Iwinna 24:25 - Edo Bible (E Baibol Ẹdo) Version 1996

²⁵ Sokpan Pọl ghi suẹn gha ta ẹmwẹ uyinmwẹ esi, a mu egbe ye ọghọ kevbe Ẹdẹ Ibuohiẹn, ohan kegha mu e Fẹlis, ọ na kha wẹẹ, “U sẹtin gha khian nẹ, I gha dọlegbe tie ruẹ vbe i a miẹn obọ.”

Iwinna 24:25 ပူးပေါင်းရင်းမြစ်များ

II Samuẹl 23:3

Osanobua Izrẹl guan nẹ, ne ọ de gue Izrẹl keghi tama mwẹ wẹẹ: “Ọba ne ọ ye ẹmwata khaemwisẹ, ne ọ khaemwisẹ vbe a mu ohan Osanobua,

I Ọba 21:27

Elaija ghi guan fo nẹ, Ehab keghi sọ ukpọn irẹn uan, ọ keghi kie ẹre viọ kua, ọ na viọ ukpọn akhiẹ yọ. Ọ ma ghi rri evbare, ọ keghi ya ukpọn akhiẹ vbiẹ, ọ kegha khian huẹẹ, vbe ọmwa ne akhiẹ gbe fi otọ.

II Ọba 22:19

U na roiro fi uyinmwẹ werriẹ, u na mu egbe rriotọ vbe odaro mwẹ, u keghi sọ ukpọn ruẹn uan, u na gha viọ vbe u họn vbene I wẹ I gha rri e Jerusalẹm kevbe emwa ni rrọ oya hẹ. I gha ru ọ yan aro ua ye evba, ehe ne eni ẹnrẹn gha na khian ne a ya tie ihẹn. Sokpan, I họn erhunmwu ruẹn nẹ.

Ẹzra 10:3

“Banbanna nian, te ima gha do yan ma Osanobua mwa wẹ ma gha wẹ ne avbe ikhuo orhunmwuyẹn na, kevbe ivbi iran gha rrie. Ma gha ru vbene uwẹ kevbe avbe emwa ni ya uhi Osanobua ru emwi wẹ ne ima ru. Ma gha ru vbene uhi Osanobua khare.”

Ẹzra 10:9

Vbe uwu ikpẹdẹ eha nii, vbe ikpẹdẹ ugie ọghe uki ne ogihinrin, emwa hia ni rre otọe Juda kevbe Bẹnjamin kegha die Jerusalẹm, iran keghi do si egbe koko vbe ore Ọgua Osa, amẹ keghi wa gha da ẹsẹse, rhunmwuda ne ẹdẹ ma na rra nii, kevbe rhunmwuda ne ọ na re iko kpataki, emwa hia kegha guọ zẹzẹzẹ.

Job 29:14

Uhẹn uhẹn ọ re I hẹko gha ru emwi re.

Psalm 11:7

Ọmwata ọ re Nọyaẹnmwa khin, ọ ho ẹmwẹ iwinna esi. Iran ni yin vberriọ, gha yin ehe ne ọ ye.

Psalm 119:120

Ohan mu mwẹ rhunmwuda ruẹ, ohan gba mwẹ ẹko rhunmwuda ibuohiẹn ruẹn.

Psalm 45:7

Wẹ ho ẹmwẹ emwi ne ọgbae u keghi khuiwu emwi ne ẹ i maa ọnii ọ re ọ siẹe ne Osanobua awẹ Osanobua ruẹ na hannọ uẹn zẹ ọ na ya ọyẹnmwẹ wẹ uẹ sẹẹ avbe ọba nekpa hia.

Psalm 72:2

Ne ọ miẹn ehe na gha ya ẹmwata khaemwisẹ yan emwa ruẹn. Kevbe ne ọ vbe ya ẹmwata gha kha yan avbe emwa ne a zẹ kpokpo.

Psalm 99:1

Osanobua ọrọre ọba, avbe emwa gha guọ. Ọ tota ye ẹkete ẹre vbe odukhunmwu avbe emwi ne a yi ni zẹlẹ ifuẹn, agbọn keghi mu rueghe.

