Iwinna 22:6 - Edo Bible (E Baibol Ẹdo) Version 1996

⁶ “Ehe ne I na khian nii vbe I ghi sikẹ Damaskọs nẹ vbe ọ ghi bu ẹghẹ ogiavan, awanwan keghi wa wan ke odukhunmwu rre lẹga mwẹ.

Iwinna 22:6 ပူးပေါင်းရင်းမြစ်များ

Gẹnẹsis 14:15

Rẹn vbe emwa rẹn keghi ghae ye otu vbe evba, iran keghi dekun iran vbe odẹ ekẹn ọghe Damaskọs.

Gẹnẹsis 15:2

Sokpan Ebram keghi kha wẹẹ, “Nọyaẹnmwa ne Udazi, I i mwẹ emọ, de esa ne ẹse ne u ra ru mẹ khin? Ọmwa ne I mwẹ ne ọ gha rri ukhu, ọrọre Eliezẹ ne ovbi e Damaskọs.

II Samuẹl 8:6

Ọ keghi bu agọ ivbiyokuo ye iran ẹvbo, iran keghi khian eguọmwadia ẹre, iran na gha ga gie ẹe. E Nọyaẹnmwa kegha rhie akhọnmiotọ ne Devid vbe ehe hia.

Aizaia 24:23

Uki gha so ebiebi, ovẹn I ghi vbe yunmwu, rhunmwuda, e Nọyaẹnmwa ne Oghodua ọ re ọ ra gha re ọba. Ọ gha rriọba vbe oke Zaiọn vbe Jerusalẹm, avbe ọkaolotu emwa gha miẹn uyi ẹre.

Matiu 17:2

Ọ keghi sirra iran fi egbe werriẹ, aro ẹre kegha fi wain wain vbe owẹn, ukpọn rẹn keghi fuọfua vbe ukpa.

Iwinna 22:7

I keghi wa de gbe otọ, I keghi họn urhu ọkpa ne ọ tama mwẹ wẹẹ, ‘Sọl, Sọl vbọzẹ ne u na zọ mwẹ owẹ?’

Iwinna 23:9

Uvannọmwẹ kegha hin odukhunmwu. Eso vbe uwu iran ni ma emwa Uhi ni vbe rre otu avbe Farisi keghi gua kpaegbe, iran tua unu muẹn wẹ, “Ma ma miẹn abe rhọkpa vbe obọ okpia na, ughaghe odibo Osa ra orhiọn ọre ọ gele gu ẹe guan!”

I Kọrinti 15:8

Vbe okiekie ehia, ọ keghi rhie egbe ma imẹ, a gha rhe miẹn ighẹ te I yevbe ọmọ ne ubiẹmwẹ ọnrẹn ma gu ọghe emwa ọvbehe ro.

Arhie Maan 1:16

Ọ keghi viọ orhọnmwẹ ihinrọn mwẹ obọ erha ọmwa ẹnrẹn, umozo ne ọ mwẹ unu eva ne ọ wa mu, kegha ke uwu unu ẹnrẹn ladian. Ugbaro ẹre ye ghanghanghan zẹ vbe ne owẹn ye vbe ogiavan.