Iwinna 24:14 - Edo Bible (E Baibol Ẹdo) Version 1996

¹⁴ Emwi ne ọ miẹn khama ruẹn ọna khin wẹẹ: Odẹ ne iran khare ighẹ ohoghe nọ ọre I la ga Osanobua avbe erha mwa odede. Sokpan I vbe ya emwi hia ne a gbẹnnẹ ye Uhi e Mosis kevbe ebe avbe akhasẹ yi.

Iwinna 24:14 ပူးပေါင်းရင်းမြစ်များ

I Krọnikol 29:18

E Nọyaẹnmwa ne Osanobua avbe erha mwa odede, Ebraham, Aizik kevbe Jekọb, gie ekhọe ne a ya ga vberriọ gha digiẹ yọ vbe uwu emwa ruẹn rhinrin, ne u gie ekhọe iran gha la ghe ọwuẹ vbe ẹghẹ hia.

Psalm 119:46

Mẹ gha na iyẹn iyi ruẹ ma avbe ọba ekhue i ra vbe mu mwẹ.

Ẹksọdọs 3:15

Osanobua keghi dọlegbe gu e Mosis guan, “Ọna ọrọre ẹmwẹ ne u gha tama ivbi Izrẹl, e Nọyaẹnmwa, Osanobua avbe erha uwa odede, Osanobua ọghe Ebraham, Osanobua Aizik kevbe Osanobua ọghe Jekọb ọre ọ gie mwẹ gie uwa. Ọnọna ọrọre eni mwẹ ẹdẹdẹmwẹdẹ, erriọ ọre avbe orre ni dee hia gha tie mwẹ.

Emọs 8:14

Iran ni vẹn ẹbọ e Sameria, iran ni kha wẹẹ, ‘I vba ẹbọ ne Dan’ ra ‘I vba ẹbọ ne Biẹsiẹba’ iran ni gha dele guọghọ ua, iran i ghi vbe kpao ọvbehe.”

Maika 4:2

Avbe emwa iran ghi gha kha wẹẹ, “Wa gie ima hin oke Nọyaẹnmwa gha rrie Ọgua Osa, Osanobua Izrẹl. Rhunmwuda, ọ gha ma ima emwi ne ọ ho ne ima ru, ma gha lele urodẹ ne irẹn zẹe, rhunmwuda, e Jerusalẹm ọ re iruẹmwi e Nọyaẹnmwa ke rre; e Zaiọn ọ re ọ ke guan gie emwa irẹn.”

Matiu 10:32

“Ọmwa ne ọ rhirhi miẹn kue vbe azagba ighe ọghomwẹ rẹn khin, erriọ mẹ gha vbe miẹn rẹn kue vbe odaro Erha mwẹ ne ọ rre ẹrinmwi.

Matiu 22:40

Uhi eva na ọrọre ẹzi Uhi e Mosis kevbe ẹmwẹ avbe akhasẹ.”

Matiu 7:12

“Ru ne emwa ọvbehe egbe emwi ne uwẹ ho ne iran ru ne uwẹ. Emwi na ya Uhi Mosis kevbe avbe akhasẹ kha ọre ọnii khin.

Iyẹn ne ọ Maan Ọghe Luk 1:70

Erriọ ọ la unu avbe akhasẹ ọre ni huanrẹn nẹdẹ tae ye otọ.

Iyẹn ne ọ Maan Ọghe Luk 16:16

“Avbe Uhi e Mosis kevbe emwi ne avbe akhasẹ gbẹnnẹ ye otọ wa gha rre atẹ do sẹ ẹghẹ e Jọn ne Ọsamẹ. Sokpan ke ẹghẹ nii gha dee, vbe a ghi kpe orhu Iyẹn Ne ọ maa ọghe Arriọba Osanobua nẹ, ẹki udu ọre emwa hia ghi ya larọ.

Iyẹn ne ọ Maan Ọghe Luk 16:29

Ebraham tama rẹn wẹẹ, ‘Mosis kevbe avbe akhasẹ rre ehe ne avbe etuẹn ne ikpia ye, wẹ ne avbe etuẹn danmwehọ ude ne iran bu iran re.’

Iyẹn ne ọ Maan Ọghe Luk 24:27

Jesu keghi rhan otọ ẹmwẹ hia ne Ebe tae vbekpa irẹn ma iran. Ọ keghi suẹn vbe ebe Mosis rhinrin ya sẹ emwi ne avbe akhasẹ gbẹnnẹ.

Iyẹn ne ọ Maan Ọghe Luk 24:44

Ẹkpo nii ọre ọ na khama iran wẹẹ, “Emwi ne I tama uwa vbe I gu uwa rrọọ ẹghẹ nii ọre ena khin: emwi ne a gbẹnnẹ ye otọ vbekpa mwẹ vbe Uhi e Mosis, kevbe avbe akhasẹ kevbe ebe Psalm, te a gha mu ẹn sẹ.”

