Iwinna 23:9 - Edo Bible (E Baibol Ẹdo) Version 1996

⁹ Uvannọmwẹ kegha hin odukhunmwu. Eso vbe uwu iran ni ma emwa Uhi ni vbe rre otu avbe Farisi keghi gua kpaegbe, iran tua unu muẹn wẹ, “Ma ma miẹn abe rhọkpa vbe obọ okpia na, ughaghe odibo Osa ra orhiọn ọre ọ gele gu ẹe guan!”

Iwinna 23:9 ပူးပေါင်းရင်းမြစ်များ

Itan 16:7

U gha ru vbene ọ yẹ Nọyaẹnmwa, u gha sẹtin ya avbe eghian ruẹn khian ọse.

Jerimaia 26:16

Ẹre avbe ọkaolotu na tama avbe ohẹn kevbe akhasẹ wẹẹ, “Eni e Nọyaẹnmwa ne Osanobua mwa ọ re ọmwa na ya gu ima guaan, ọ ma kei na a gbe ẹe rua.”

Iyẹn ne ọ Maan Ọghe Mak 2:16

Eso vbe uwu iran ni ma emwa Uhi, ni vbe re Farisi keghi miẹn vbe Jesu gu avbe iran ne ẹwobi emwa kevbe ni koko igho uhunmwu rri evbare, iran keghi ya nọ avbe erhuanegbe ẹre wẹẹ, “Vbọzẹ ne ọ na gu eni koko igho uhunmwu kevbe avbe, ẹwobi emwa rri evbare yi?”

Iyẹn ne ọ Maan Ọghe Luk 23:22

Pailet keghi tama iran ukpogieha wẹẹ, “Sokpan de emwi dan ne ọ ru? Mẹ ma miẹn emwi ne ọ ru ne a gha gu gbe ẹe rua. I gha gbe ẹre asan ne I fan ẹn fua.”

Iyẹn ne ọ Maan Ọghe Luk 23:4

Pailet keghi tama avbe igie ohẹn kevbe emwa ni gbe ẹbu ye evba wẹẹ, “I ma miẹn emwi ne I gha gu bu ohiẹn gbe ọmwa na.”

Iyẹn ne ọ Maan Ọghe Luk 5:30

Eso vbe uwu avbe Farisi kevbe iran ni ma emwa Uhi ni deba iran gha rre evba, kegha gu avbe erhuanegbe gui, iran nọ iran wẹẹ, “Vbe a na miẹn hẹ yi ighẹ uwa vbe iran ni koko igho uhunmwu kevbe iran ne ẹwobi ọre ọ gba re gba da?”

Iyẹn ne ọ Maan Ọghe Jọn 12:29

Emwa ni gbe ẹbu ye evba ghi họn, iran wẹ, “Avan ne ukhunmwu vaẹn!” Emwa ọvbehe vbe wẹẹ, “Odibosa ọre ọ gu ẹe guan.”

Iwinna 11:17

Aro da ẹe wẹ te Osanobua vbe rhie ne iran ne ẹ i re Ju na, egbe ọhẹ ne ọ rhie ne ima vbe ẹghẹ ne ima na ya Nọyaẹnmwa Jesu Kristi yi, gha ọre imẹ khekherriọ ne I gha na da Osanobua obọ yi.”

Iwinna 22:6

“Ehe ne I na khian nii vbe I ghi sikẹ Damaskọs nẹ vbe ọ ghi bu ẹghẹ ogiavan, awanwan keghi wa wan ke odukhunmwu rre lẹga mwẹ.

Iwinna 22:7

I keghi wa de gbe otọ, I keghi họn urhu ọkpa ne ọ tama mwẹ wẹẹ, ‘Sọl, Sọl vbọzẹ ne u na zọ mwẹ owẹ?’

Iwinna 23:29

I keghi do miẹn wẹ ọ ma ru emwi rhọkpa ne a gha rhunmwuda ẹre gbe ẹe rua ra ne a mu ẹn ye eghan, ẹzọ ne iran gu ẹe gui keghi re ẹmwẹ emwi ne ọ dekan uhi iran.

Iwinna 23:8

(Rhunmwuda avbe Sadusi khare ighẹ a i ra huẹn emwa kpao vbe orinmwi kevbe wẹ avbe odibosa ra avbe orhiọn i rrọọ, sokpan avbe Farisi wa ya eha na yi.)

Iwinna 25:25

Sokpan mẹ ma miẹn wẹ ọ ru emwi dan ọkpa ne a gha rhunmwuda ẹre bu ohiẹn uwu gbe eẹ. Ugbẹn vbe irẹn ghi tobọ ẹre tọn ẹzọ ẹre mu gha rrie ọghe Nọgbaisi, I na wẹ I gha rhie ẹre gha khian.

Iwinna 26:31

Iran ghi khian nẹ, iran kegha tae wẹ, “Okpia na ma ru emwi rhọkpa ne a gha gbe ẹe rua ra ne a muẹn ye eghan baa.”

Iwinna 27:23

Rhunmwuda vbe ne asọn, odibo Osanobua ne imẹ re ọghọe kevbe ne imẹ ga keghi bu mwẹ rre, ọ wẹẹ,

Iwinna 5:39

Sokpan, ọ gha re emwi ne ọ ke obọ Osanobua rre nọ, obọ uwa i sẹtin ke okhunmwu ne iran. Ne a ghẹ miẹn wẹ, te uwa ghi mu aro igbinna da Osanobua.” Iko ni keghi wa rhie ude ne Gamaliẹl buru.

Iwinna 9:4

Rẹn keghi de gbe otọ, ọ keghi họn vbe urhu ọkpa tama rẹn wẹẹ, “Sọl, Sọl, vbọzẹ ne u na zọ mwẹ owẹ?”

I Kọrinti 10:22

Ra te uwa ra ya Nọyaẹnmwa khian ne oya ọmwa da? Wa yayi ighẹ ma wo vbe egbe sẹ ọre ra?

I Samuẹl 12:5

E Samuẹl keghi wanniẹn wẹẹ, “E Nọyaẹnmwa kevbe ọba ne irẹn zẹe ọrọre osẹe mwẹ vbe ehe ne uwa ye wẹẹ, wa ma miẹn emwi ka yọ mwẹ owẹ hiehiere.” Iran keghi wanniẹn wẹẹ, “E Nọyaẹnmwa ọrọre osẹe ghe ima.”

I Samuẹl 24:17

Ẹre ọ na tama e Devid wẹẹ, “Wẹ ọ re ọ rri ase, mẹ ọ re ọ rukhọ. Te uwẹ wa gha maa mẹ, vbene imẹ na gha ruẹ khọ.