Iwinna 22:16 - Edo Bible (E Baibol Ẹdo) Version 1996

¹⁶ Wanwanna nian, de emwi ne u ghi ye mudia khẹ? Kpaegbe ne a sa amẹ nuẹn ne a miẹn ehe na kpe orukhọ ruẹ kua vbe ekpa ne u na datie eni ẹnrẹn.’

Iwinna 22:16 ပူးပေါင်းရင်းမြစ်များ

Psalm 119:60

Vbe ne ai na rhọ eghẹrẹ ẹgiẹgiẹ ọ re I ya ye iyi ruẹ ru emwi.

Psalm 51:2

Khuẹ emwi dan mwẹ hia kua ne u vbe khuẹ mwẹ huan hin orukhọ mwẹ rre.

Jerimaia 8:14

Emwa Osanobua keghi nọ wẹẹ, “Vbọzẹ ne ima na tota hẹkpẹẹ yi? Wa larre, wa gie ima lẹ gha rrie avbe ẹvbo ne a gbe odin gaa nii, ne ima ya wulo vbe odọ. Osanobua bu ohiẹn uwu gbe ima nẹ, ọ mu eruan ne ima wọn ne, rhunmwuda ne ima na ru orukhọ ghe ẹre.

Iyẹn ne ọ Maan Ọghe Jọn 13:8

Pita keghi tua unu mu ẹn wẹ, “Ẹghẹ ọkpa i rrọ ne u gha ya kpe mwẹ owẹ!” Jesu tama rẹn wẹ, “A deghẹ, mẹ ma kpuẹ owẹ, u i sẹtin gha re ọrhuanegbe mwẹ.”

Iwinna 2:21

Ọmwa ne ọ rhirhi da tie eni Nọyaẹnmwa, a gha miẹn rẹn fan.’

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iwinna 7:59

Iran kegha filo okuta gbe Stivin vbe ne ọ ya da tie eni Nọyaẹnmwa nii, “Nọyaẹnmwa Jesu rhan obọ miẹn orhiọn mwẹ.”

Iwinna 9:14

Ogie Ohẹn ọre ọ vbe gbẹn ebe ya rhie asẹ nẹẹn ne ọ gha die Damaskọs ne ọ do munọ emwa ne ọ ghi da tie eni ruẹn.”

Iwinna 9:18

Vbe ọwarọkpa nii, emwi eso ne Ọ yevbe erhuan ehẹn keghi dele hiẹn aro e Sọl rre, ọ keghi dọlegbe gha dẹghe. Ọ keghi kpaegbe, a na sa amẹ nẹẹn.

I Kọrinti 1:2

gie esọsi Osanobua ne ọ rre Kọrinti, gie emwa ne a tie re ne iran do gha re emwa ni huanrẹn Osanobua, emwa ni khian ọghọe rhunmwuda ighẹ iran ya egbe ba Kristi Jesu, deba emwa hia ni ghi na erhunmwu ghe Nọyaẹnmwa Jesu Kristi nẹ, zẹ vbe Nọyan iran kevbe ima.

I Kọrinti 12:13

Erriọ ọre ọ ye ne ima hia, e Ju kevbe ne ẹ i re Ju, eviẹn kevbe ne ẹ i re eviẹn, a sa amẹ ne ima ye uwu egbe ọkpa nii nẹ vbe ekpa Orhiọn ọkpa nii, a keghi vbe rhie Orhiọn ọkpa nii ne ima hia wọn vbọ.

I Kọrinti 6:11

Erriọ eso vbe uwu uwa te ye, sokpan, akhuẹ uwa hin oru khọ rre nẹ, a ya uwa fi ohan ne Osanobua nẹ, a dọlọ uwa kugbe ba Osanobua vbe ekpa eni Jesu Kristi Nọyaẹnmwa kevbe vbe ekpa Orhiọn Osanobua mwa.

Galatia 3:27

Rhunmwuda, te a sa amẹ ne uwa ye uwu a kugbe be Kristi, rhunmwuda ọnii, te uwa ghi vbe mu akpa emwi ne ọ maa hia ọghe Kristi yọ.

Ẹfisọs 5:26

Te irẹn ru ọna, ne ọ miẹn ehe na ya ẹmwẹ ọnrẹn ya esọsi fi ohan ne Osanobua, vbe iyeke vbe ọ ghi ye amẹ kpe ẹe huan nẹ.

Taitọs 3:5

Ọ keghi miẹn ima fan. Ẹ i re rhunmwuda iwinna esi ne ima tobọ mwa winna, sokpan, rhunmwuda itohan rẹn ọre ọ na miẹn ima fan, vbe ekpa akhuẹ ne Orhiọn Ne Ọ Huanrẹn ya dọlọ mwa biẹ, ọ na vbe rhie arrọọ ọghe ọgbọn ne ima.

Hibru 10:22

Rhunmwuda ọnii, wa gie ima ye ẹkoata sikẹ Osanobua, ba iyayi ne aro dae, ke ẹe kevbe orhiọn ne a kpe huan hin ekhọe ne ọ rri abe rre nẹ, kevbe egbe ne a ye amẹ ne ọ hianrẹn khuẹ.

I Pita 3:21

Amẹ na keghi re emwikemwi ne a ya gie isamẹ ne ọ miẹn uwa fan banbanna nian, ẹ i re vbe ekpa ne ọ na kpe iruẹn ne ọ rre ikinnegbe kua, sokpan vbe ekpa eyan ne a ya ekhọe ne ọ ma bu abe gbe ọmwa yan ma Osanobua. Te isamẹ la ekpa arhiọkpaegbe Jesu Kristi miẹn uwa fan.