Iwinna 22:25 - Edo Bible (E Baibol Ẹdo) Version 1996

²⁵ Sokpan ugbẹn vbe iran ghi gba ẹe nẹ ne iran gbe ẹre asan, Pọl keghi tama ọmwa ne ọ rre asẹ ne ọ mudia ke ẹe wẹẹ, “Wa sie mwẹ asẹ ne a ya gbe ovbi e Rom asan vbe a ma he gu ẹ gui ẹzọ a ba emwi ku ru rhọkpa ra?”

Iwinna 22:25 ပူးပေါင်းရင်းမြစ်များ

Matiu 10:17

Wa yegbe, rhunmwuda emwa eso gha dekun uwa mu gha rrie iko, a gha vbe gbe uwa asan vbe Ọgua ediọn iran.

Matiu 27:54

Ugbẹn vbe ọkaokuo kevbe ivbiyokuo ẹre ni mudia gha ghe Jesu ghi miẹn igbohiotọ kevbe emwi hia ni sunu, ohan keghi mu iran, iran wẹẹ, “Vbe ẹmwata, Ovbi Osanobua te gele nọ.”

Matiu 8:8

Ọkaokuo na wanniẹn tama rẹn wẹẹ, “Ẹ i re vberriọ, mẹ ma sẹ ne u gha bu gha die owa. Ke emwa na guan gha khian, egbe gha rran ọguọmwadia mwẹ.

Iwinna 10:1

Okpia ọkpa kegha rre Sisaria, a keghi tie eni ẹnrẹn Kọniliọs. Ọ kegha re ọkaokuo vbe oka ivbiyokuo e Rom ọkpa ne a tie ẹre “Ọka ọghe Itali.”

Iwinna 16:37

Sokpan Pọl tama avbe ọgbalegbe wẹẹ, “Ama miẹn emwi ne a lẹ ginna ima obọ wẹ ma ru, Sẹ evba iran keghi sirra emwa hia gbe ima asan, ma ne ivbi e Rom, iyeke ọnii, iran keghi hẹ ima ku ẹwẹdọ. Eban nian iran ho ne iran fannọ ima kua vbe ẹkhokho. A i danmwẹ ọẹn. Nene ivbi e Rom ni rre asẹ ọre ogha do tobọ iran viọ ima ladian.”

Iwinna 22:26

Ugbẹn vbe ne ọ rre asẹ nii ghi họn ẹmwẹ na, ọ keghi rhulẹ bu ọkaokuo gha khian, ọ nọ rẹn wẹ, “Vbe u a ru na yi? Ovbi e Rom okpia nii khin!”

Iwinna 23:17

Rhunmwuda ọnii, Pọl keghi tie ọkpa vbe uwu iran ni rre asẹ vbe evba, ọ tama rẹn wẹ, “Rhie ọvbokhan okpia na bu ọkaokuo gha khian, ọ mwẹ ẹmwẹ ne ọ ra tama rẹn.”

Iwinna 23:27

Avbe Ju ọre ọ mu okpia na, iran te ra wa gbe ẹe rua. I họẹn ighẹ ovbi e Rom nọ, ọre I na viọ ivbiyokuo gha khian, I na ya wọlọ ẹe hin iran obọ rre.

Iwinna 25:16

Sokpan mẹ keghi tama irẹn wẹ a i ruẹe vbe Rom wẹ ne a bu ohiẹn gbe ọmwa ne a gu gui ẹzọ ba emwi dan ne ọ ru, vbe ẹ i re te irẹn kevbe iran ni gu ẹe gui gba sa ye egbe unu nẹ, kevbe ne a vbe rhie otọ nẹẹn ne ọ ya ta ene unu ẹnrẹn vbe ifi ẹzọ ne a ba ẹre re.

Iwinna 27:1

Ugbẹn vbe a ghi tae nẹ ne ima la okọ gha rrie Itali, iran keghi rhie Pọl deba avbe oleghan eso ne Juliọs ne ovbiyokuo e Rom ọkpa ne ọ rre asẹ vbe oka ọkpa ne a tie ẹre “Ọka e Nọgbaisi.”

Iwinna 27:3

Ẹdẹ ne ọ lele ẹe, ma keghi sẹ Saidọn. Juliọs keghi tohan Pọl, ọ na giee ya miẹn avbe esiọ re, ne iran miẹn ehe na we ehe ye ọre ẹkpo.

Iwinna 27:43

Sokpan ovbiyokuo ne ọ rre asẹ nii keghi ho ne irẹn sinmwi uhunmwu e Pọl, rhunmwuda ọnii, ọ ma gie iran ruẹe vberriọ. Ọ na ghi wẹ ne iran ni gua ra khuẹ vbọ sannọ fi ẹzẹ ne iran ka khuẹ gha rrie oke.