Iwinna 22:14 - Edo Bible (E Baibol Ẹdo) Version 1996

¹⁴ Rẹn keghi kha wẹẹ, ‘Osanobua avbe erha mwa odede ọre ọ hannọ uwẹ zẹ ne u do rẹn emwi ne irẹn ho, ne u bẹghe Ọguọmwadia ẹmwata ẹre kevbe ne u vbe họn vbe ọ ya urhu ẹre guan.

Iwinna 22:14 ပူးပေါင်းရင်းမြစ်များ

II Ọba 21:22

Ọ keghi fi iyeke gbe Nọyaẹnmwa ne Osanobua ọghe avbe erha ẹe odede, ọ na vbe rra iyi e Nọyaẹnmwa.

I Krọnikol 12:17

E Devid keghi bu iran gha khian, ọ tama iran wẹẹ, “A dẹghe te uwa rre zẹ vbe ọse ne uwa do yọmwẹ obọ, I miẹn uwa yi, wa deba ima! Sokpan, dẹghe te uwa mwẹ ọnrẹn vbe ekhọe ne uwa do rhie mwẹ yan eghian mwẹ obọ, egbe ne a rhe ya miẹn wẹ I ma ru uwa emwirhọkpa, Osanobua avbe erha mwẹ odede gha rẹn, ọ ghi rria uwa ikhi.”

I Krọnikol 29:18

E Nọyaẹnmwa ne Osanobua avbe erha mwa odede, Ebraham, Aizik kevbe Jekọb, gie ekhọe ne a ya ga vberriọ gha digiẹ yọ vbe uwu emwa ruẹn rhinrin, ne u gie ekhọe iran gha la ghe ọwuẹ vbe ẹghẹ hia.

II Krọnikol 28:25

Ọ na bọlọ aro ẹbọ iran ni ga ẹbọ lele ehe hia vbe ore nekhua kevbe ẹvbo ni rre Juda hia, ehe ne iran na gha giẹn eturari ghe avbe ẹbọ ẹrrẹe. Egbe emwi vbe nian ọ re ọ ya si ohu e Nọyaẹnmwa ne Osanobua avbe erha ẹe odede gie egbe ẹre.

II Krọnikol 30:19

“E Nọyaẹnmwa ne Osanobua avbe erha mwa odede vbe ẹko ne ọ maa ruẹn yabọ iran ni ye ekhọekekhọe ga, a gha rhe miẹn wẹ awua rre iran egbe.”

Ẹzra 7:27

Ẹzra keghi kha wẹẹ, “Wa rho e Nọyaẹnmwa ne Osanobua avbe erha mwẹ odede. Ọ ru ẹe ne ọgbaisi ya ọghọ ne Ọgua Osa e Nọyaẹnmwa ne ọ rre Jerusalẹm vbenian.

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Jerimaia 1:5

“I zẹẹ uwẹ nẹ, I keghi rhie arrọọ nuẹn, vbe a te do biẹ ọ, I hannọ uwẹ rhie ladian nẹ ne u gha re akhasẹ avbe uhunmwu ẹvbo.”

Daniẹl 2:23

I rho ruẹ, I ya ọghọ nuẹn Osanobua enikaro mwẹ u rhie ẹwaẹn kevbe ẹtin mẹ nẹ u họn erhunmwu mwẹ nẹ u na vbe tama ima, emwi ne a gha tama ọba.”

Iyẹn ne ọ Maan Ọghe Jọn 15:16

Ẹ i re uwa ọre ọ hannọ mwẹ zẹ, mẹ ọre ọ hannọ uwa zẹ, I na vbe wẹ ne uwa ya kakabọ gha mọ, ọmọ ne ẹ i khuọn kua. Emwi ne uwa a rhirhi nọ Erha re vbe eni mwẹ, ọ gha rhie ẹre ne uwa.

Iwinna 13:17

Osanobua iran na ighẹ ivbi Izrẹl, ọre ọ zẹ avbe erha mwa odede, ọ keghi ya iran khian nọkhua vbe ẹghẹ ne iran na gha re ọrriọvbe vbe otọe Igipt, Osanobua keghi ya ẹtin ẹnrẹn nọkhua viọ iran ke Igipt ladian.

Iwinna 22:15

Rhunmwuda osẹe oghẹ ẹe ọre u khian gha khin ne u ya tama emwa hia emwi ne u miẹn kevbe ne u họẹn.

Iwinna 22:18

Vbe uwu ẹre, I keghi bẹghe Nọyaẹnmwa ne ọ tama mwẹ wẹẹ, ‘Zẹgiẹ kpao hin Jerusalẹm rre rhunmwuda iran ni rre emwa i ra rhan obọ miẹn osẹe ne u gha sẹ mẹ.’