Itan 16:12

Avbe ọba i zẹdẹ rhie otọ ne ọkhọ; rhunmwuda uhunmwu ẹmwẹ ọ re ọ ye arriọba khian ne ọ wegbe.

Asan-Ibo 11:9

Wa ne igbama, wa gha zọmọ igbama uwa. Gie ẹko gha sẹ uwa ọyẹnmwẹ vbene uwa he ye rre igbama na. Ru emwi ne u ho ne u ru, vbe rhie obọ lele emwi ne ọ rre orhiọn ruẹn. Sokpan ye rre wẹ Osanobua gha bu ohiẹn ruẹn vbekpa emwikemwi ne u rhirhi a ru.

Asan-Ibo 12:14

Te Osanobua ra bu ohiẹn emwi hia ne ima ru, deghẹ ne ọ maa nọ ra ne ẹ i maa, ya sẹ egbe emwi ne a ru vbe ẹkhokho.

Asan-Ibo 5:8

Ghẹ giee yan uwe unu uan adeghẹ arriọba kpokpo ovbiogue, ighe ọ ma vbe gie a bu ohiẹn ẹmwata ne iran, ra ne a rhie emwi ne ọ khẹke iran ne iran. Dọmwadẹ ọmwa iwinna, ọmwa ne irẹn rre ototọ ẹre, ọ re ọ sinmwi ne ẹẹn, ọmwa ne ukpo ẹre ghi vbe yo sẹẹ ọ re ọ sinmwi ne iran eveva.

Aizaia 1:18

E Nọyaẹnmwa khare wẹẹ, “Larre nian ne a zẹ iro kugbe, orukhọ ruẹ gha ya a gbiruẹn sẹrriọ wẹ te u ghi baa, sokpan, I gha khuọ ruẹ ne u gha fua vbe isonorhọ. Orukhọ ruẹ gha rhe gha ye vbe ododo u gha fua zẹ vbe ititi oru.

Aizaia 1:21

Ẹvbo ne ọ te ka mwẹ uyinmwẹ ne ọ gbae yi, ọ re ọ ghi yin uyinmwẹ ohọhọ na, vbe ẹghẹ okpa emwa ẹmwata ọ re ọ wa gba re, sokpan, banbanna nian avbe izigha ọ re ọ ghi kẹe.

Aizaia 16:5

Ọkpa vbe ivbi e Devid gha rriọba, ọ gha ya ẹkoata kevbe aho khaemwisẹ yan emwa nii. Obọ gha kẹ ọre vbe emwi nọgbae ne a ru, ọ gha vbe miẹn wẹ vbene emwi kei yi ọ re a ru ẹẹ.

Aizaia 32:11

Uwu ọrọkhọrhọ ọ re uwa ye dee usin, vbe ne a i na mwẹ oyanghan, sokpan, banbanna nian, wa gie ohan ya uwa gha guọ zẹzẹzẹ, wa bannọ ukpọn uwa kua, ne uwa viọ osọnmwẹ ukpọn rhuan.

Aizaia 41:21

Ẹmwẹ ne Nọyaẹnmwa ne ọba Izrẹl tae ọ re ọna khin: “Wa ne avbe ẹbọ uhunmwu ẹvbo wa gui ẹzọ ọghe uwa. Ẹzọ ne ọ dia sẹẹ ne uwa mwẹ wa gui ẹe.

Aizaia 55:6

Wa werriẹ aro ghe ehe ne Nọyaẹnmwa ye ne uwa na erhunmwu ghe ẹre, vbe ẹghẹ na nian, vbene ọ ma na khian rrei.

Aizaia 61:8

E Nọyaẹnmwa khare wẹẹ, “Ohiẹn ẹmwata ọ re I ho, azẹ ọmwa kpokpo kevbe ọkhọ, i yẹ mwẹ I gha wa san avbe emwa mwẹ ẹse, I ghi gu iran ta ile ẹdẹdẹmwẹdẹ.

