Iwinna 23:1 - Edo Bible (E Baibol Ẹdo) Version 1996

¹ Pọl keghi ziẹn aro ye emwa iko ni aro, ọ wẹẹ, “Etẹn mwẹ, orhiọn mwẹ ma bu abe gbe mwẹ hiehiere vbene uyinmwẹ mwẹ ye hẹ vbe odaro Osanobua do sẹ ẹdẹnẹrẹ na.”

Iwinna 23:1 ပူးပေါင်းရင်းမြစ်များ

Itan 28:1

Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.

Matiu 5:22

Mẹ tama uwa nian, ọmwa ne ọ rhirhi mu ohu ọtiọnrẹn, a gha siẹe gha rrie ọghe nọbuohiẹn. Ọmwaikọmwa ne ọ tama ọtiọnrẹn wẹẹ, ‘Wẹ ne agbọn fi’ a gha siẹe gha rrie ọghe eghaẹvbo. Ọmwa ne ọ vbe tie ọtiọnrẹn ‘Emazurọkọ’, te ọ gbẹn odẹ ẹrinmwi ne ehianmwẹ ivin.

Iwinna 22:1

“Ikpia, etẹn ne ikpia kevbe avbe erha mwa, wa danmwehọ mwẹ ne I zẹ ene unu mwẹ ma uwa!”

Iwinna 22:30

Ọkaokuo nii keghi ho ne irẹn rẹn ẹzọ emwi ne avbe Ju mobọ gu Pọl gui. Rhunmwuda ọnii, ẹdẹ ghi gbe, ọna wẹ ne a rhan eghan hin e Pọl egbe rre, ọ na wẹ ne avbe igie ohẹn kevbe iran ni do Iko gha die iko, ọ na do rhie Pọl mudia ye odaro iran.

Iwinna 22:5

Ogie Ohẹn kevbe iran ne emwa iko gha rẹn ighẹ ẹmwata ọre I ta. Iran ọre I miẹn ẹre ebe ne a rhie gie avbe Ju ne etẹn mwa ni rre Damaskọs, ọre I na gha khian ne I ya munọ emwa na, ne I ya eghan gbalọ iran hẹ gha die Jerusalẹm ne a do rri iran oya.

Iwinna 23:15

Rhunmwuda ọnii nian, wa kevbe Iko gie uhunmwu gie Ọkaokuo e Rom wẹ ne ọ rhie Pọl bu uwa gha dee, wa ghi ba kha ighẹ wa ra dọlegbe gualọ otọ ẹzọ ẹre ẹse. Sokpan ma mu egbe ne a gbe ẹe rua ọ te sẹ edinran.”

Iwinna 23:20

Rẹn keghi wanniẹn wẹ, “Avbe Ju ta ẹe nẹ wẹ iran gha do tama ruẹn akhuẹ ne u rhie Pọl gha die Iko, iran ghi ba kha ighẹ te Iko ra dọlegbe gualọ otọ ẹmwẹ ọnrẹn ẹse.

Iwinna 23:28

Mẹ keghi te ho ne I rẹn egbe ẹzọ ne iran gu ẹe gui, I na rhie ẹre gha rrie Iko iran.

Iwinna 23:6

Ugbẹn vbe Pọl ghi miẹn wẹ eso vbe uwu emwa ni rre evba re Sadusi, eso vbọ keghi vbe re Farisi, ọ davan vbe adesẹ iko ni wẹẹ, “Etẹn mwẹ, e Farisi ọre I mẹ khin, ovbi Farisi ọre I khin. Emwi ne a gu bu ohiẹn mwẹ na ọrọre wẹ mẹ mwẹ idaehọ wẹ a gha huẹn avbe ni wulo kpaegbe.”

Iwinna 24:16

Rhunmwuda ọnii ọre I na lo ẹtin mwẹ hia wẹ ne orhiọn mwẹ ghẹ sẹ osẹe gbe mwẹ vbe odaro Osanobua kevbe emwa ne agbọn.

Iwinna 6:15

Emwa ni rre Iko ni hia ke wa tọn aro ye Stivin egbe, iran keghi miẹn wẹ, ugbaro ẹre wa yevbe ugbaro odibosa.

I Kọrinti 4:4

Ekhọe mwẹ i gun mwẹ gui, sokpan, ọnii ma rhie maa ighẹ I i mwẹ orukhọ. Nọyaẹnmwa ọrọre ọmwa ne ọ bu ohiẹn mwẹ.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 4:2

Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.

II Timoti 1:3

I kpọnmwẹ Osanobua, ọmwa ne I ya ekhọe sẹẹnrẹn ga, zẹ vbe ne avbe erha mwa odede vbe ru. I ghi gha kpọnmwẹ ọẹn vbe ẹghẹ hia ne I ya ye ruẹ rre vbe erhunmwu mwẹ, asọn kevbe avan.

Hibru 13:18

Wa ye gha na erhunmwu ne ima. Ma rẹnrẹn wẹ ekhọe ima ma bu abe gbe ima, rhunmwuda, ma ho ne ima ru vbene ọ kere ẹghẹ hia.

I Pita 3:16

Sokpan u ghi ru ẹre ọghe ọghọ vbe ute. Ghẹ gie ekhọe ruẹ bu ohiẹn gbe uẹ hiehiere, a i rẹn deghẹ te a ghi ya ukpẹ sakan uwa, ọmwaikọmwa ne ọ ya unu rhia uwa, vbe ekpa uyinmwẹ ne uwa yin, zẹ vbe ne ọ lele Kristi, ekhue ghi mu iran ba ẹmwẹ ne iran ta.