Iwinna 26:29 - Edo Bible (E Baibol Ẹdo) Version 1996

²⁹ E Pọl keghi wanniẹn wẹ, “Ọre vbe ovbi ẹghẹ kherhe nọ ra ẹghẹ ne ọ taẹn nọ, erhunmwu ne I na ghe Osanobua ọrọre wẹ ne uwẹ kevbe emwa hia ni danmwehọ mwẹ ẹrẹna dọ khian vbene I mẹ yi, sokpan ẹ i re ọghe ọgiọrọ na I kha vbọ!”

Iwinna 26:29 ပူးပေါင်းရင်းမြစ်များ

II Samuẹl 18:33

Akhiẹ keghi gba ọba ẹko ọ keghi la ughugha ne ọ rre iyeke onurho, ọ na viẹ. Vbene ọ khian nii, ọ kegha viẹ wẹẹ, “Ovbi mwẹ o, ovbi mwẹ, Absalọm, Absalọm ne ovbi mwẹ, mẹ ọ re uwu ne ọ gbuẹ gha te gbe, ovbi mwẹ, Absalọm ne ovbi mwẹ!”

II Ọba 5:3

Ọ ghi sẹ ẹdẹ okpa, ọmọ okhuo nii tama arowa ẹre wẹẹ, “Vbe ọ rrọọ nian wẹ arowa mwẹ gha sẹtin gha rrie ọghe akhasẹ ne ọ rre Sameria! Ọ gha gbe ẹre emianmwẹ na.”

Ẹksọdọs 16:3

Iran wẹẹ, “E Nọyaẹnmwa wa gbele ima ye Igipt ọre ọ te maa sẹ. Evba ma gha na te gha tota ke ọkpan emiowo, ma ghi vbe gha rri evbare vbene ọ khọn mwa sokpan wa viọ ima la uwu ato na ne uwa do ya ohanmwẹ gbele ima an.”

Jerimaia 13:17

Adeghẹ uwa ma zẹ yọ, I gha ya viẹ vbe ẹkhokho rhunmwuda itengbemu uwa I gha viẹ eve orriara, ameve, mwẹ ghi gha rhọ kua, rhunmwuda, a munọ emwa oghunmwu viọ gha rrie.

Jerimaia 38:20

Mẹ keghi kha wẹẹ, “A i ra rhie ruẹ ne iran. I rinmwian ne u danmwehọ uhunmwu ne Nọyaẹnmwa gie rre, emwi hia ghi wa gha ma ne uẹn, ai ra vbe gbe uẹ ua.

Nọmbas 11:29

E Mosis keghi wanniẹn wẹẹ, “Ohanmwẹ i to uwẹ ra? Ọ gha wa ye mwẹ akpawẹ e Nọyaẹnmwa gha rhie orhiọn na ne emwa rẹn hia ne iran hia gha guan zẹ vbe akhasẹ.”

Iyẹn ne ọ Maan Ọghe Jọn 5:34

Ẹ i re wẹ, a ma miẹn a i ru ọre osẹe ne ọmwa sẹ khin mẹ, te I ta ẹmwẹ na ne a miẹn ehe na miẹn uwa fan.

Iwinna 12:6

Asọn ne ọ lele ẹdẹ ne Hẹrọd te ra rhie Pita gie avbe emwa, Pita kegha vbiẹ vbe adesẹneva ivbiyokuo eva. A keghi ya eghan eva rro ẹre, emwa eso keghi vbe gha khẹ odẹ vbe onurho ẹwẹdọ nii.

Iwinna 21:33

Ọkaokuo keghi bu e Pọl gha khian, ọ mu ẹn, ọ na wẹ ne a guọ eghan eva ye ọre obọ. Ọ keghi nọ iran wẹ, “Vbe okpia na ke rre yi? Vbe ọ ru?”

Iwinna 25:14

Iran ghi gbe omwa ikpẹdẹ eso nẹ vbe evba, Fẹstọs keghi mu ẹmwẹ Pọl ma ọba wẹẹ, “Okpia ọkpa rre emwa na ne Fẹlis sẹ rae ye eghan vbe ọ kpao.

Ebe ne Pọl gbẹẹn gie emwa Rom 10:1

Etẹn mwẹ, ekhọekekhọe ọre I ya tae wẹ, vbe ọ rrọọ nian akpawẹ te a miẹn emwa fan! Erhunmwu ọre I na ghe Osanobua ne iran.

I Kọrinti 4:8

Wanwanna nian, emwi ne uwa ho hia sẹ uwa obọ nẹ. Wa hia fe nẹ nian, wa hia wa rri ọba, vberriọ, ma i re ọre. Ẹmwata, ọ gha te yẹ mwẹ ghe akpawẹ wa gele rri ọba, ma ghẹ ghi gu uwa rrie nene ọba.

I Kọrinti 7:7

Vbe ẹmwata, ọ gha te yẹ mwẹ akpawẹ emwa hia wa ye vbene imẹ ye, sokpan dọmwadẹ ọghọe ọre ọ mwẹ emwi ne Osanobua ya wẹẹ, ọghe ọna ughaẹn, ọghe nọkpa ughaẹn.

II Kọrinti 11:1

Akpawẹ wa gha sẹtin mwẹ i ziengbe mẹ nian, uhin a deghẹ I rhe ru emwi ukọnmwẹ kherhe. Lahọ wa zin ẹnrẹn.

Ẹfisọs 6:20

Iyẹn ne ọ maa na ọre I rhunmwuda ẹre re ukọ, a gha rhe miẹn ighẹ uwu eghan ọre I ye banbanna. Rhunmwuda ọnii, na erhunmwu, ne I gha guan vbe ne a i na fian afianma, zẹ vbe ne ọ kere ne I gha ru.

Kọlose 1:28

Rhunmwuda ọnii, ọre ima na kpe orhu Kristi ma emwa hia, ma ghi gha tama emwa hia ye otọ, ma ghi gha ma iran emwi vbe odẹ ẹwaẹn hia, ne a sẹtin lo, ne a miẹn ehe na rhie edọmwadẹ ọghọe gha die odaro Osanobua zẹ vbe ọmwa ne ọ si uwan nẹ, vbe uwu a ya egbe ba Kristi.