Iwinna 24:17 - Edo Bible (E Baibol Ẹdo) Version 1996

¹⁷ “Ọ ghi rre omwa ukpo eso ne I ghi kpa vbe Jerusalẹm rre, I keghi vbe dọlegbe gha khian ne I rhie igho eso gie emwa mwẹ, kevbe ne I vbe ya zọ ese.

Iwinna 24:17 ပူးပေါင်းရင်းမြစ်များ

Iwinna 20:16

Pọl keghi te wẹ ne iran gua okọ la odẹ Ẹfisọs ne a ghẹ vbe mu ẹghẹ rhia vbe ikinkin Esia. Rẹn keghi wa tua okhian ne ọ miẹn ehe na rherhe sẹ Jerusalẹm, a deghẹ ọ gia ru vbe ẹdẹ Pẹntikọst zẹẹ.

Iwinna 20:31

Rhunmwuda ọnii, wa khẹ ye egbe, wa ghi yerre wẹ ukpo eha gbalaka ọre I ya gha ma edọmwadẹ ọghọe vbe uwu uwa emwi vbe asọn kevbe avan ke imẹ ke ameve.

Iwinna 21:26

Ẹdẹ ghi gbe, Pọl keghi viọ emwa ni, ọ keghi de ba iran yo ulamwẹ akpehuan. Iyeke ọnii, ọ kegha rrrie uwu Ọgua Osa, ọ na ya tama iran inu ikpedẹ ne ọ khian gha khin ne ẹghẹ akpehuan gha ya gba, ne ọkpọkpa vbe uwu iran miẹn ehe na do zọ ese.

Iwinna 24:26

Vbe uwu ẹre nii, rẹn keghi te vbe gha ro ighẹ Pọl gha rhie igho ne irẹn, rhunmwuda ọnii, ọ na gha tiẹre gu guan kugba kẹghẹrẹ.

Ebe ne Pọl gbẹẹn gie emwa Rom 15:31

Wa na erhunmwu ne a miẹn mwẹ fan vbe obọ iran ni ma yayi ni rre Judia, kevbe ne iwinna ne I gha winna vbe Jerusalẹm gie iran ne emwa Osanobua ni rre evba rhan obọ miẹn.

II Kọrinti 8:6

Rhunmwuda ọnii, ọre ima na wẹ ne Taitọs, ọmwa ne ọ suẹn iwinna na, ne ọ wa gha ya ẹe khian, ne ọ gu uwa winna iwinna aho ẹmwẹ ọmwa na sẹ ufomwẹ.

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.

II Kọrinti 9:12

Rhunmwuda, iwinna ne uwa winna na, ẹ i re wẹ wa yae rrọ emwa Osanobua rre ọkpa, sokpan ọ kevbe gie ekpọnmwẹ ọkpọnmwẹ ẹse gha tue ladian ghe Osanobua.

Galatia 2:10

Emwi ọkpa ne iran ghi kha ọrọre wẹ, ne ima gha ye avbe emwa ne ẹ i mwẹ ni rre ehe ne iran ye rre, mẹ ka tobọ mwẹ mu aro yọ nẹ ne I ru ọnọna.