Iwinna 25:6 - Edo Bible (E Baibol Ẹdo) Version 1996

⁶ E Fẹstọs keghi gbe omwa ikpẹdẹ erẹnrẹn ra igbe vbe ehe ne iran ye, ọ na werriegbe gha rrie Sisaria. Vbe ikpedẹ ne ọ lele ẹe, ọ keghi tota vbe iko ne ọ na bu ohiẹn, ọ na wẹ ne iran rhie Pọl la owa.

Iwinna 25:6 ပူးပေါင်းရင်းမြစ်များ

Matiu 27:19

Pailet ghi tota ye ugha ne ọ na bu ohiẹn, amwẹ ọnrẹn gie uhunmwu giẹ wẹẹ, “Ghẹ mwẹ obọ vbe egbe ọmwa ne ọ ma rukhọ nii, rhunmwuda, I rrioya emwi ni bun vbe imina vbe ekpa ẹre ne asọn.”

Iyẹn ne ọ Maan Ọghe Jọn 19:13

Pailet ghi họn ẹmwẹ na, ọ rhie Jesu ladian, ọ keghi tota ye, ẹkete ibuohiẹn ne ọ rre ehe ne a tie ẹre “Ibare Okuta,” (ne avbe Hibru tie ẹre Gabata.)

Iwinna 25:1

Ọ ghi rre ikpẹdẹ eha ne Fẹstọs sẹ otọe nii, ọ keghi ke Sisaria gha rrie Jerusalẹm.

Iwinna 25:10

E Pọl keghi kha wẹẹ, “Odaro iko ne a na bu ohiẹn ọghe Nọgbaisi tobọ ẹre ọre I mudia yi na, ehe ne ọ kere ne a na gui ẹzọ mwẹ. I ma mwẹ emwi ne I ru avbe Ju re, zẹ vbe ne uwẹ tobọ ruẹ rẹnrẹn ẹsẹse.

Iwinna 25:17

Iran tobọ iran hia ghi rre, I ma vbe ya ẹe rhẹghẹrẹ, sokpan vbe ikpẹdẹ ne ọ lele ẹe, I keghi tota ye iko ne a na bu ohiẹn, I na wẹ ne a rhie ọmwa nii la uwu owa.

Iwinna 25:4

Fẹstọs wanniẹn wẹẹ, “A mu e Pọl khui zẹ vbe oleghan vbe Sisaria, mẹ tobọ mwẹ gha vbe yo evba ban.

Iwinna 25:5

Wa gie avbe ọkaolotu uwa lele mwẹ gha rrie Sisaria ne iran ya gu ẹe gui, a deghẹ ọ mwẹ emwi dan ne ọ ru.”

Iwinna 8:40

Filip ghi ghe Asdọd rẹn ghi ye, ọ keghi wa la ẹvbo ni rre eni hia gba, ọ na gha kpe orhu Iyẹn Ne ọ maa ọ te ya sẹ Sisaria.

II Kọrinti 5:10

Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.

Jems 2:6

Sokpan, wa i ya ọghọ ne ivbiogue! De emwa ni zẹ uwa owẹ yi, ni vbe silo uwa gie enibuohiẹn? Ẹ i re iran ni fee nọ.