Iwinna 23:14 - Edo Bible (E Baibol Ẹdo) Version 1996

¹⁴ Iran keghi bu avbe igie ohẹn gha khian, iran tama iran wẹẹ, “Ma vẹn ihẹn ne ọ wo vbe egbe wẹ ma i ra ye evbare kan unu, ma te gbe Pọl rua.

Iwinna 23:14 ပူးပေါင်းရင်းမြစ်များ

Aizaia 3:9

Ẹmwẹ ne iran rhie ye ekhọe ọ re a ra ya gu iran gui. Te iran ghi wa rhan ma orukhọ zẹ vbene emwa Sọdom ghaa ye. Ọghe iran fo ne, obọ iran ọ re iran ya sii ẹe gie egbe iran.

Jerimaia 6:15

Te ekhue ghi mu iran ra rhunmwuda ẹkẹkhẹrhẹ ne iran ru? Hiehiere, ekhue ma zẹdẹ mu iran. Iran ma rẹn vbene emwi gbe ọmwa egbe hẹ. Rhunmwuda ọnii, iran gha dele, zẹ vbene emwa ọvbehe ka vbe dele yi evba nii ọ re ọ ghi ra gha re ufomwẹ iran. Mẹ ne Nọyaẹnmwa taa ẹe nẹ.”

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Hozia 4:9

“Oya ne a gha rri emwa ni re ọ re a gha vbe rri uwa ẹre! I gha rri uwa oya, I ghi vbe ru ẹe ne uwa ha osa emwi dan ne uwa ru.

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Iwinna 23:12

Vbe owiẹ ikpẹdẹ ne ọ lele ẹe, iran keghi si uma. Iran keghi vẹn ihẹn wẹ iran i ra re iran i ra da rhinrin iran te do gbe Pọl rua.

Iwinna 23:13

Iran ni si uma na yan arhin iyeva.

Iwinna 23:20

Rẹn keghi wanniẹn wẹ, “Avbe Ju ta ẹe nẹ wẹ iran gha do tama ruẹn akhuẹ ne u rhie Pọl gha die Iko, iran ghi ba kha ighẹ te Iko ra dọlegbe gualọ otọ ẹmwẹ ọnrẹn ẹse.

Iwinna 23:21

Sokpan ghẹ zẹ ye iran ẹre rhunmwuda ọ yan arhin iyeva ni lẹre khẹ ọre vbe odẹ. Iran hia vẹn ihẹn nẹ wẹ iran i ra re, iran i ra da rhinrin iran te do gbe ẹe rua. Iran wa mu egbe ne iran gha ya ru vberriọ nian, vbe ne uwẹ kha hẹ ọre iran ghi mudia khẹ.”