Iwinna 26:31 - Edo Bible (E Baibol Ẹdo) Version 1996

³¹ Iran ghi khian nẹ, iran kegha tae wẹ, “Okpia na ma ru emwi rhọkpa ne a gha gbe ẹe rua ra ne a muẹn ye eghan baa.”

Iwinna 26:31 ပူးပေါင်းရင်းမြစ်များ

II Samuẹl 24:17

E Devid keghi bẹghe odibo Osa ne ọ gbele emwa nii, ọ keghi tama e Nọyaẹnmwa wẹẹ, “Mẹ ọrọre ọmwa ne ọ rri abe, mẹ ọ re ọ ba emwi ku ru. De emwi ne ivbi ẹrrẹe na ru? Rri imẹ vbe ẹgbẹe mwẹ oya.”

Jerimaia 26:16

Ẹre avbe ọkaolotu na tama avbe ohẹn kevbe akhasẹ wẹẹ, “Eni e Nọyaẹnmwa ne Osanobua mwa ọ re ọmwa na ya gu ima guaan, ọ ma kei na a gbe ẹe rua.”

Iyẹn ne ọ Maan Ọghe Luk 23:4

Pailet keghi tama avbe igie ohẹn kevbe emwa ni gbe ẹbu ye evba wẹẹ, “I ma miẹn emwi ne I gha gu bu ohiẹn gbe ọmwa na.”

Iwinna 23:29

I keghi do miẹn wẹ ọ ma ru emwi rhọkpa ne a gha rhunmwuda ẹre gbe ẹe rua ra ne a mu ẹn ye eghan, ẹzọ ne iran gu ẹe gui keghi re ẹmwẹ emwi ne ọ dekan uhi iran.

Iwinna 23:9

Uvannọmwẹ kegha hin odukhunmwu. Eso vbe uwu iran ni ma emwa Uhi ni vbe rre otu avbe Farisi keghi gua kpaegbe, iran tua unu muẹn wẹ, “Ma ma miẹn abe rhọkpa vbe obọ okpia na, ughaghe odibo Osa ra orhiọn ọre ọ gele gu ẹe guan!”

Iwinna 25:25

Sokpan mẹ ma miẹn wẹ ọ ru emwi dan ọkpa ne a gha rhunmwuda ẹre bu ohiẹn uwu gbe eẹ. Ugbẹn vbe irẹn ghi tobọ ẹre tọn ẹzọ ẹre mu gha rrie ọghe Nọgbaisi, I na wẹ I gha rhie ẹre gha khian.

Iwinna 28:18

Iran keghi nọ mwẹ ọta, iran te ra fanmwẹ fua rhunmwuda iran miẹn wẹ emwi ne I ru ne a gha gbe mwẹ uan yi ẹ i rrọọ.

I Pita 3:16

Sokpan u ghi ru ẹre ọghe ọghọ vbe ute. Ghẹ gie ekhọe ruẹ bu ohiẹn gbe uẹ hiehiere, a i rẹn deghẹ te a ghi ya ukpẹ sakan uwa, ọmwaikọmwa ne ọ ya unu rhia uwa, vbe ekpa uyinmwẹ ne uwa yin, zẹ vbe ne ọ lele Kristi, ekhue ghi mu iran ba ẹmwẹ ne iran ta.