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Jerimaia 22:3

“Mẹ ne Nọyaẹnmwa ọ re ọ tama uwa ne uwa gha ru vbene ọ kere kevbe vbene ọ hẹnhẹn. Degue ọmwa ne a mu ru hin obọ ọmwa ne ọ mu ẹẹn ru. Ghẹ ya obọ dan mu ọrriọvbe ra ne u gha wọ iran uhunmwu, kevbe avbe emọ ne ẹ i mwẹ erha kevbe ẹgbẹ, ghẹ vbe gbe emwa ni ma rukhọ ua vbe ehe nọhuanrẹn na.

Jerimaia 23:29

Te ẹmwẹ mwẹ ye vbe erhẹn kevbe umọmọ ne ọ guọghọ okuta nekhua rẹnkhẹnrẹnkhẹn.

Jerimaia 36:16

Ugbẹn vbe ọ ghi tie ẹre nẹ, afianma keghi fian dọmwadẹ ọghọe, iran na ya ghe egbe aro, iran keghi tama e Barọk wẹẹ, “Te ima gha ta ọna ma ọba.”

Ezikiẹl 45:9

E Nọyaẹnmwa ne Udazi khare wẹẹ, “Ọ kpẹre ne uwa kegha ru orukhọ, wa ne nikhaemwisẹ vbe Izrẹl! Wa dobọ ọkhọ kevbe a zẹ emwa kpokpo uwa yi. Wa ru emwi ne ọ gbae kevbe ne ọ hẹnhẹn. Wa ghẹghi dọlegbe khulo emwa mwẹ hin otọ iran rre. Mẹ ne Nọyaẹnmwa ne Osanobua, ọ re ọ taa ẹmwẹ na ma uwa.

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Daniẹl 4:27

Rhunmwuda ọnii nian, Umogun, u ghi rhie ude ne I bu ruẹ re. Da obọ orukhọ ne a ru yi, gha ru emwi ne ọ kere, vbe gha tohan avbe ivbiogue. Ẹghẹ nii, agbọn ghi gha ma ruẹn khian.”

Daniẹl 5:30

Vbe asọn ọkpa nii, iran keghi gbe ẹe rua ighe Bẹlsiaza ne ọba e Babilọn.

Hozia 10:12

Mẹ keghi kha wẹẹ, ‘Ya gua ehe ne ọ maa ọghe obọ ruẹ, kọ emwiokọ uhunmwu ẹmwẹ ne u vbe rhọ afiangbe ne ọ gha ladian vbe ekhọe esi ne u ya ga mwẹ. Ẹghẹ sẹe nẹ ne u ya bu mwẹ gha dee, mẹ ne Nọyaẹnmwa ruẹn, mẹ gha rre I ghi vbe do rhọ afiangbe yan ruẹn.’

Hozia 10:4

Ẹmwẹ akuọkan ọ re iran ta ladian vbe unu, iran ghi vbe gha yan eyan ifianyanegbe kevbe ebe ne ẹ i mwẹ esa ne a gha rhie obọ yi. Ohiẹn ẹmwata gele khian ohiẹn ne ẹ i re ẹmwata nẹ nian, ọ gha wan khian zẹ vbe ne irunmwu eruan ye vbe otọ ne a mu ugbo yi.

Hozia 7:5

Ẹdẹ ne ọba do ugie, iran ghi ye ayọn ne ọba kevbe ekhaẹmwẹ ọnrẹn da sẹrriọ wẹ iran ghi do gha zurọ.

Emọs 5:24

Ye ihe enena, wa gie ohiẹn ẹmwata gha lẹ vbe ẹzẹ, kevbe uyinmwẹ ẹmwata zẹ vbe ẹzẹ ne ẹ i ka.

Emọs 6:12

Ẹsin vbe gbe ọkuẹkuẹ vbe uhunmwu okuta ra? Avbe ya ẹmila vulo otọ vbe amẹ okun ra? Sevba, wa ye ohiẹn ẹmwata khian eruan, wa keghi vbe ya ne ọgbae khian ne ọ magba.

Habakọk 3:16

I họn emwi na hia I kegha guọ, aranmwẹ mwẹ kegha guọ ne ohan. I zegbe zẹ mwẹ ye otọ owẹ mwẹ kegha mian gbẹghẹgbẹghẹ. I gha hẹko ziengbe khẹ ẹghẹ ne Ọ dee, ne Osanobua gha na rri iran oya ighe iran ni gunmwa gbinna.

