Iwinna 24:5 - Edo Bible (E Baibol Ẹdo) Version 1996

⁵ Ma miẹn okpia na wẹ, uhunmwu isusu dan nọ. Ọ fian otighi fi avbe Ju egbe la uhunmwu otọ agbọn hia. Ọ keghi vbe re ọkaolotu otu ọkpa ne iran tie eni ẹnrẹn e nazarin.

Iwinna 24:5 ပူးပေါင်းရင်းမြစ်များ

Ẹsta 3:8

E Haman keghi bu ọba ya tama rẹn wẹẹ, “Ivbi ẹvbo eso rre otọe ruẹ na, iran tagha gba otọe na hia, a i vbe miẹn iyaẹvbo ne a i na miẹn iran, ilele ẹvbo iran ma zẹdẹ gu ọghe ẹvbo ọvbehe rhọkpa ro vbe otọe na. Ye vbe sẹ ọnii, iran i ye uhi ẹvbo na ru emwi, rhunmwuda ọnii, ẹ i re emwi ne ọ gha fu egbe a deghẹ a sẹ iran rae.

Jerimaia 37:13

Sokpan, I ghi sẹ Onurho e Bẹnjamin arowa ne ọ gbearoghe avbe ivbiyokuo ni winna vbe evba, ọmwa ne a tie eni ẹnrẹn Irigia ne ovbi Sielemia kevbe eyẹ, Hananaia, keghi mu mwẹ mudia ọ wẹẹ, “Te u lẹ bu ivbi e Babilọn khian.”

Jerimaia 38:4

Ẹre avbe ekhaẹmwẹ na na ya tama ọba wẹẹ, “Te ọ kere ne a gbe ọmwa na an. Ẹmwẹ ne ọ guan na te ọ ya ye egbe wọ avbe ivbiyokuo ni rre ẹvbo, erriọ ọ re ọ vbe ru avbe emwa ni rre ore ẹvbo hia. Ẹ i re te ọ zẹdẹ yi avbe emwa ni obọ, te ọ ho ne ọ kuan iran egbe.”

Emọs 7:10

Amezaia ne ohẹn ne ọ rre Bẹtẹl keghi gie ne a tama Jeroboam ne Ọba Izrẹl wẹẹ, “Emọs gha khuan isọtẹ khẹ ruẹ vbe ehe ne avbe emwa ye. Ẹmwẹ ne ọ guan gha wa fuẹn uhunmwu ẹvbo na.

Matiu 10:25

Ọmwa ne a ma ẹre emwi sẹtin hia ne ọ vba ne ọ ma ẹre emwi. Ra ne ọviẹn vba enarẹn. Adeghẹ iran tie ọdafẹn nọyan owa Bẹlzibọb, inu ghi nọ ne iran ni rre owa ni!

Matiu 2:23

Ọ keghi ya yin ẹvbo ne a tie ẹre Nazarẹt. Ọ ru vberriọ ne ẹmwẹ avbe akhasẹ miẹn ehe na sẹ wẹẹ, “A gha tie ẹre ovbi e Nazarẹt.”

Iyẹn ne ọ Maan Ọghe Mak 1:24

“Vbọ kan ima kan ruẹn yi Jesu ne ovbi e Nazarẹt? Te u rre do fuẹn ima an ra? I rẹn ọmwa ne u khin: wẹ ọrọre ukọ ne ọ huanrẹn ọghe Osanobua.”

Iyẹn ne ọ Maan Ọghe Luk 23:19

Barabbas na, te a muẹn ye eghan ba ẹmwẹ otighi isọtẹ vbe ore ẹvbo, kevbe ba izigha ne ọ de.)

Iyẹn ne ọ Maan Ọghe Luk 23:2

Iran keghi ba ẹre ifi ẹzọ wẹ, “Ma mu okpia na vbe uwu ehe ne ọ na ruẹn ẹmwẹ ye emwa ima ẹko, ọ wẹ ne iran ghẹ ghi ha igho uhunmwu gie Nọgbaisi, ọ wẹ rẹn tobọ irẹn ọrọre Kristi ne Ọba.”

Iyẹn ne ọ Maan Ọghe Luk 23:25

Ọ keghi fan ọmwa ne iran ho fua ne iran, ọmwa ne a mu ye eghan rhunmwuda otighi kevbe izigha, ọ keghi rhie Jesu ye iran obọ ne iran ya ruẹe vbene iran ho.

