Iwinna 21:39 - Edo Bible (E Baibol Ẹdo) Version 1996

³⁹ E Pọl keghi wanniẹn wẹẹ, “E Ju ọre I khin, Tasọs ne ọ rre Sisilia, ọre a na biẹ mwẹ, ovbi ẹvbo ne ẹ i re akhua ọre I khin. Lahọ gun mwẹ gu emwa na guan.”

Iwinna 21:39 ပူးပေါင်းရင်းမြစ်များ

Iwinna 15:23

Iran keghi rhie ebe na ne iran rhie gha khian: “Avbe ukọ kevbe ediọn, ne etẹn uwa gie otuẹ uwa hia ne etẹn mwa ne iran ne ẹ i re Ju biẹlẹe, ni rre Antiọk kevbe Siria kevbe Silisia.

Iwinna 15:41

Rẹn keghi la Siria kevbe Silisia, ọ na gha rhie igiẹdu ne avbe esọsi.

Iwinna 16:37

Sokpan Pọl tama avbe ọgbalegbe wẹẹ, “Ama miẹn emwi ne a lẹ ginna ima obọ wẹ ma ru, Sẹ evba iran keghi sirra emwa hia gbe ima asan, ma ne ivbi e Rom, iyeke ọnii, iran keghi hẹ ima ku ẹwẹdọ. Eban nian iran ho ne iran fannọ ima kua vbe ẹkhokho. A i danmwẹ ọẹn. Nene ivbi e Rom ni rre asẹ ọre ogha do tobọ iran viọ ima ladian.”

Iwinna 21:37

Ugbẹn vbe iran ghi te ra mu e Pọl la owa ne gbain nii, ọ keghi tama ọkaokuo ni wẹ, “Lahọ ni guẹ guan?” Ọkaokuo keghi nọ rẹn wẹ, “Wẹ họn e Grik ra?

Iwinna 22:3

“Ovbi e Ju ọre I khin, Tasọs ne ọ rre Silisia ọre a na biẹ mwẹ, sokpan Jerusalẹm na ọ re I na wan vbe ehe ne I na gha ruẹ ebe vbe obọ Gamaliẹl. Te a wa mobọ ma mwẹ emwi dinmwi vbe Uhi avbe erha mwa odede. Mẹ keghi vbe rhie egbe ye ẹmwẹ ugamwẹ Osanobua ẹsẹse zẹ vbene uwa ni rre emwa na ẹrẹna vbe ye.

Iwinna 23:27

Avbe Ju ọre ọ mu okpia na, iran te ra wa gbe ẹe rua. I họẹn ighẹ ovbi e Rom nọ, ọre I na viọ ivbiyokuo gha khian, I na ya wọlọ ẹe hin iran obọ rre.

Iwinna 23:34

Ne ọ khaemwisẹ ghi tie ebe ni, ọ keghi nọ Pọl agbọn ẹvbo ne ọ ke rre, ọ ghi tama rẹn nẹ ighẹ Silisia nọ.

Iwinna 6:9

Sokpan emwa eso kegha kpankan ẹre ẹmwẹ, iran na kegha re emwa Ọgua ediọn Eniyan Egbe iran (zẹ vbene emwa tie iran) uwu iran na ọre avbe Ju ni ke Sameria kevbe Alẹkzandria rre ye. Iran na kevbe avbe Ju eso ni ke Silisia kevbe Asia rre keghi suẹn gha muan Stivin ẹmwẹ.

Iwinna 9:11

Nọyaẹnmwa keghi tama rẹn wẹẹ, “Mu egbe ne u gha rrie Idunmwu Nọdiae, u gha ghi sẹ owa Judas, u ghi nọ ẹmwẹ ovbi e Tasọs ọkpa ne a tie eni ẹnrẹn Sọl ọ gha na erhunmwu.

Iwinna 9:30

Ugbẹn vbe emwi na ghi vẹ ne avbe etẹn rẹn, iran keghi rhie Sọl gha rrie Sisaria, iran na ke evba rhie ẹre gha rrie Tasọs.

I Pita 3:15

Sokpan, wa gha ya ọghọ ne Kristi vbe uwu ekhọe uwa, ne uwa vbe ya ẹe ru Nọyan uwa. Mu egbe vbe ẹghẹ hia ne u ya rhie ewanniẹn ne ọmwa ne ọ rhirhi nọ ruẹn, wẹ ne u rhan otọ idaehọ ne u mwẹ.