Hagai 1:2

E Nọyaẹnmwa ne Oghodua keghi tama e Hagai wẹẹ, “Iran na ta ẹe khian we ẹghẹ na ma kei yọ ne a gha ya bọ Ọgua Osa.”

Matiu 22:5

sokpan a ma miẹn ne ọ zẹ ye ọre hiehie, edọmwadẹ ọghọe na wa gha ru ọghọe khian, eso la odẹ ugbo, eso la odẹ ẹki.

Iyẹn ne ọ Maan Ọghe Jọn 16:8

Rẹn gha ghi rre, ọ gha mu ẹn so agbọn aro ighe iran rri abe orukhọ, iran ba odẹ ẹmwata ku, kevbe ọghe ibuohiẹn Osanobua.

Iwinna 10:42

Rẹn keghi yi iyi ne ima ne a ya kpe orhu Iyẹn Ne ọ maa ma emwa hia, ne a vbe sẹ osẹe ọre wẹ rẹn ọrọre ọmwa ne Osanobua zẹe ne ọ gha re ne ọbuohiẹn emwa ni rre agbọn kevbe ni wulo nẹ.

Iwinna 17:13

Sokpan ugbẹn vbe avbe Ju ni rre Tẹsalonaika ghi họn ighẹ Pọl vbe kpe orhu ẹmwẹ Osanobua vbe Bẹrea, iran keghi vbe do bọọ emwa nii ye ẹmwẹ ne a ru.

Iwinna 17:2

Zẹ vbene ọ wa ru ẹe, Pọl kegha rrie nene Ọgua ediọn. Ẹdẹ Ikẹtin eha ọre ọ ya gu emwa gha muan ẹmwẹ ke uwu Ebe rre vbe evba.

Iwinna 17:32

Ugbẹn vbe iran ghi họn vbe Pọl ya unu kan ẹmwẹ arhiọkpaegbe vbe idin orinmwi, eso kegha yae gbe ogiẹ, sokpan eso vbọ keghi vbe kha wẹ, “Ma gha ho ne u dọlegbe guan kan ẹmwẹ na.

Iwinna 2:37

Ugbẹn vbe iran họn ẹmwẹ na, orhiọn iran ma ghi sẹ otọ, iran keghi nọ Pita kevbe avbe ukọ nekpa wẹẹ, “Etẹn de emwi ne ima ghẹ ghi ru nian?”

Iwinna 24:15

Idaehọ ne iran mwẹ vbe ehe ne Osanobua ye ọre imẹ vbe mwẹ wẹ emwa hia, ọ re ọmwa esi nọ ra ọmwa dan, a gha huẹn iran kpaegbe vbe orinmwi.

Iwinna 24:26

Vbe uwu ẹre nii, rẹn keghi te vbe gha ro ighẹ Pọl gha rhie igho ne irẹn, rhunmwuda ọnii, ọ na gha tiẹre gu guan kugba kẹghẹrẹ.

Iwinna 26:28

Agripa keghi tama Pọl wẹ, “Vbe ovbi ẹghẹ kherhe na, wẹ yayi ighẹ u gha sẹtin ya mwẹ do ya Kristi yi ra?”

Iwinna 9:6

Sokpan kpaegbe ne u gha rrie adesẹ ore ẹvbo, a gha tama ruẹn emwi ne u gha ru.”

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

Ebe ne Pọl gbẹẹn gie emwa Rom 14:12

Dọmwadẹ ọghọe vbe uwu ima ọre ọ ra na iyẹn egbe ẹre ma Osanobua.

Ebe ne Pọl gbẹẹn gie emwa Rom 2:16

Zẹ vbene Iyẹn Ne ọ maa ne I kpe orhu ẹre kha re, erriọ ọre ọ khian gha ye vbe Ẹdẹnẹdẹrriọ, ne Osanobua gha la obọ Jesu Kristi bu ohiẹn iro ẹkhokho ni rre ekhọe emwa hia.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

II Kọrinti 5:10

Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.