Iyẹn ne ọ Maan Ọghe Luk 23:5

Sokpan iran dọlegbe tua unu muẹn wẹẹ, “Ọ ra ya emwi ne ọ ma emwa re si olighi ye ẹvbo. Galili ọre ọ na suẹn, ọ gbe Judia dunmwu nẹ, ọre ọ na vbe gha die edinran na.”

Iwinna 15:5

Sokpan eso ni rre otu avbe Farisi vbe uwu ivbi iyayi keghi kpaegbe, iran wẹẹ, “Ọ kere ne a rhuẹ iran, ne a tama iran ne iran gha ye Uhi Mosis ru emwi.”

Iwinna 21:28

Iran kegha go kha wẹ, “Ivbi Izrẹl, wa bu rre, wa ghe okpia ne ọ lele ehe hia khian ya gha tama emwa hia wẹ ne iran ghẹ zẹ ye ẹmwẹ ivbi Izrẹl ra Uhi e Mosis kevbe Ọgua Osa. Ghe vbe ọ vbe hẹ emwa ne ẹ i re Ju la uwu Ọgua Osa ne ọ do ya mu awua la ehe ne ọ huanrẹn na!”

Iwinna 22:22

Vbe Pọl te do ta ẹmwẹ na, emwa nii kegha danmwehọ ẹre, sokpan ẹghẹ na nian, iran keghi wa gha go kha wẹẹ, “Wa mu ẹn fua mwa! Gbe ẹe rua! Ọ ma kei ne ọ di agbọn ya!”

Iwinna 24:14

Emwi ne ọ miẹn khama ruẹn ọna khin wẹẹ: Odẹ ne iran khare ighẹ ohoghe nọ ọre I la ga Osanobua avbe erha mwa odede. Sokpan I vbe ya emwi hia ne a gbẹnnẹ ye Uhi e Mosis kevbe ebe avbe akhasẹ yi.

Iwinna 24:4

I ma ho ne I da a yi kpẹe gbe, vbene ọ rhirhi a gha ye hẹ, I rinmwian an ne u tohan ima danmwehọ e ne unu mwa.

Iwinna 25:7

Ugbẹn vbe Pọl ghi rre, avbe Ju ni ke Jerusalẹm rre keghi lẹga ẹre, iran na gha gu ẹe gui okpẹzọ ni bun, sokpan, iran ma sẹtin zẹ erhọkpa ugbaro a.

Iwinna 26:5

Iran wa rẹn, deghẹ iran ho ne iran sẹ osẹe, wẹ ke omuhẹn gha dee otu ne ọ mu ẹmwẹ ugamwẹ mwa yan uhunmwu sẹ, ne a tie ẹre Farisi, ọre I ye.

Iwinna 28:22

Sokpan ma gha ho ne ima vbe họn vbe ne ọ ye hẹ vbe ekhọe uwẹ, rhunmwuda ma rẹnrẹn wẹ, a i miẹn ehe ne a na ta ẹmwẹ ọnrẹn ẹse ighẹ otu ne u khare ighẹ uwẹ ye na.”

Iwinna 5:17

Ẹghẹ ni ọre ogie ohẹn kevbe ivbi otu ẹre, deba otu emotọ ọghe avbe Sadusi, na wa kakabọ gha gbe ọvo avbe ukọ, iran na ghi wẹ, iran gha gualọ odẹ ne iran gha la iran re.

Iwinna 6:13

Iran keghi viọ emwa eso rre wẹ ne iran do sẹ osẹe ohoghe gbe ẹe. Iran wẹẹ, “Te okona wa fi unu gie Ọgua Osa mwa ne ọ huanrẹn kevbe uhi Mosis.

I Kọrinti 11:19

(Vbe ne a i na gbe awẹawẹ, ẹ i mwẹ iwannegbe ma gha rre ẹkpo uwa ne iran ni ru emwi esi miẹn ehe na wa gia rẹn taara.)

I Kọrinti 4:13

A gha talọ ku ima, ma ghi gha ya ẹmwẹ rọkhọrọkhọ wan nien ẹmwẹ. Ma ye vbe iku ne ọ kẹkẹ ẹe nẹ, ne a kpolo ku otiku vbe agbọn, ma ọrọre ekherhe agbọn na do sẹ banbanna.

I Pita 2:19

Osanobua gha rhunmwuda ọnii fiangbe uwa, a deghẹ wa rri oya ekueku, rhunmwuda ighẹ wa ru emwi ne irẹn ho roro.