Iwinna 21:40 - Edo Bible (E Baibol Ẹdo) Version 1996

⁴⁰ Ọkaokuo nii keghi rhie otọe nẹẹn, rhunmwuda ọnii, Pọl keghi mudia yan ikpawẹ, ọ na ya obọ gbe emwa ni ekhakha. Ugbẹn vbe iran ghi gbẹdọ nẹ, Pọl kegha zẹ Hibru ya gu iran guan, ọ wẹẹ:

Iwinna 21:40 ပူးပေါင်းရင်းမြစ်များ

II Ọba 9:13

Vbe ọwarọkpa nii, avbe ọkaokuo ne ihua e Jehu keghi wa ẹwu iran ye ikpawẹ ne ọ ke ukhunmwu, iran keghi kha wẹẹ, “E Jehu rriọba!”

Iyẹn ne ọ Maan Ọghe Luk 23:38

Iran keghi gbẹn emwi mu ye odukhunmwu ẹnrẹn, “Ọna ọrọre Ọba avbe Ju.”

Iyẹn ne ọ Maan Ọghe Jọn 19:13

Pailet ghi họn ẹmwẹ na, ọ rhie Jesu ladian, ọ keghi tota ye, ẹkete ibuohiẹn ne ọ rre ehe ne a tie ẹre “Ibare Okuta,” (ne avbe Hibru tie ẹre Gabata.)

Iyẹn ne ọ Maan Ọghe Jọn 19:17

Ọ keghi ke odaro ne iran, ọ mu ugbugbe ẹre, ọ keghi do sẹ ehe ne iran tie ẹre “Isi Ugboloko Uhunmwu Ọmwa,” (ne iran tie ẹre “Gọlgọta” vbe ẹvbo Hibru.)

Iyẹn ne ọ Maan Ọghe Jọn 19:20

Avbe Ju ni bun ọre ọ tie emwi na, rhunmwuda ehe ne iran na kan Jesu mu ugbugbe ma rre gbe vbe adesẹ ore ẹvbo. Ẹvbo ne iran ya gbẹn ọẹn keghi re Hibru, Latin kevbe Grik.

Iyẹn ne ọ Maan Ọghe Jọn 5:2

Vbe ihe ọkpa ne a tie ẹre Onurho Ohuan vbe Jerusalẹm odighi ọkpa ne ọ mwẹ ikpogho isẹn kegha rrọọ, emwi ne iran tie ẹre vbe Hibru keghi re Betzata.

Iwinna 1:19

Emwa ni rre Jerusalẹm hia họn ẹmwẹ na. Iran keghi ya ẹvbo ne iran zẹ he ako oha nii eni. Iran keghi ti ẹre Akẹldama, ọ ni nọ wẹ “Oha Esagiẹn.”)

Iwinna 12:17

Ọ keghi ye obọ gbe iran ekhakha wẹ ne iran gie a họn ẹmwẹ ọ keghi do rhan otọ vbene Nọyaẹnmwa ya rhie irẹn ke uwu ẹwẹdọ ladian hẹ ma iran. Ọ keghi tama iran we wa ghi na iyẹn ma Jems kevbe iran ne etẹn nekpa. Rẹn keghi kpao gha rrie ehe ọvbehe.

Iwinna 13:16

Pọl keghi kpaegbe, ọ ghi ya obọ gbe ekhakha nẹ, ọ keghi suẹn gha guan, ọ wẹẹ, “Ivbi Izrẹl ne iho mwa, kevbe uwa ne ẹ i re Ju ni vbe ga Osanobua, wa danmwehọ mwẹ!

Iwinna 19:33

Eso vbe uwu avbe emwa nii keghi wa kun ẹmwẹ ni yan Alẹkzanda rhunmwuda ighẹ avbe Ju rhie ẹre ladian nii ọ mudia ye odaro, Alẹkzanda keghi ya obọ gbe iran ekhakha, ọ keghi te ho ne ọ ze ne unu irẹn ma emwa nii.

Iwinna 21:35

Iran ghi rhie ẹre sẹ ikpawẹ, avbe ivbiyokuo keghi kpa ẹre igede rhunmwuda aro emwa ni hia keghi wa hin ukhunmwu.

Iwinna 22:2

Ugbẹn vbe iran ghi họn vbe ọ zẹ Hibru gu iran guan, ehia keghi dọlegbe gbẹdọ, ọre Pọl na gha guan:

Iwinna 26:14

Ma hia keghi dele gbe otọ, I keghi họn urhu ọkpa vbe ọ zẹ ẹvbo avbe Hibru gun mwẹ guan wẹẹ, ‘Sọl, Sọl vbe ọ zẹ ne u na zẹ mwẹ owẹ, Iwinna ne ọ gha hie ruẹ aro nọ ighẹ ogigban ne u so ẹre igiawẹ na.’

Iwinna 6:1

Ọ ghi kpẹe kherhe, vbe avbe erhuanegbe ghi bun yọ nẹ, imuaẹmwẹ keghi do gha rrọọ ne avbe Ju ni rre owa kevbe avbe Ju ni zẹ ẹvbo Grik. Avbe Ju ni zẹ Grik keghi kha wẹ iran gha ghae evbare, iran i ghae sẹ avbe ẹgbẹe ni re ọghe iran vbọ obọ.

Arhie Maan 16:16

Avbe orhiọn keghi do silo avbe ọba nii hia koko ye ihe ọkpa ne emwa Hibru tie ẹre Amagẹdọn.

Arhie Maan 9:11

Iran kevbe mwẹ ọba ne ọ khaemwisẹ yan iran, ọ nii ọrọre odibo ne ọ gbe aro ghe uvun ne ẹ i mwẹ ehe ne ọ sẹe nii. Eni ẹnrẹn vbe Hibru keghi re Abadọn, sokpan vbe Grik iran keghi tie ẹre Apọyọn (Emwi ne a ya ẹe kha ọrọre “Omurhia.”)