Iwinna 24:14

Emwi ne ọ miẹn khama ruẹn ọna khin wẹẹ: Odẹ ne iran khare ighẹ ohoghe nọ ọre I la ga Osanobua avbe erha mwa odede. Sokpan I vbe ya emwi hia ne a gbẹnnẹ ye Uhi e Mosis kevbe ebe avbe akhasẹ yi.

Iwinna 26:16

Sokpan kpaegbe ne u ya owẹ ruẹ mudia. Te I rhie egbe ma ruẹn ne I miẹn ehe na rhie ruẹ ya ru ọguọmwadia mwẹ. U ghi ya gha tama emwa ọvbehe emwi ne aro ruẹ sẹe vbe egbe mwẹ ẹrẹna, kevbe avbe ọvbehe ni bun ne I gha he viọ ma ruẹn.

Iwinna 5:30

Osanobua ọ ghe avbe erha mwa ọre ọ huẹn Jesu kpaegbe vbe idin iyeke vbe uwa kan rẹn mu ugbugbe nẹ, ne uwa na gbe ẹe rua.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

Iwinna 9:17

Rhunmwuda ọnii Ananaias kegha khian, ọ keghi la owa, ọ na viọ obọ yan rẹn, ọ keghi kha wẹẹ, “Sọl ne ọtẹn mwẹ, Nọyaẹnmwa Jesu Kristi ọmwa ne u miẹn vbe odẹ vbe ẹghẹ ne u na gha dee ọre ọ tobọ ẹre gie mwẹ gha dee, ne u miẹn ehe na dọlegbe gha dẹghe, kevbe ne u vbe vuọn ne Orhiọn Ne Ọ Huanrẹn.”

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

I Kọrinti 11:23

Rhunmwuda, obọ Nọyaẹnmwa ọre I na miẹn emwi ne I ma uwa re, wẹ, Nọyaẹnmwa Jesu, vbe asọn ne a rhie ẹre maa, ọ rhie ebrẹd.

I Kọrinti 15:3

Emwi ne imẹ miẹn rhie ọre I vbe na rhie sẹ uwa obọ, emwi ne ọ wa vbe re emwi kpataki ẹsẹse wẹ Kristi wu ba ẹmwẹ orukhọ mwa zẹ vbene a gbẹn ọẹn ye Ebe.

I Kọrinti 15:8

Vbe okiekie ehia, ọ keghi rhie egbe ma imẹ, a gha rhe miẹn ighẹ te I yevbe ọmọ ne ubiẹmwẹ ọnrẹn ma gu ọghe emwa ọvbehe ro.

I Kọrinti 9:1

Ẹ i re ọdakha egbe mwẹ mẹ ye? Ẹ i re ukọ mẹ khin? Mẹ ma miẹn Jesu ra? Ẹ i re ere ne a miẹn vbe iwinna ne I ya obọ mwẹ winna ne Nọyaẹnmwa wa khin.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Galatia 1:12

Ẹ i re obọ ọmwa rhọkpa ọre ọ ke rre, ọmwa rhọkpa ma vbe ma mwẹ ẹre, sokpan Jesu Kristi tobọ ẹre ọre ọ rhie ẹre ma mwẹ.

Galatia 1:15

Sokpan vbe ekpa ẹsọhẹ ọre, uhin vbe a te biẹ mwẹ, Osanobua keghi tie mwẹ ne I do gha gae.

II Timoti 1:1

E Pọl ne ukọ Kristi Jesu vbe ekpa iho ọghe Osanobua, ọmwa ne a gie ne ọ ya kpe orhu arrọọ ne a ve ima re, ne ima mwẹ vbe uwu a ya egbe ba Kristi Jesu.

Taitọs 1:1

E Pọl ne ọguọmwadia Osanobua, kevbe ukọ ọghe Jesu Kristi, ọre ọ gbẹn ebe na rre. Te a hannọ mwẹ zẹ, a na vbe gie mwẹ wẹ, ne I ya ru iyobọ ne iyayi emwa ne Osanobua hannọ zẹ, kevbe ne I vbe dia iran ye odẹ ẹmwata, zẹ vbene iwinna ugamwẹ mwa ma emwa ẹre.

I Pita 2:22

Ọ ma ru a i ghẹ ru, a ma vbe miẹn ọmwa ne ọ họẹn ẹmwẹ ohoghe ọkpa vbe unu ẹnrẹn.

I Jọn 2:1

Ivbi mwẹ, te I gbẹn ebe na gie uwa ne uwa ghẹ miẹn ehe na rukhọ, sokpan, a deghẹ ọmwaikọmwa ghi vbe ru orukhọ, ma mwẹ ọmwa ne ọ rinmwian ne ima vbe ehe ne Evbavba ye, ọnii ọre Jesu Kristi ne ọmwata.