Iwinna 23:22 - Edo Bible (E Baibol Ẹdo) Version 1996

²² Ọkaokuo keghi tama rẹn, “Ghẹ tama ọmwa rhọkpa ighẹ u ta ẹmwẹ na ma mwẹ.” Rẹn keghi zẹ igbama ni urrie.

Iwinna 23:22 ပူးပေါင်းရင်းမြစ်များ

Matiu 10:5

Jesu keghi tie iran ne iweva, ọ keghi gie iran uhunmwu, ọ yi iyi ne iran wẹẹ, “Wa ghẹ van iwewe avbe iran nẹ i re Ju ra ẹvbo emwa Sameria.

Iyẹn ne ọ Maan Ọghe Mak 1:44

“Danmwehọ, ghẹ tama ọmwa rhọkpa, sokpan bu ohẹn gha khian ne ọ ya ghe ruẹ egbe ghe. U ghi vbe ya hae azẹ ne Mosis fian yọ, ne emwa hia miẹn ehe na rẹn ighe egbe gele rran ruẹn nẹ.” Ọ keghi zẹ ọre urrie.

Iyẹn ne ọ Maan Ọghe Jọn 18:12

Avbe ivbiyokuo nii, deba olotu iran kevbe ọgbalegbe avbe Farisi keghi mu Jesu, iran keghi gba ẹe.

Iwinna 23:21

Sokpan ghẹ zẹ ye iran ẹre rhunmwuda ọ yan arhin iyeva ni lẹre khẹ ọre vbe odẹ. Iran hia vẹn ihẹn nẹ wẹ iran i ra re, iran i ra da rhinrin iran te do gbe ẹe rua. Iran wa mu egbe ne iran gha ya ru vberriọ nian, vbe ne uwẹ kha hẹ ọre iran ghi mudia khẹ.”

Iwinna 23:23

Ọkaokuo keghi tie eva vbe uwu iran ni rre asẹ vbe ototọ ẹre, ọ tama iran wẹẹ, “Wa viọ ivbiyokuo ye otọ ne iran do gha rrie Sisaria. Deba arhin ekigbesiyenẹ ni hin ẹsin kevbe arhin uri ni fi asoro, wa ghi mu egbe ne uwa si okhian vbe ẹgogo ihinrin vbe asọn nẹ rẹ.

Jọsua 2:14

Ikpia nii keghi wanniẹn tama rẹn wẹẹ, “Te Osanobua gha miẹn ima uhunmwu vbe ima ma ru vbene u khare. A deghẹ u ma te emwi ne ima ru na ladian, ma gha ye obọ esi mu uẹn vbe e Nọyaẹnmwa a mu otọe na ne ima.”