Iyẹn ne ọ Maan Ọghe Jọn 1:45

Filip keghi miẹn Nataniẹl, ọ tama rẹn wẹẹ, “Ma miẹn ọmwa ne Mosis ta ẹmwẹ ọnrẹn ye uwu ebe Uhi, ne avbe akhasẹ vbe gbẹnnẹ ẹmwẹ ye otọ vbe ekpa ẹre. Ọmwa na ọrọre Jesu ne ovbi e Josẹf ne ovbi e Nazarẹt.” Nataniẹl keghi nọ wẹẹ,

Iwinna 10:43

Avbe akhasẹ hia ta ẹmwẹ ọnrẹn wẹ ọmwaikọmwa ne ọ rhirhi a yae yi, a gha ya orukhọ ẹre hia bọ ẹe la ekpa ẹtin eni ẹnrẹn.”

Iwinna 13:15

Ugbẹn vbe iran ghi tie ebe Uhi Mosis kevbe emwi ne akhasẹ gbẹnnẹ ye otọ nẹ, iran ne avbe olotu Ọgua ediọn keghi gie ne a khama iran wẹẹ, “Etẹn, deghẹ wa mwẹ ẹmwẹ ibude ne uwa gha rhie ne emwa, wa do gu iran guan.”

Iwinna 15:5

Sokpan eso ni rre otu avbe Farisi vbe uwu ivbi iyayi keghi kpaegbe, iran wẹẹ, “Ọ kere ne a rhuẹ iran, ne a tama iran ne iran gha ye Uhi Mosis ru emwi.”

Iwinna 19:23

Ẹghẹ na zẹẹ, ẹmwẹ nọkhua na sa vbe Ẹfisọs rhunmwuda odẹ Nọyaẹnmwa.

Iwinna 19:9

Sokpan eso vbe uwu iran keghi ze utun vbe ehọ, iran ma yayi, iran kegha filo unu gie Odẹ ọghe Nọyaẹnmwa sirra emwa nii hia. Pọl keghi rhunmwuda ọnii sẹ iran rae, ọna viọ avbe erhuanegbe nii, ọ kegha ma emwa emwi ẹdẹgbegbe vbe owa iruẹmwi ọghe Tiranọs.

Iwinna 22:14

Rẹn keghi kha wẹẹ, ‘Osanobua avbe erha mwa odede ọre ọ hannọ uwẹ zẹ ne u do rẹn emwi ne irẹn ho, ne u bẹghe Ọguọmwadia ẹmwata ẹre kevbe ne u vbe họn vbe ọ ya urhu ẹre guan.

Iwinna 24:22

Ẹghẹ nii ọre Fẹlis ne ọ mobọ rẹn emwi vbe ekpa odẹ nii na dobọ ẹzọ ni yi. Ọ tama iran wẹ, “Lisias ne ọkaokuo gha ghi rre, ọre i ghi na bu ohiẹn uwa.”

Iwinna 24:5

Ma miẹn okpia na wẹ, uhunmwu isusu dan nọ. Ọ fian otighi fi avbe Ju egbe la uhunmwu otọ agbọn hia. Ọ keghi vbe re ọkaolotu otu ọkpa ne iran tie eni ẹnrẹn e nazarin.

Iwinna 25:8

Sokpan, Pọl keghi vbe ze ne unu ẹnrẹn wẹ, “I ma fidọn vbe emwi rhọkpa, ọ re Uhi avbe Ju nọ ra Ọgua Osa ra e Nọgbaisi e Rom.”

Iwinna 26:22

Sokpan Osanobua ọre ọ mudia mẹ do sẹ ẹdẹnẹrẹ na, ne I na ye zẹ ene unu mwẹ ma emwa hia, ọkpọlọ kevbe ọkanmwa. Emwi ne I tae ọrọre emwi ne avbe akhasẹ kevbe Mosis tae ighẹ ọ gha sunu.

Iwinna 26:27

Agripa ne Ọba, deghẹ wẹ ya ẹmwẹ ne avbe akhasẹ tae yi, I rẹnrẹn ighẹ u yaeyi!”

Iwinna 26:4

“Avbe Ju hia rẹn vbene I ru emwi hẹ ke ẹghẹ ọvbokhan mwẹ gha dee. Iran rẹnrẹn, wẹ ke omuhẹn gha dee, ẹvbo mwẹ kevbe Jerusalẹm ọre I ye.

Iwinna 26:6

Wanwanna nian, emwi ne a ba mwẹ ifi ẹzọ ba ọrọre wẹ rhunmwuda mẹ rhie ekhọe ye emwi ne Osanobua ve avbe erha mwa odede re.

