Iwinna 23:17 - Edo Bible (E Baibol Ẹdo) Version 1996

¹⁷ Rhunmwuda ọnii, Pọl keghi tie ọkpa vbe uwu iran ni rre asẹ vbe evba, ọ tama rẹn wẹ, “Rhie ọvbokhan okpia na bu ọkaokuo gha khian, ọ mwẹ ẹmwẹ ne ọ ra tama rẹn.”

Iwinna 23:17 ပူးပေါင်းရင်းမြစ်များ

Itan 22:3

Emwa ni wan gha miẹn wẹ orueghe dee, iran ghi rhie uhunmwu iran lẹre, sokpan, ọmwa ne ẹ i ro iro ghi wa ya owẹ khian larọ, ọ ghi ya gha gbe ima rẹn vbe okiekie.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Iyẹn ne ọ Maan Ọghe Jọn 18:12

Avbe ivbiyokuo nii, deba olotu iran kevbe ọgbalegbe avbe Farisi keghi mu Jesu, iran keghi gba ẹe.

Iwinna 22:26

Ugbẹn vbe ne ọ rre asẹ nii ghi họn ẹmwẹ na, ọ keghi rhulẹ bu ọkaokuo gha khian, ọ nọ rẹn wẹ, “Vbe u a ru na yi? Ovbi e Rom okpia nii khin!”

Iwinna 23:16

Sokpan ovbi ovbiye Pọl, ne ọre ọvbokhan okpia keghi họn uma ne iran si na, rhunmwuda ọnii, rẹn keghi la uwu owa ne gbain ni, ọ na ya tama Pọl.

Iwinna 23:18

Nọ rre asẹ nii keghi rhie ẹre bu ọkaokuo, ọ tama rẹn wẹẹ, “Pọl ni oleghan ọre ọ tie mwẹ, ọ na wẹ ne I rhie ọvbokhan okpia na bu ruẹ gha dee, ighẹ ọ mwẹ ẹmwẹ ne ọ ra tama ruẹn.”

Iwinna 23:23

Ọkaokuo keghi tie eva vbe uwu iran ni rre asẹ vbe ototọ ẹre, ọ tama iran wẹẹ, “Wa viọ ivbiyokuo ye otọ ne iran do gha rrie Sisaria. Deba arhin ekigbesiyenẹ ni hin ẹsin kevbe arhin uri ni fi asoro, wa ghi mu egbe ne uwa si okhian vbe ẹgogo ihinrin vbe asọn nẹ rẹ.