Iwinna 26:17 - Edo Bible (E Baibol Ẹdo) Version 1996

¹⁷ I gha miẹn ruẹn fan vbe obọ iran ne ivbi izrẹl kevbe iran ne ẹ i re Ju ne I khian giọ bu.

Iwinna 26:17 ပူးပေါင်းရင်းမြစ်များ

I Krọnikol 16:35

Wa tama rẹn wẹẹ, “Miẹn ima fan Osanobua Ọmiọnmwafan mwa si ima koko; ne u miẹn mwa fan vbe obọ agbọn ẹvbo nii ne ima miẹn ehe na gha kpọnmwẹ ne a vbe gha rho eni ruẹn ne ọ huanrẹn.”

Psalm 34:19

Ọlọghọmwa nibun, ọ re ọmwata miẹn, sokpan, e Nọyaẹnmwa ghi miẹn rẹn fan vbe uwu ehia fẹẹrẹ.

Jerimaia 1:8

Ghẹ gie ohan iran mu ẹẹn rhunmwuda, I gha mudia ke uẹ ne I degue ruẹ. Mẹ ne Nọyaẹnmwa ọ re ọ tae.”

Ezikiẹl 3:5

Ẹire emwa ni zẹ eghọnmighọn ọ re I giọ bu sokpan, ivbi Izrẹl nọ.

Iwinna 13:50

Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 16:39

Iran keghi bu iran gha khian, iran na ya gbe I ma rẹn ma iran, iran keghi su iran ke uwu ẹwẹdọ ladian, iran na wẹ ne iran ke ẹvbo nii ladian.

Iwinna 17:10

Vbe ọwarọkpa nii vbe ẹdẹ ghi wa mu, iran ne etẹn keghi viọ Pọl kevbe Sailas gha rrie Bẹrea. Iran ghi sẹ evba, iran na wa gha rrie Ọgua ediọn avbe Ju.

Iwinna 17:14

Vbe ọwarọkpa nii, avbe etẹn keghi wa rhie Pọl gha rrie eghute, sokpan Sailas kevbe Timoti keghi ye gha rre Bẹrea.

Iwinna 18:10

rhunmwuda, I rrọọ yaba ruẹ. Ọmwa ne ọ gha sẹtin ruẹ emwi rhọkpa ẹ i rrọọ, rhunmwuda emwa ni re ọghomwẹ bun vbe ẹvbo na.”

Iwinna 25:3

Iran rinmwian Fẹstọs ne ọ mu ọghọ ye iran egbe ne ọ rhie Pọl gha die Jerusalẹm, rhunmwuda iran khuan khẹ ọre nẹ ne iran gbe ẹe rua vbe odẹ.

Iwinna 28:28

E Pọl keghi rhie tẹe wẹẹ: “Wa ghi rẹn nian wẹ a rhie ẹmwẹ imiẹnfan Osanobua bu iran ne ẹ i re Ju gha khian, iran gha miẹn họn.” [

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

Ebe ne Pọl gbẹẹn gie emwa Rom 11:13

Wa ne ẹ i re Ju ọre I ra gu guan na. Ugbẹn vbe a ghi miẹn wẹ mẹ ọrọre ukọ iran ne ẹ i rẹ Ju, te I gha ye iwinna mwẹ ghagha.

Ebe ne Pọl gbẹẹn gie emwa Rom 15:16

Ọnii nọ wẹ ne I gha re ọguọmwadia Jesu Kristi ne ọ gha winna ne iran ne ẹ i re Ju. Mẹ ghi gha kpe orhu Iyẹn Ne ọ maa Osanobua zẹ vbe ohẹn, ne iran ne ẹ i re Ju sẹtin do gha re emwi izọ ese ne ọ gie Osanobua rhan obọ miẹn, kevbe ne Orhiọn Ne Ọ Huanrẹn ya fi ohan nẹẹn.

Galatia 2:9

Jems Pita vbe Jọn, ni ye vbe avbe ọkaolotu, wa miẹn wẹ, te Osanobua rhie iwinna kpataki na mẹ, iran keghi so imẹ vbe Banabas obọ, zẹ vbe ogieva egbe, ma keghi tae wẹ ma gha winna vbe uwu avbe iran ne ẹ i re Ju, ne iran gha winna vbe uwu avbe Ju.

I Timoti 2:7

Ọna ọre ọ vbe zẹ ne a na gie mwẹ zẹ vbe ukọ kevbe ọmamwaemwi avbe iran ne ẹ i re Ju, ne I ya gha kpe orhu iyayi kevbe ẹmwata. Ẹ i re ohoghe I ta, ẹmwata I ta.

II Timoti 1:11

Osanobua zẹ mwẹ, ne I gha kpe orhu nene Iyẹn Ne ọ maa, zẹ vbe ukọ kevbe ọmaemwaemwi.

II Timoti 3:11

Ukpokpo ne a rhie mẹ, kevbe oya ne I re. U rẹn emwi ne ọ sunu vbe egbe mwẹ hia vbe Antiọk, Aikoniọm, kevbe Listra. Ukpokpo nọkhua ne I ya egbe miẹn. Sokpan Nọyaẹnmwa keghi miẹn mwẹ fan vbe ehia.