Iwinna 28:22

Sokpan ma gha ho ne ima vbe họn vbe ne ọ ye hẹ vbe ekhọe uwẹ, rhunmwuda ma rẹnrẹn wẹ, a i miẹn ehe ne a na ta ẹmwẹ ọnrẹn ẹse ighẹ otu ne u khare ighẹ uwẹ ye na.”

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Iwinna 3:13

Osanobua Ebraham, Aizik kevbe Jekọb, Osanobua avbe erha mwa odede, ọre ọ rhie uyi ne ọ gbae ne Ọguọmwadia ẹre Jesu, ọmwa ne uwa rhie yan iran ni khaemwisẹ obọ, wa keghi hẹẹ ye otọ vbe odaro Pailet, vbe Pailet te gha ho ne irẹn fan ẹn fua.

Iwinna 5:30

Osanobua ọ ghe avbe erha mwa ọre ọ huẹn Jesu kpaegbe vbe idin iyeke vbe uwa kan rẹn mu ugbugbe nẹ, ne uwa na gbe ẹe rua.

Iwinna 7:32

‘Mẹ ọrọre Osanobua avbe erha uwa odede, Osanobua Ebraham, Aizik kevbe Jekọb.’ Ohan mu Mosis, ọ na gha guọ kpẹkpẹkpẹ, ohan ma ghi gie ẹe ghe ẹre.

Iwinna 9:2

Ọ na ya miẹn ẹre ebe ọghe rẹn ọna khin, ne ọ rhie mwẹ gha rrie Ọgua ediọn avbe Ju ni rre Damaskọs wẹ, rẹn gha miẹn emwa ni lele odẹ ọghe Nọyaẹnmwa vbe odọ, ne ọ sẹtin munọ ehia, ikpia kevbe ikhuo nọ viọ iran gha di e Jerusalẹm.

Ebe ne Pọl gbẹẹn gie emwa Rom 1:9

Osanobua ne imẹ ya ekhọe mwẹ hia ga vbe uwu ne I na ya ekhọe mwẹ hia kpe orhu Iyẹn Ne ọ maa rẹnrẹn ighẹ ẹghẹ ne I ya na erhunmwu hia ọre I ya ye uwa rre.

Ebe ne Pọl gbẹẹn gie emwa Rom 3:21

Sokpan a ta ẹe ladian nẹ nian ighẹ vbene Osanobua ya ye ọmwa khian ọmwata vbe odaro ẹre hẹ, ọ ma zẹdẹ dekan uhi hiehie re. Te uhi kevbe avbe akhasẹ sẹ osẹ nẹẹn.

I Kọrinti 11:19

(Vbe ne a i na gbe awẹawẹ, ẹ i mwẹ iwannegbe ma gha rre ẹkpo uwa ne iran ni ru emwi esi miẹn ehe na wa gia rẹn taara.)

Galatia 5:20

ẹbọ ne a gho kevbe azẹn, emwa ghi ya eghian so egbe, iran ghi gha gbinna, oya iran ghi gha da egbe, okuo kevbe oguegue. Iran ghi gha ghae egbe ye otu kevbe oka.

II Timoti 1:3

I kpọnmwẹ Osanobua, ọmwa ne I ya ekhọe sẹẹnrẹn ga, zẹ vbe ne avbe erha mwa odede vbe ru. I ghi gha kpọnmwẹ ọẹn vbe ẹghẹ hia ne I ya ye ruẹ rre vbe erhunmwu mwẹ, asọn kevbe avan.

Taitọs 3:10

Ọmwa ne ọ si iwannegbe rre, u ghi tie ẹre gu ẹe guan igbaeva, vbe iyeke ọnii, u ghi wa zobọ vbe egbe ẹre fẹẹrẹ.

I Pita 1:11

Iran keghi hia ne iran gualọ ẹe miẹn, ẹghẹ ne ọ ghẹ gha khin, kevbe vbene ọ gha ya rre hẹ, rhunmwuda, Orhiọn Kristi ne ọ rre uwu iran keghi ta ẹmwẹ ẹghẹ na, vbene iranna ta ẹmwẹ oya ne Jesu gha re ye otọ, ke ẹe kevbe uyi ne ọ gha lele ẹe.

Arhie Maan 19:10

I keghi de fi iguẹ vbe akharha ẹre ne I ya uhunmwu rhanmwẹ otọ nẹẹn, sokpan rẹn keghi tama mwẹ wẹẹ, “Ghẹ danmwẹ ọẹn ghe, ọguọmwadia ne ihua ọre imẹ vbe khin, kevbe zẹ vbe etuẹn, iran ni ya obọ da ẹmwata ne Jesu rhie maa yi mwẹ. Ya uhunmwu rhanmwẹ otọ ne Osanobua.” Rhunmwuda, ẹmwata ne Jesu rhie maa, ọre ọ rhie ẹtin ne avbe akhasẹ.