Iwinna 25:7 - Edo Bible (E Baibol Ẹdo) Version 1996

⁷ Ugbẹn vbe Pọl ghi rre, avbe Ju ni ke Jerusalẹm rre keghi lẹga ẹre, iran na gha gu ẹe gui okpẹzọ ni bun, sokpan, iran ma sẹtin zẹ erhọkpa ugbaro a.

Iwinna 25:7 ပူးပေါင်းရင်းမြစ်များ

Ẹzra 4:15

ne a ya gualọ uwu emwi ne avbe enikaro, avbe erha a odede gbẹnnẹ yotọ. A gha ru ẹe vberriọ, u gha miẹn wẹ te ẹvbo na wa sọtẹ ẹdẹdẹmwẹdẹ, kevbe wẹ ke ẹkpo nẹdẹ gha dee, ukpokpo ọ re ọ rhie ne avbe ọba kevbe avbe ogie isi hia. Ivbi ẹvbo ni, keghi re emwa nẹ i gie a kha yan. Ọnii ọ re ọ si ẹe ne a na dunmwu ẹvbo ni uan.

Ẹsta 3:8

E Haman keghi bu ọba ya tama rẹn wẹẹ, “Ivbi ẹvbo eso rre otọe ruẹ na, iran tagha gba otọe na hia, a i vbe miẹn iyaẹvbo ne a i na miẹn iran, ilele ẹvbo iran ma zẹdẹ gu ọghe ẹvbo ọvbehe rhọkpa ro vbe otọe na. Ye vbe sẹ ọnii, iran i ye uhi ẹvbo na ru emwi, rhunmwuda ọnii, ẹ i re emwi ne ọ gha fu egbe a deghẹ a sẹ iran rae.

Psalm 27:12

Ghẹ sẹ mwẹ rae ne avbe eghian mwẹ, ni ya ohoghe kevbe a yan khẹ ọmwa gun mwẹ gbinna.

Psalm 35:11

Avbe emwa dan sẹ osẹe gbe mwẹ iran ba mwẹ ifi ẹzọ vbe I ma rẹn ọkpa I ma rẹn eva.

Matiu 15:1

Eso vbe uwu avbe Farisi kevbe iran ni ma emwa Uhi keghi ke Jerusalẹm bu Jesu gha dee do nọ rẹn wẹẹ,

Iyẹn ne ọ Maan Ọghe Luk 23:10

Avbe igie ohẹn kevbe iran ni ma emwa Uhi keghi ladian, iran keghi ba Jesu ifi ẹzọ.

Iyẹn ne ọ Maan Ọghe Luk 23:2

Iran keghi ba ẹre ifi ẹzọ wẹ, “Ma mu okpia na vbe uwu ehe ne ọ na ruẹn ẹmwẹ ye emwa ima ẹko, ọ wẹ ne iran ghẹ ghi ha igho uhunmwu gie Nọgbaisi, ọ wẹ rẹn tobọ irẹn ọrọre Kristi ne Ọba.”

Iwinna 21:28

Iran kegha go kha wẹ, “Ivbi Izrẹl, wa bu rre, wa ghe okpia ne ọ lele ehe hia khian ya gha tama emwa hia wẹ ne iran ghẹ zẹ ye ẹmwẹ ivbi Izrẹl ra Uhi e Mosis kevbe Ọgua Osa. Ghe vbe ọ vbe hẹ emwa ne ẹ i re Ju la uwu Ọgua Osa ne ọ do ya mu awua la ehe ne ọ huanrẹn na!”

Iwinna 24:13

Vberriọ iran i sẹtin zẹ ọre ugbaro a ma ruẹn ighẹ ifi ẹzọ ne iran ba mwẹ re na.

Iwinna 25:24

Fẹstọs keghi kha wẹẹ, “Agripa ne ọba, kevbe uwa hia ni gu ima rre emwa na, wa ghe okpia na, rẹn ọre avbe Ju hia ni rre edinran kevbe ni rre Jerusalẹm do gui ẹzọ ẹre ma mwẹ. Iran gha go wẹ ne a ghẹ gi ẹe di agbọn na ya.

I Tẹsalonaika 2:16

Iran te ra da ima obọ yi wẹ ne ima ghẹ kpe orhu ẹre ma emwa ne ẹ i re Ju, ighẹ ẹmwẹ nii ne ọ gha rhie imiẹnfan gie iran. Evba ehia ghi na do yi uhunmwu ighẹ orukhọ ne iran ru ke ẹghẹ ni gha dee. Obọ izohu Osanobua he ghi do vba iran.