Iwinna 25:23 - Edo Bible (E Baibol Ẹdo) Version 1996

²³ Ẹdẹ ghi gbe Agripa kevbe Bẹnis keghi ye oyọnyọn kevbe otiti nana rre. Iran keghi la owa ke iran kevbe ivbiyokuo ni gba khia kevbe emwa ni hin usi ni re ẹvbo nii. Fẹstọs na wẹ ne a rhie Pọl rre, iran keghi rhie ẹre la uwu owa.

Iwinna 25:23 ပူးပေါင်းရင်းမြစ်များ

Ẹsta 1:4

Uki ehan gbalaka ọ re ọ wa ya gha viọ ẹfe ni rre ẹguae ma emwa deba oyọnyọn kevbe uyi ẹkpẹn ọnrẹn.

Asan-Ibo 1:2

Ẹ i mwẹ esa, ẹ i mwẹ esa, erriọ ọre Asan-ibo khare. Agbọn na i mwẹ esa, ẹ i zẹdẹ mwẹ esa hiehiere.

Aizaia 14:11

Akpata ne a kpee ọ re a te ya mu ọghọ ye uwẹ egbe, sokpan, banbanna nian, ghe ruẹ vbe ẹvbo iran ni wulo nẹ. Ukpo ne a vbiẹ ọghe ọkhọe ọ re u lovbiẹ yi na, a keghi vbe ya igbu ukpọn ọghe ọkhọe hiin ruẹn egbe.’

Aizaia 5:14

Ohanmwẹ iran wa gbe ẹvbo avbe iran ne orinmwi, ọ vbe rhan unu yotọ khẹ iran gbodoo. Ọ minọ emwa nekhua ni rre Jerusalẹm re deba avbe emwa kẹkan ni gbe izabọbọ bi lele iran khian.

Ezikiẹl 30:18

Ebiebi gha so yan e Tapanhes vbe I a ghi guọghọ ẹtin Igipt, I ghi kie ẹre ukpẹ ighe ẹtin ne iran ya ghagha. Amẹ ne ọ bi gha degue Igipt. Emwa ni rre avbe okpẹvbo ẹre hia ghi khian ne a viọ ẹre oghunmwu.

Ezikiẹl 32:12

I gha gie avbe ivbiyokuo ni ke ẹvbo ekhọe dan rre yuo umozo ya gbele emwa ruẹn uan, kevbe emwa ruẹn, kevbe avbe emwi ne u ya ghagha, a gha fuẹn ehia a.

Ezikiẹl 33:28

I gha ye avbe okpẹvbo khian otọe ne ọ gbe ẹvbi. Ẹtin ne iran te ya ghagha nii gha sẹ ufomwẹ. Avbe oke ni rre Izrẹl gha khian ẹgbo sẹ vberriọ wẹ a i miẹn ọmwa ne ọ gha sẹtin khian la ẹe gberra.

Ezikiẹl 7:24

I gha viọ uhunmwu ẹvbo ne ọ ghi rrei sẹẹ gha die emwa na. I ghi gie iran mu uwa miẹn uwa owa. Emwa uwa ni wegbe sẹẹ gha mitan uan vbe ẹghẹ ne I gha na gie avbe uhunmwu ẹvbo nii, do mu awua la ehe ne uwa na ga.

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”

Iyẹn ne ọ Maan Ọghe Mak 6:21

Vbe okiekie ehia, obọ Hẹrodias keghi vba emwi. Ẹdẹ ayere ẹdẹ ubiẹmwẹ Hẹrọd nọ. Hẹrọd keghi tie eka ighele kevbe eka okuo kevbe iran ni hin ukhuaẹn ni rre Galili hia sẹ owa.

Iwinna 12:21

Vbe ẹdẹ ne iran mwamwaẹn yi, e Hẹrọd keghi hẹ ukpọn ọba ẹre ye egbe, ọ keghi tota ye ẹkete ẹre, ọ na ke evba gha gu emwa rẹn guan.

Iwinna 25:13

Ọ ghi kpẹe fua kherhe, Agripa ne ọba ke ẹe kevbe Bẹnis kegha die Sisaria ne iran do mu otuẹ ọbokhian gie Fẹstọs.

Iwinna 26:30

Ẹghẹ nii ọre ọba kevbe Bẹnis ne Ne ọ khaemwisẹ kevbe avbe emwa nekpa hia ghi na kpaegbe.

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

I Kọrinti 7:31

Emwa ni lo emwi agbọn na, zẹ vbene a miẹn wẹ, iwinna rẹn ma mu iran. Rhunmwuda, agbọn na, zẹ vbene ọ ye na, ẹ i ghi ra kpẹe sẹ ayọ.

Jems 1:11

Ovẹn ghi yan rre ke ẹe kevbe owowo ẹre ne ọ giẹn emwi ruan, ọ ghi giẹn ovbi erhan nii uan, obobo ẹre ghi kha kha kua, ose ẹre ghi la ọ rhiae rrie. Erriọ vbe nọ ọmwa ne ọ fe gha vbe la ọrhiae rrie, vbe uwu ehe ne ọna ru emwamwa iwinna rẹn.

I Pita 1:24

Zẹ vbene ebe kha re, “Te emwa hia ye vbe irunmwu ne oha, uyi ẹre hia ye vbe obobo ẹre. Irunmwu wu, obobo ẹre kharha kua,

I Jọn 2:16

Emwi hia ni re ọghe agbọn na, emwi ne ọ yẹ egbe orukhọ na, emwi ne emwa ne agbọn bẹghe ne ọ vbe ya ghan, ọkpa ne ọ ke ehe ne Evbavba ye rre, ẹ i rrọọ, agbọn na ọre ehia ke rre.