Iwinna 21:5 - Edo Bible (E Baibol Ẹdo) Version 1996

⁵ Sokpan ẹghẹ ne ima gu iran gbe ghi gba nẹ, ma keghi kpao, a na la odẹ. Iran hia, emọ kevbe amwẹ keghi su ima ya sẹ ehe ne ẹvbo ni sẹe. Ma hia keghi diguẹ vbe ọkpẹn ẹzẹ, ma na na erhunmwu.

Iwinna 21:5 ပူးပေါင်းရင်းမြစ်များ

I Ọba 8:54

E Solomọn ghi na erhunmwu ghe e Nọyaẹnmwa fo nẹ, ọ keghi mudia vbe odaro Ogiukpo, ehe ne ọ na diguẹ viọ obọ da odukhunmwu usin.

II Krọnikol 20:13

Ivbi e Juda hia fẹẹrẹ, kevbe avbe amwẹ iran kevbe ivbi iran keghi wa mudia ye evba vbe odaro Ọgua Osa.

Nehimaia 12:43

Emwi ni bun ọre a ya zẹ ese ẹdẹ ne ẹdẹrriọ, ẹko kegha sẹ emwa hia ọyẹnmwẹ, rhunmwuda, Osanobua ọ re ọ rhie ọyẹnmwẹ ne iran. Avbe ikhuo kevbe ibiẹka keghi vbe deba emwiukpo na, a keghi gha họn urhu uwemwẹ iran ya sẹ arria ọvbehe.

Psalm 95:6

Wa larre, wa gie ima ghughẹ rre, ne a ya uhunmwu rhanmwẹ otọ ne ẹẹn, wa gie ima diguẹ ne Nọyaẹnmwa ne ayi Nọyimwa.

Matiu 14:21

Emwa ni rri evbare ni keghi re omwa arhin arriaisẹn vbe ihe isẹn vbe ne a i na ka ikhuo kevbe ibiẹka.

Iyẹn ne ọ Maan Ọghe Mak 1:40

Ọkhọnmwọ oti ọkpa keghi bu Jesu rre, ọ diguẹ nẹẹn ọ keghi rinmwian ẹn wẹ ne ọ ye irẹn obọ, ọ wẹẹ, “A deghẹ u ho, u gha sẹtin ya mwẹ khian ne ọ huanrẹn.”

Iyẹn ne ọ Maan Ọghe Luk 22:41

Ọ keghi sẹ iran rae, ọ na la omwa umọdia kherhe sikẹ odaro, ọ keghi diguẹ ọ na na erhunmwu.

Iwinna 15:3

Esọsi keghi do gie iran gha khian, ehe ne iran na la Fonisia kevbe Sameria gberra, iran keghi vbe gha na iyẹn vbene emwa ni ne ẹ i re Ju vbe fiwerriẹ bu Osanobua gha dee hẹ, ẹmwẹ na keghi ye ẹko avbe etẹn hia rhiẹnrhiẹn.

Iwinna 17:10

Vbe ọwarọkpa nii vbe ẹdẹ ghi wa mu, iran ne etẹn keghi viọ Pọl kevbe Sailas gha rrie Bẹrea. Iran ghi sẹ evba, iran na wa gha rrie Ọgua ediọn avbe Ju.

Iwinna 20:36

Pọl ghi guan fo nẹ, ọ keghi deba iran diguẹ, ọ na na erhunmwu.

Iwinna 20:38

Ẹmwẹ ne ọ mobọ da iran sẹ vbọ ọrọre ne ọ na kha wẹẹ iran i ra dọlegbe miẹn irẹn aro ọvbehe. Iyeke ọnii, iran keghi ya suẹe sẹ okọ.

Iwinna 9:40

Pita keghi viọ iran hia ladian vbe ughugha nii, ọ keghi diguẹ, ọ na na erhunmwu, ọ mu aro da ikun ẹnrẹn nii, ọ wẹẹ, “Tabita, kpaegbe!” Rẹn keghi rhan aro ua, ọ ghi bẹghe Pita, ọ keghi kpaegbe tota.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”

Jọsua 8:35

E Jọsua keghi wa tie uhi ọghe Mosis hia fẹẹrẹ ma emwa ni gbe ẹbu nii, ke ikhuo kevbe ibiẹka kevbe avbe ọrriọvbe ni rre ehe ne iran ye.