Iwinna 22:1 - Edo Bible (E Baibol Ẹdo) Version 1996

¹ “Ikpia, etẹn ne ikpia kevbe avbe erha mwa, wa danmwehọ mwẹ ne I zẹ ene unu mwẹ ma uwa!”

Iwinna 22:1 ပူးပေါင်းရင်းမြစ်များ

Iyẹn ne ọ Maan Ọghe Luk 12:11

“A gha mu ẹn gha rrie Ọgua ediọn, odaro ne ọ khaemwisẹ ra odaro enogie ne a ya gu ẹe gui, ghẹ si osi ba ẹmwẹ vbene u gha gui hẹẹ ra ẹmwẹ ne u gha ta.

Iyẹn ne ọ Maan Ọghe Luk 21:14

Wa tae guọbọ wẹẹ wa i ra vbe gha si osi ya mwamwa vbene uwa gha gui hẹ ye otọ.

Iwinna 13:26

“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie.

Iwinna 19:33

Eso vbe uwu avbe emwa nii keghi wa kun ẹmwẹ ni yan Alẹkzanda rhunmwuda ighẹ avbe Ju rhie ẹre ladian nii ọ mudia ye odaro, Alẹkzanda keghi ya obọ gbe iran ekhakha, ọ keghi te ho ne ọ ze ne unu irẹn ma emwa nii.

Iwinna 23:1

Pọl keghi ziẹn aro ye emwa iko ni aro, ọ wẹẹ, “Etẹn mwẹ, orhiọn mwẹ ma bu abe gbe mwẹ hiehiere vbene uyinmwẹ mwẹ ye hẹ vbe odaro Osanobua do sẹ ẹdẹnẹrẹ na.”

Iwinna 23:6

Ugbẹn vbe Pọl ghi miẹn wẹ eso vbe uwu emwa ni rre evba re Sadusi, eso vbọ keghi vbe re Farisi, ọ davan vbe adesẹ iko ni wẹẹ, “Etẹn mwẹ, e Farisi ọre I mẹ khin, ovbi Farisi ọre I khin. Emwi ne a gu bu ohiẹn mwẹ na ọrọre wẹ mẹ mwẹ idaehọ wẹ a gha huẹn avbe ni wulo kpaegbe.”

Iwinna 24:10

Ne ọ khaemwisẹ keghi ya obọ gu e Pọl guan wẹ ne ọ guan. Pọl keghi kha wẹẹ: “Ẹko hia sẹ mwẹ ọyẹnmwẹ uan vbe I ra zẹ ne unu mwẹ ma ruẹn, rhunmwuda, I rẹnrẹn ighẹ ọ kpẹre ne u kegha re ne ọbuohiẹn vbe uhunmwu otọ na.

Iwinna 25:16

Sokpan mẹ keghi tama irẹn wẹ a i ruẹe vbe Rom wẹ ne a bu ohiẹn gbe ọmwa ne a gu gui ẹzọ ba emwi dan ne ọ ru, vbe ẹ i re te irẹn kevbe iran ni gu ẹe gui gba sa ye egbe unu nẹ, kevbe ne a vbe rhie otọ nẹẹn ne ọ ya ta ene unu ẹnrẹn vbe ifi ẹzọ ne a ba ẹre re.

Iwinna 25:8

Sokpan, Pọl keghi vbe ze ne unu ẹnrẹn wẹ, “I ma fidọn vbe emwi rhọkpa, ọ re Uhi avbe Ju nọ ra Ọgua Osa ra e Nọgbaisi e Rom.”

Iwinna 26:24

Ugbẹn vbe Pọl ghi zẹ ene unu ẹnrẹn vbe nian, Fẹstọs keghi wa van okan mu ẹn wẹ, “Te u mwẹmwẹ Pọl, Ebe ne u ruẹ gbe ọre ọ ra si emwẹmwẹ ye uẹ egbe na.”

