Iwinna 22:8 - Edo Bible (E Baibol Ẹdo) Version 1996

⁸ Mẹ keghi nọ wẹẹ, ‘Gha nọ yi Nọyaẹnmwa?’ Rẹn wanniẹn tama mwẹ, ‘Mẹ Jesu ne ovbi Nazarẹt ne u zọ ọre owẹ nọ.’

Iwinna 22:8 ပူးပေါင်းရင်းမြစ်များ

Zẹkaraia 2:8

Ọmwaikọmwa ne ọ fi uwa emwi, emwi ne ọre eghẹnghẹn mẹ, ọre ọ fi ẹre emwi.” Rhunmwuda ọnii, e Nọyaẹnmwa ne Oghodua keghi gie mwẹ uhunmwu na bu avbe uhunmwu ẹvbo ni fu emwa rẹn emwi viọ gha rrie wẹẹ,

Matiu 2:23

Ọ keghi ya yin ẹvbo ne a tie ẹre Nazarẹt. Ọ ru vberriọ ne ẹmwẹ avbe akhasẹ miẹn ehe na sẹ wẹẹ, “A gha tie ẹre ovbi e Nazarẹt.”

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Matiu 25:45

Ọba ghi wanniẹn tama iran wẹẹ, ‘Ne I tama uwa, ẹghẹ ne uwa ma na ru ẹe ne ọkpa vbe uwu iran ne a i mobọ ka yọ ni, mẹ ọre uwa ma ru iyobọ na.’

Iwinna 10:14

Sokpan Pita wanniẹn wẹẹ, “Hiehiere Nọyaẹnmwa, unu mwẹ ma he dekan emwi awua ra nọ ma huan ẹdẹ.”

Iwinna 22:7

I keghi wa de gbe otọ, I keghi họn urhu ọkpa ne ọ tama mwẹ wẹẹ, ‘Sọl, Sọl vbọzẹ ne u na zọ mwẹ owẹ?’

Iwinna 26:9

“Mẹ tobọ mwẹ kegha ro wẹ, ọ kere ne I ru emwi hia ne ẹtin mwẹ gha sẹ ya gu Jesu ne ovbi Nazarẹt gha khọn.

Iwinna 3:6

Pita wanniẹn tama rẹn wẹẹ, “I i mwẹ igho vbe emwa, sokpan emwi ne I mwẹ, I gha rhie nuẹn, Vbe eni Jesu Kristi ovbi e Nazarẹt, I tama ruẹn kpaegbe ne u khian.”

Iwinna 4:10

I ho ne uwa rẹn nian, ke uwa kevbe ivbi Izrẹl hia wẹẹ, ẹtin eni Jesu ne ovbi Nazarẹt ọre ọ ya mudia vbe odaro uwa banbanna, vbe egbe ne ọ rran rẹn giẹnrẹn. Jesu ne uwa kan mu ugbugbe, ne Osanobua huẹn kpaegbe vbe idin.

Iwinna 6:14

Rhunmwuda, ma họn ẹn vbe ọ khare wẹẹ, Jesu ne Ovbi e Nazarẹt na, gha do guọghọ Ọgua Osa sẹ otọ, ọ ghi vbe fi iyi otọe mwa ne Mosis ma ima re werriẹ.”

I Kọrinti 12:12

Rhunmwuda te Kristi ye vbe egbe ọkpa ne ọ mwẹ ina ughughan, egbe ọkpa ye nọ, a gha rhe miẹn ighẹ ina ughughan ọ re ọ rrọọ.

I Samuẹl 8:7

E Nọyaẹnmwa keghi tama rẹn wẹẹ, “Danmwehọ ẹmwẹ ne iran rhirhi tama ruẹn, ẹ i re uwẹ ọ re iran he, mẹ ọ re iran he zẹ vbe ọba iran.