Iwinna 22:3 - Edo Bible (E Baibol Ẹdo) Version 1996

³ “Ovbi e Ju ọre I khin, Tasọs ne ọ rre Silisia ọre a na biẹ mwẹ, sokpan Jerusalẹm na ọ re I na wan vbe ehe ne I na gha ruẹ ebe vbe obọ Gamaliẹl. Te a wa mobọ ma mwẹ emwi dinmwi vbe Uhi avbe erha mwa odede. Mẹ keghi vbe rhie egbe ye ẹmwẹ ugamwẹ Osanobua ẹsẹse zẹ vbene uwa ni rre emwa na ẹrẹna vbe ye.

Iwinna 22:3 ပူးပေါင်းရင်းမြစ်များ

II Samuẹl 21:2

(Ivbi e Gibiọn i re ivbi Izrẹl, ibozẹghẹ vbe ivbi Izrẹl yan ma iran ighẹ iran gha tan ifuẹn ga iran, sokpan, e Sọl keghi te gha hia ne ọ wa fuẹn iran a rhunmwuda orhikhan kevbe ohawa ne ọ ye ba ẹmwẹ ivbi Izrẹl kevbe Juda.)

II Ọba 4:38

Ọ ghi sẹ ẹghẹ ọkpa vbe ukhunmwu wa gha fi vbe otọe nii hia, Elaisia keghi werriegbe gha die Gilgal. Ọ ghi ma ovbiotu akhasẹ ọkpa emwi, ọ keghi tama ọguọmwadia ẹre ne ọ mu ukodo ye erhẹn ya le uwọnmwẹ ne iran.

Iyẹn ne ọ Maan Ọghe Luk 10:39

Rẹn keghi mwẹ ọtẹn okhuo ọkpa ne a tie ẹre Meri, ọ na wa ya tota ye akharha Nọyaẹnmwa gha danmwehọ emwi ne ọ ma iran re.

Iyẹn ne ọ Maan Ọghe Luk 2:46

Vbe ikpẹdẹ nogieha, iran keghi do vba ẹre vbe uwu Ọgua Osa, ọ tota ba avbe emamwaemwi e Ju, ogha danmwehọ iran, ọ keghi vbe gha nọ iran ọta.

Iyẹn ne ọ Maan Ọghe Luk 8:35

Emwa hia keghi vẹ ya gha ghe emwi ne ọ sunu. Iran ghi sẹ ehe ne Jesu ye iran keghi do vba okpia ne a na khulo orhiọn esu ladian ni vbe tota ye ọre akharha, ọ rhuan ukpọn, aro hian rẹn vbe uhunmwu, ohan keghi mu iran.

Iwinna 11:25

Ẹghẹ nii ọre Banabas na gha rrie Tasọs ya gualọ Sọl.

Iwinna 15:23

Iran keghi rhie ebe na ne iran rhie gha khian: “Avbe ukọ kevbe ediọn, ne etẹn uwa gie otuẹ uwa hia ne etẹn mwa ne iran ne ẹ i re Ju biẹlẹe, ni rre Antiọk kevbe Siria kevbe Silisia.

Iwinna 15:41

Rẹn keghi la Siria kevbe Silisia, ọ na gha rhie igiẹdu ne avbe esọsi.

Iwinna 21:20

Iran ghi danmwehọ ẹre nẹ, iran keghi rho Osanobua vbe uyi. Iyeke ọnii, iran keghi tama Pọl wẹẹ, “Ọtẹn mwa, wẹ tobọ miẹn vbene emwi hia ye hẹ. Arriaisẹn arriaisẹn ọre emwa e Ju ni he yayi wa khin, deba ẹre, te iran wa he gba Uhi mu obọ gbangbaangban.

Iwinna 21:39

E Pọl keghi wanniẹn wẹẹ, “E Ju ọre I khin, Tasọs ne ọ rre Sisilia, ọre a na biẹ mwẹ, ovbi ẹvbo ne ẹ i re akhua ọre I khin. Lahọ gun mwẹ gu emwa na guan.”

Iwinna 23:34

Ne ọ khaemwisẹ ghi tie ebe ni, ọ keghi nọ Pọl agbọn ẹvbo ne ọ ke rre, ọ ghi tama rẹn nẹ ighẹ Silisia nọ.