Iwinna 28:17

Vbe ikpẹdẹ ne ogieha, e Pọl keghi tie iko avbe olotu e Ju ni rre ẹvbo ni. Iran ghi si koko nẹ, ọ tama iran wẹẹ, “Etẹn mwẹ: Jerusalẹm ọre a na mu mwẹ zẹ vbe oleghan, a na rhie mwẹ ne emwa Rom, vbe ne ma na ru abaku ru ghe ọmwaikọmwa ra iyi avbe erha mwa odede.

Iwinna 7:2

Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran.

Ebe ne Pọl gbẹẹn gie emwa Rom 2:15

Uyinmwẹ iran rhie maa ighẹ a gbẹnnẹ egbe emwi ne Uhi ni ho ye ekhọe iran. Ekhọe iran vbe rhie maa wẹ ẹmwata ọna khin vbe ne a na miẹn wẹ, ekhọe iran zẹdia bu asẹ ne iran, ugbẹnso, ọ ghi vbe gha gu iran gui.

I Kọrinti 9:3

Emwa gha kpakan mwẹ ẹmwẹ, vbene I ya zẹ ne unu mwẹ ọre ọ na khin.

II Kọrinti 12:19

Ọ gha kẹe nian, te uwa ro ighẹ te ima ho ne a gui fan egbe mwa ye otọ vbe obọ uwa. Hiehiere. Vbene Kristi ho ne ima guan ọre ima guan na, vbe odaro Osanobua, emwi hia ne I a rhirhi ru, iho mwa, te ima ru ẹe ne a ya ye uwa obọ.

II Kọrinti 7:11

Wa ghe emwi ne Osanobua ye ẹko ne ọ rriara uwa na ru, vbene uwa ghi mu aro ye emwi hẹ, vbene uwa ghi ziga hẹ ne uwa rhie maa ighẹ, wa ma rẹn ọkpa wa ma rẹn eva. Egbe ohu nọkhua vberriọ egbe utumwẹ wa bu rre vberriọ, a mu emwi roro, a mu aro ye emwi, a mu egbe ne a ya gbe ọmwa hin ọkhọ rre! Wa keghi wa rhie egbe uwa zẹ vbe ọmwa ne ọ ma rri abe rhọkpa vbe uwu ẹmwẹ na.

Filipai 1:17

Iran nekpa i ya ẹkoata kpe orhu e Kristi, sokpan ekhọe emwidamwẹ ọghe ne ọ rẹn ọghọe ọkpa, iran ho ne iran dọlegbe si ẹti yọ mwẹ urhu vbe ne I na rre uwu eghan na.

Filipai 1:7

Ẹmwẹ uwa i lahin ekhọe mwẹ rre, rhunmwuda ọnii, emwi ne ọ kere nọ ne ẹmwẹ uwa gha ye rriọ vbe ekhọe mwẹ. Rhunmwuda, wa hia gun mwẹ ghae vbe emwi ne Osanobua ya mu ọghọ yọ mwẹ egbe na, kevbe ẹghẹ ne I na rre uwu eghan na, kevbe ẹghẹ ne idobo i na rrọọ mẹ, vbe i a gha mu ẹmwẹ iyẹn ne ọ maa gui, kevbe I a vbe gha ya ẹre igiẹ mu otọ.

II Timoti 4:16

Ẹghẹ ne I na ya gui ẹzọ mwẹ vbe okaro, orhunmwu ọkpa ne ọ lele mwẹ yo ẹ i rrọọ, ehia keghi lẹ sẹ mwẹ rae. Osanobua ne ọ lahọ ne oghẹ kae ye iran owẹ.

I Pita 3:15

Sokpan, wa gha ya ọghọ ne Kristi vbe uwu ekhọe uwa, ne uwa vbe ya ẹe ru Nọyan uwa. Mu egbe vbe ẹghẹ hia ne u ya rhie ewanniẹn ne ọmwa ne ọ rhirhi nọ ruẹn, wẹ ne u rhan otọ idaehọ ne u mwẹ.