Iwinna 26:12 - Edo Bible (E Baibol Ẹdo) Version 1996

¹² “Ọna ọre I rhunmwuda ẹre gha rrie Damaskọs vbe I ghi miẹn avbe igie ohẹn ebe asẹ nẹ.

Iwinna 26:12 ပူးပေါင်းရင်းမြစ်များ

Aizaia 10:1

Ọghe uwa fo nẹ! Wa ni yi uhi dan ne a ya gha wọ avbe emwa mwẹ uhunmwu.

Jerimaia 26:8

Ọwarọkpa vbe I ghi wa taa ẹmwẹ ne Nọyaẹnmwa tama mwẹ wẹ ne I ta fo nẹ iran ke gua mwẹ rhie, iran na gha go kha wẹẹ, “Te ọ kere ne a gbe uẹ ua ba ọnọna.

Iyẹn ne ọ Maan Ọghe Jọn 11:57

Avbe igie ohẹn kevbe avbe Farisi tama emwa hia nẹ wẹẹ, ọmwa ne ọ rhirhi rẹn ehe ne Jesu ye, ne ọ do kha ne iran ya mu ẹn.

Iwinna 26:10

Emwi ne I ru vbe Jerusalẹm ọre ọnii khin. I keghi rhie ebe asẹ vbe obọ avbe igie ohẹn, I na munọ ni bun vbe uwu emwa Osanobua ku ẹwẹdọ, a ghẹ ghi vbe bu ohiẹn uwu gbe iran, mẹ ghi nien obọ ighẹ I mwẹ obọ vbọ.

Iwinna 26:13

Ọ ghi rre ẹghẹ ogiavan vbe ehe ne I na khian vbe odẹ nii Umogun, I keghi bẹghe uwanmwẹ ọkpa ne awanwan rẹn wegbe sẹ ọghe owẹn, ọ keghi ke odukhunmwu lẹga mwẹ kevbe iran ne ima gba khian.

I Kọrinti 15:8

Vbe okiekie ehia, ọ keghi rhie egbe ma imẹ, a gha rhe miẹn ighẹ te I yevbe ọmọ ne ubiẹmwẹ ọnrẹn ma gu ọghe emwa ọvbehe ro.