Iwinna 23:6

Ugbẹn vbe Pọl ghi miẹn wẹ eso vbe uwu emwa ni rre evba re Sadusi, eso vbọ keghi vbe re Farisi, ọ davan vbe adesẹ iko ni wẹẹ, “Etẹn mwẹ, e Farisi ọre I mẹ khin, ovbi Farisi ọre I khin. Emwi ne a gu bu ohiẹn mwẹ na ọrọre wẹ mẹ mwẹ idaehọ wẹ a gha huẹn avbe ni wulo kpaegbe.”

Iwinna 26:5

Iran wa rẹn, deghẹ iran ho ne iran sẹ osẹe, wẹ ke omuhẹn gha dee otu ne ọ mu ẹmwẹ ugamwẹ mwa yan uhunmwu sẹ, ne a tie ẹre Farisi, ọre I ye.

Iwinna 26:9

“Mẹ tobọ mwẹ kegha ro wẹ, ọ kere ne I ru emwi hia ne ẹtin mwẹ gha sẹ ya gu Jesu ne ovbi Nazarẹt gha khọn.

Iwinna 5:34

Sokpan, ọkpa vbe uwu iran, e Farisi ne a tie eni ẹnrẹn Gamaliẹl, ọmwa ne ọma emwa uhi, ne emwa hia wa ya ọghọ na keghi guakpao vbe Iko ni, ọ na wẹ ne iran viọ avbe ukọ ghe ore.

Iwinna 6:9

Sokpan emwa eso kegha kpankan ẹre ẹmwẹ, iran na kegha re emwa Ọgua ediọn Eniyan Egbe iran (zẹ vbene emwa tie iran) uwu iran na ọre avbe Ju ni ke Sameria kevbe Alẹkzandria rre ye. Iran na kevbe avbe Ju eso ni ke Silisia kevbe Asia rre keghi suẹn gha muan Stivin ẹmwẹ.

Iwinna 9:1

Vbe uwu ẹghẹ ne a kha na, e Sọl keghi wa gha yan dunmwu ẹgun vbe ne irẹn gha gbele avbe erhuanegbe Nọyaẹnmwa hẹ. Ọ keghi bu Ogie Ohẹn gha khian.

Iwinna 9:11

Nọyaẹnmwa keghi tama rẹn wẹẹ, “Mu egbe ne u gha rrie Idunmwu Nọdiae, u gha ghi sẹ owa Judas, u ghi nọ ẹmwẹ ovbi e Tasọs ọkpa ne a tie eni ẹnrẹn Sọl ọ gha na erhunmwu.

Iwinna 9:30

Ugbẹn vbe emwi na ghi vẹ ne avbe etẹn rẹn, iran keghi rhie Sọl gha rrie Sisaria, iran na ke evba rhie ẹre gha rrie Tasọs.

Ebe ne Pọl gbẹẹn gie emwa Rom 11:1

Te I mẹ ghi nọọn nian. Te Osanobua ghi he emwa rẹn ra? Hiehiere, mẹ tobọ mwẹ, ovbi Izrẹl mẹ khin, ovbi uniẹn Ebraham, ẹwae emwa Bẹnjamin.

II Kọrinti 11:22

Ivbi e Hibru iran khin ra? Ọ re imẹ vbe khin. Ivbi Izrẹl iran khin ra? Ọ re imẹ vbe khin. Ivbi uniẹn Ebraham iran khin ra, ọ re imẹ vbe khin.

Galatia 1:14

I keghi ye ọrhẹnrhẹn gberra avbe Ju ne iho mwa vbe uwu ugamwẹ avbe Ju. I keghi wa mu ẹmwẹ emwi ne avbe erha mwa odede ru de ẹdẹ yan uhunmwu sẹẹ ẹsẹse.

Galatia 1:21

Vbe iyeke ọnii, I keghi ya khian sẹ ihe eso vbe Siria kevbe Silisia.

Diuteronomi 33:3

E Nọyaẹnmwa ho ẹmwẹ emwa ẹnrẹn, ọ keghi vbe degue iran ni re ọghe ọe. Rhunmwuda ọnii, ma ghughẹrre vbe owẹ ọre a na ya uhi ẹre gha ru emwi.