II Kọrinti 6:2

Wa họn vbene Osanobua kha hẹ: “I họn ọwua vbe ẹghẹ ne I ya ru uwa ẹse: I ye uwa obọ vbe ẹdẹ imiẹnfan.” Wa danmwehọ nian, ẹghẹ ne a ya miẹn aro ne ọ maa Osanobua ọna khin na, ẹdẹ nẹ rẹ ọrọre ẹdẹ imiẹnfan.

Galatia 3:22

Sokpan ebe tae nẹ wẹ, obọ orukhọ gba agbọn na hia nẹ, ne iran hia ni yayi miẹn ehe na miẹn rhie vbe emwi ne a la ekpa iyayi Jesu Kristi ve.

Galatia 5:23

imuegberriotọ kevbe amuegbe ye ọghọ. A ma yi uhi ye egbe emwi vberriọ.

II Timoti 4:1

I ye ọghọ vbe ute tama ruẹn, vbe odaro Osanobua kevbe Kristi Jesu, Ọmwa ne ọ ra bu ohiẹn emwa ni rre agbọn kevbe ni wulo nẹ, rhunmwuda urremwẹ ọnrẹn kevbe Arriọba ẹre, I yi ẹre iyi nuẹn.

Taitọs 1:8

Ọ kere ne ọ gha re ọmwa ne obọ ẹse tọlọ, kevbe ne emwi ne ọ maa yẹẹ, ọ ghi gha re ọmwa ne ọ rẹn enegbe, ne ọ mudia ẹse, ne ọ huanrẹn, kevbe ne a ma ẹre emwi.

Hibru 12:21

Ọ mu ohan sẹrriọ ne a ghe wẹ, Mosis keghi kha wẹẹ, “I guọe zẹzẹzẹ, ohan keghi mu mwẹ.”

Hibru 3:13

Sokpan na ghẹ miẹn wẹ orukhọ rẹrẹ eso vbe uwu uwa do ya ẹe gha ze vbe udu, wa ghi gha ru iyobọ ne egbe ẹdẹgbegbe, ugbẹn vbe a miẹn wẹ “Ẹdẹnẹrẹ” ne ebe khare ye dekan ima.

Hibru 4:1

Banbanna nian, Osanobua tama ima ye otọ nẹ wẹ ma sẹtin la owa ne a ya gu ẹe kẹtin. Rhunmwuda ọnii wa gie ima gha mwẹ imuohan, ne a ghẹ miẹn wẹ, a miẹn orhiọnkpa vbe uwu uwa ne ọ ma sẹtin la uwu ikẹtin nii.

Hibru 6:2

Iruẹmwi vbe ekpa isamẹ kevbe obọ ne a viọ yan emwa uhunmwu, ọghe a huẹn eniwu kpaegbe kevbe ibuohiẹn etẹbitẹ.

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.

Jems 2:19

Wẹ yayi wẹ, Osanobua ọkpa kẹkan ọre ọ rrọọ, ọ wa maa. Avbe orhiọn dan vbe yayi, te iran ye guọ zẹzẹzẹ ba ẹmwẹ ohan.

I Pita 3:15

Sokpan, wa gha ya ọghọ ne Kristi vbe uwu ekhọe uwa, ne uwa vbe ya ẹe ru Nọyan uwa. Mu egbe vbe ẹghẹ hia ne u ya rhie ewanniẹn ne ọmwa ne ọ rhirhi nọ ruẹn, wẹ ne u rhan otọ idaehọ ne u mwẹ.

II Pita 1:6

wa ghi rhie i ziengbe ba irẹnmwi uwa, wa ghi rhie amuwuegbe ba i ziengbe uwa, a ghi rhie a ru emwi vbene ọkhọ ọghe Osanobua ba amuwuegbe uwa,

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 3:7

Emọ, wa ghẹ gie ọmwaikọmwa mu uwa rẹrẹ, ọmwaikọmwa ne ọ ru emwi ne ọ kere, ọmwa ẹmwata nọ zẹ vbene Kristi vbe re ọmwa ẹmwata.

I Samuẹl 12:7

Banbanna nian, wa mudia ye ehe ne uwa ye ne I gu uwa gui ma e Nọyaẹnmwa vbe ekpa ne I gha na ye uwa rre iwinna nekhua ne Nọyaẹnmwa winnaẹn ya miẹn uwa kevbe avbe erha uwa odede fan.