Iwinna 23:16 - Edo Bible (E Baibol Ẹdo) Version 1996

¹⁶ Sokpan ovbi ovbiye Pọl, ne ọre ọvbokhan okpia keghi họn uma ne iran si na, rhunmwuda ọnii, rẹn keghi la uwu owa ne gbain ni, ọ na ya tama Pọl.

Iwinna 23:16 ပူးပေါင်းရင်းမြစ်များ

II Samuẹl 17:17

E Jonatan kevbe Ahimaz keghi mudia vbe Ẹnrogẹl rhunmwuda ne emwa ghẹ ya bẹghe iran vbe iran a la ore ẹvbo. Ọvbokhan okhuo ọkpa ẹre ọ wa ya gha na iyẹn emwi ne ọ sunu ma iran, iran ghi vbe ya tama e Devid ne ọba.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Itan 24:15

Ghẹ yevbe ọmwa dan, ne ọ mwamwa vbene irẹn gha ya rha ọmwa ne ọ yin ẹse hẹ, ra vbe ne ọ gha mu ẹre owa hẹ.

Eve Orriara 3:37

Iho e Nọyaẹnmwa ọkpa, ọ re a ru vbe ẹghẹ hia.

Iwinna 21:34

Emwa eso vbe uwu ẹbu kegha talọ ẹmwẹ na, eso talọ ọvbehe. Ehia keghi lighi sẹrriọ wẹ ọkaokuo nii ma miẹn uhunmwu emwi ne ọ sunu kpataki. Ọ na rhunmwuda ọnii wẹ ne emwa rẹn mu e Pọl gha rrie owa ne gbain.

Iwinna 21:37

Ugbẹn vbe iran ghi te ra mu e Pọl la owa ne gbain nii, ọ keghi tama ọkaokuo ni wẹ, “Lahọ ni guẹ guan?” Ọkaokuo keghi nọ rẹn wẹ, “Wẹ họn e Grik ra?

Iwinna 23:10

Imuan ẹmwẹ na keghi wa wegbe sẹrriọ ne afianma na gha fian ọkaokuo wẹ iran gha yanghan Pọl rua. Rhunmwuda ọnii, ọ na wẹ ne ivbiyokuo la uwu ẹbu iran ne iran rhie Pọl ladian vbe evba, ne iran rhie ẹre gha rrie owa ne gbain.

Iwinna 23:17

Rhunmwuda ọnii, Pọl keghi tie ọkpa vbe uwu iran ni rre asẹ vbe evba, ọ tama rẹn wẹ, “Rhie ọvbokhan okpia na bu ọkaokuo gha khian, ọ mwẹ ẹmwẹ ne ọ ra tama rẹn.”

Iwinna 23:32

Ẹdẹ ne ọ lele ẹe, avbe ivbiyokuo ni ye owẹ khian, keghi werriegbe gha rrie owa ne gbain, iran na wẹ ne iran ni hin ẹsin lele ẹe gha khian.

Iwinna 24:23

Ọ na tama ọmwa ne ọ rre asẹ ne a rhie Pọl nẹ dayi wẹ, ne iran ye gha rhie aro lele ẹe, sokpan ne avbe gi ẹe gha fanmwegbua ugbẹnso, kevbe ne a giẹ avbe esiọre gha viọ emwi ne ọ ho giẹe.

I Kọrinti 3:19

Rhunmwuda, emwi ne emwa ne agbọn tie ẹre emwi ẹwaẹn, ukọnmwẹ nọ vbe aro Osanobua. Zẹ vbene ebe ta ẹe, “Uwu iguemwi ne iran gu ẹe, ọre Osanobua na khuẹn ifi mu avbe umẹwaẹn.”