Iwinna 26:14 - Edo Bible (E Baibol Ẹdo) Version 1996

¹⁴ Ma hia keghi dele gbe otọ, I keghi họn urhu ọkpa vbe ọ zẹ ẹvbo avbe Hibru gun mwẹ guan wẹẹ, ‘Sọl, Sọl vbe ọ zẹ ne u na zẹ mwẹ owẹ, Iwinna ne ọ gha hie ruẹ aro nọ ighẹ ogigban ne u so ẹre igiawẹ na.’

Iwinna 26:14 ပူးပေါင်းရင်းမြစ်များ

Itan 13:15

Te emwa hia ya ọghọ ne ẹwaẹn, sokpan, emwa ne ẹ i gia mu ẹtin yan, odẹ ọfuan iran gbẹn.

Zẹkaraia 12:2

“I gha ye Jerusalẹm khian vbene ukpu ayọn ye, avbe ẹvbo ni lẹga ẹre gha da ẹe, iran ghi gha ye owẹ fi otọe dọn zẹ vbe ọdayọn. Iran gha mu okuo la e Jerusalẹm, iran gha vbe mu okuo la avbe okpẹvbo nekpa ni rre Juda.

Zẹkaraia 2:8

Ọmwaikọmwa ne ọ fi uwa emwi, emwi ne ọre eghẹnghẹn mẹ, ọre ọ fi ẹre emwi.” Rhunmwuda ọnii, e Nọyaẹnmwa ne Oghodua keghi gie mwẹ uhunmwu na bu avbe uhunmwu ẹvbo ni fu emwa rẹn emwi viọ gha rrie wẹẹ,

Iwinna 21:40

Ọkaokuo nii keghi rhie otọe nẹẹn, rhunmwuda ọnii, Pọl keghi mudia yan ikpawẹ, ọ na ya obọ gbe emwa ni ekhakha. Ugbẹn vbe iran ghi gbẹdọ nẹ, Pọl kegha zẹ Hibru ya gu iran guan, ọ wẹẹ:

Iwinna 22:2

Ugbẹn vbe iran ghi họn vbe ọ zẹ Hibru gu iran guan, ehia keghi dọlegbe gbẹdọ, ọre Pọl na gha guan:

Iwinna 26:13

Ọ ghi rre ẹghẹ ogiavan vbe ehe ne I na khian vbe odẹ nii Umogun, I keghi bẹghe uwanmwẹ ọkpa ne awanwan rẹn wegbe sẹ ọghe owẹn, ọ keghi ke odukhunmwu lẹga mwẹ kevbe iran ne ima gba khian.

Iwinna 26:15

Mẹ keghi nọ rẹn wẹẹ, ‘Gha nọ yi Nọyaẹnmwa?’ Nọyaẹnmwa keghi wanniẹn tama mwẹ wẹẹ, ‘Mẹ ne Jesu ne u zẹ ọre owẹ nọ.

Iwinna 9:7

Iran ni lele Sọl khian keghi mudia, iran ma guan, iran họn Urhu ne ọ guan sokpan iran ma bẹghe ọmwa rhọkpa.

I Kọrinti 10:22

Ra te uwa ra ya Nọyaẹnmwa khian ne oya ọmwa da? Wa yayi ighẹ ma wo vbe egbe sẹ ọre ra?