aho ẹmwẹ ọmwa mwẹ, kevbe vbene I hia hẹ.