Iwinna 23:30 - Edo Bible (E Baibol Ẹdo) Version 1996

³⁰ A ghi ya ha mwẹ ehọ ighẹ avbe Ju khuan ye otọ khẹ ọre, I na wẹ ne I rhie ẹre bu ruẹ gha dee. I tama iran ni gu ẹe gui ne iran do gu ẹe gui vbe ehe ne u ye.”

Iwinna 23:30 ပူးပေါင်းရင်းမြစ်များ

Iwinna 15:29

wa ghẹ rri evbare ne a ya ru ẹbọ, wa ghẹ rri esagiẹn, wa ghẹ rri aranmwẹ ne a ye obobọ kuẹn gbua, wa ghi gha bi egbe hin alama oghẹ rre. Wa gha khian ẹse a deghẹ wa da egbe uwa yi ne a ghẹ ru avbe emwi na. Wa ọ khian ẹdẹ hia.”

Iwinna 23:12

Vbe owiẹ ikpẹdẹ ne ọ lele ẹe, iran keghi si uma. Iran keghi vẹn ihẹn wẹ iran i ra re iran i ra da rhinrin iran te do gbe Pọl rua.

Iwinna 23:20

Rẹn keghi wanniẹn wẹ, “Avbe Ju ta ẹe nẹ wẹ iran gha do tama ruẹn akhuẹ ne u rhie Pọl gha die Iko, iran ghi ba kha ighẹ te Iko ra dọlegbe gualọ otọ ẹmwẹ ọnrẹn ẹse.

Iwinna 23:31

Avbe ivbiyokuo keghi wa ru vbene a tama iran. Asọn nii, iran keghi rhie Pọl do sẹ Antipatris.

Iwinna 23:35

Rẹn tama rẹn wẹẹ, “I gha họn ene unu ẹn vbe iran ni guẹ gui a rre nẹ.” Ọ na ghi wẹ ne a rhie Pọl la ẹguae Hẹrọd ne a gha ba ẹe.

Iwinna 24:19

Sokpan avbe Ju eso ni ke ikinkin Esia rre keghi rre evba, iran ni ọre ọ te kee ne iran do tobọ iran gun mwẹ gui ma ruẹn deghẹ iran mwẹ ẹzọ ne iran gha gun mwẹ gui.

Iwinna 25:16

Sokpan mẹ keghi tama irẹn wẹ a i ruẹe vbe Rom wẹ ne a bu ohiẹn gbe ọmwa ne a gu gui ẹzọ ba emwi dan ne ọ ru, vbe ẹ i re te irẹn kevbe iran ni gu ẹe gui gba sa ye egbe unu nẹ, kevbe ne a vbe rhie otọ nẹẹn ne ọ ya ta ene unu ẹnrẹn vbe ifi ẹzọ ne a ba ẹre re.

Iwinna 9:24

Sokpan emwa eso keghi do ya ẹmwẹ ha ẹre ehọ we ghe uma ne iran si. Iran kegha khẹ odẹ ne a la la ẹvbo ni asọn kevbe avan ne iran miẹn ehe na gbe ẹe rua.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.