Iwinna 23:32 - Edo Bible (E Baibol Ẹdo) Version 1996

³² Ẹdẹ ne ọ lele ẹe, avbe ivbiyokuo ni ye owẹ khian, keghi werriegbe gha rrie owa ne gbain, iran na wẹ ne iran ni hin ẹsin lele ẹe gha khian.

Iwinna 23:32 ပူးပေါင်းရင်းမြစ်များ

Iwinna 23:10

Imuan ẹmwẹ na keghi wa wegbe sẹrriọ ne afianma na gha fian ọkaokuo wẹ iran gha yanghan Pọl rua. Rhunmwuda ọnii, ọ na wẹ ne ivbiyokuo la uwu ẹbu iran ne iran rhie Pọl ladian vbe evba, ne iran rhie ẹre gha rrie owa ne gbain.

Iwinna 23:16

Sokpan ovbi ovbiye Pọl, ne ọre ọvbokhan okpia keghi họn uma ne iran si na, rhunmwuda ọnii, rẹn keghi la uwu owa ne gbain ni, ọ na ya tama Pọl.

Iwinna 23:23

Ọkaokuo keghi tie eva vbe uwu iran ni rre asẹ vbe ototọ ẹre, ọ tama iran wẹẹ, “Wa viọ ivbiyokuo ye otọ ne iran do gha rrie Sisaria. Deba arhin ekigbesiyenẹ ni hin ẹsin kevbe arhin uri ni fi asoro, wa ghi mu egbe ne uwa si okhian vbe ẹgogo ihinrin vbe asọn nẹ rẹ.

Iwinna 23:31

Avbe ivbiyokuo keghi wa ru vbene a tama iran. Asọn nii, iran keghi rhie Pọl do sẹ Antipatris.