Iwinna 26:10 - Edo Bible (E Baibol Ẹdo) Version 1996

¹⁰ Emwi ne I ru vbe Jerusalẹm ọre ọnii khin. I keghi rhie ebe asẹ vbe obọ avbe igie ohẹn, I na munọ ni bun vbe uwu emwa Osanobua ku ẹwẹdọ, a ghẹ ghi vbe bu ohiẹn uwu gbe iran, mẹ ghi nien obọ ighẹ I mwẹ obọ vbọ.

Iwinna 26:10 ပူးပေါင်းရင်းမြစ်များ

Psalm 16:3

Wẹ miẹn uyi ne ọ rre iran egbe. Ighe iran ni guobọ e Nọyaẹnmwa. Ne I gha rre uwu ẹbu iran, ọrọre ne ọ ghi sẹ mwẹ ọyẹnmwẹ sẹẹ.

Iwinna 7:58

Iran keghi sanmwẹ ọẹn hin adesẹ ore ẹvbo rre, iran na filo okuta gbe ẹe rua. Iran ne osẹe keghi viọ agbada ẹwu iran ne igbama ọkpa viọ mwẹ, a keghi tie eni igbama nii Sọl.

Iwinna 8:1

Ọ keghi wa yẹ Sọl wẹ a gbe ẹe rua. Ẹdẹ ne ẹdẹrriọ zẹẹ ọre esọsi ne ọ rre Jerusalẹm suẹn gha miẹn ukpokpo. Emwa ni yayi hia keghi zagha lele iwewe Judia kevbe Sameria hia, avbe ukọ ọre ọ ghi de kẹe.

Iwinna 8:3

Sokpan e Sọl kegha hia ne ọ wa fuẹn esọsi rua fẹẹrẹ, ọ na gha ke owa ọkpa la ọvbehe, ọ na gha munọ emwa ni yayi hia ikpia kevbe ikhuo, ọ na gha hẹ iran ku ẹwẹdọ.

Iwinna 9:21

Unu keghi yan emwa ni họn ẹn hia, iran kegha nọ wẹẹ, “Ọ na i re oko nii ne ọ gbele emwa ni ya eni na yi vbe Jerusalẹm? Ẹ i re ne ọ do munọ iran, ne ọ vbe viọ iran bu avbe igie ohẹn ọre ọ yae gha die edinran?”

Iwinna 9:26

Sọl kegha rrie Jerusalẹm, ọ keghi te gha ho ne ọ ya egbe ba avbe erhuanegbe. Sokpan iran ma yayi wẹ ọrhuanegbe nọ, ohan rẹn kegha mu iran hia.

Iwinna 9:32

Pita keghi wa gha khian lele ehe hia, ẹghẹ ọkpa, ọ keghi ya tuẹ emwa Nọyaẹnmwa ni rre Lida.

Iwinna 9:41

Pita keghi nien obọ ya ru iyobọ nẹ ne ọ kpaegbe, ọ keghi tie emwa iyayi nii, kevbe avbe ẹgbẹe, ọ keghi rhie ẹre ne iran ke ẹe kevbe ẹmwẹ ne unu.

I Kọrinti 15:9

Rhunmwuda mẹ ọre ọ ghi re ne ọ kanmwa sẹ vbe uwu avbe ukọ hia, sẹrriọ wẹẹ, ọ ma te khẹke ne a gha tie mwẹ ukọ, rhunmwuda, te imẹ gha zẹ esọsi Osanobua kpokpo.

Galatia 1:13

Wa họn nẹ vbene I gha ru hẹ, ẹghẹ ne I na mu ẹmwẹ ugamwẹ avbe Ju yan uhunmwu, vbene I gue esọsi Osanobua khọn hẹ, I na gha ye ẹtin mwẹ hia gbinna ne I wa fuẹn ọnrẹn uan.

Ẹfisọs 1:1

E Pọl, ọmwa ne ọ re ukọ Osanobua ne ọ winna ne Kristi Jesu vbe ekpa iho Osanobua, ọre ọ gbẹn ebe na gie emwa Osanobua ni rre Ẹfisọs, iran ni mudia ẹse vbe uwu ẹdẹ agbọn iran vbe uwu Kristi Jesu.

Arhie Maan 17:6

I keghi miẹn wẹ ayọn esagiẹn emwa Osanobua wa gbe okhuo na, kevbe esagiẹn avbe emwa ne a gbele ba ẹmwẹ iran mu uhunmwu kọ ẹmwẹ Jesu. Ugbẹn vbe i ghi bẹghe ẹre, ọ keghi yan mwẹ unu uan.