Iwinna 21:34 - Edo Bible (E Baibol Ẹdo) Version 1996

³⁴ Emwa eso vbe uwu ẹbu kegha talọ ẹmwẹ na, eso talọ ọvbehe. Ehia keghi lighi sẹrriọ wẹ ọkaokuo nii ma miẹn uhunmwu emwi ne ọ sunu kpataki. Ọ na rhunmwuda ọnii wẹ ne emwa rẹn mu e Pọl gha rrie owa ne gbain.

Iwinna 21:34 ပူးပေါင်းရင်းမြစ်များ

Iwinna 19:32

Vbe ẹghẹ ne a kha na, iko ne iran do keghi tughua. Emwa eso kegha ya ọna go khian, eso na gha ya ọnii go khian, rhunmwuda ni bun vbe uwu iran ma kue rẹn emwi ne iran si egbe koko ba.

Iwinna 21:37

Ugbẹn vbe iran ghi te ra mu e Pọl la owa ne gbain nii, ọ keghi tama ọkaokuo ni wẹ, “Lahọ ni guẹ guan?” Ọkaokuo keghi nọ rẹn wẹ, “Wẹ họn e Grik ra?

Iwinna 22:24

Ọkaokuo e Rom nii keghi wẹ ne emwa rẹn rhie Pọl la uwu owa ne gbain, ne iran gbe ẹre asan ne a miẹn ehe na rẹn emwi ne ọ zẹe ne avbe Ju na wa go yan rẹn vbe nian na.

Iwinna 22:30

Ọkaokuo nii keghi ho ne irẹn rẹn ẹzọ emwi ne avbe Ju mobọ gu Pọl gui. Rhunmwuda ọnii, ẹdẹ ghi gbe, ọna wẹ ne a rhan eghan hin e Pọl egbe rre, ọ na wẹ ne avbe igie ohẹn kevbe iran ni do Iko gha die iko, ọ na do rhie Pọl mudia ye odaro iran.

Iwinna 23:10

Imuan ẹmwẹ na keghi wa wegbe sẹrriọ ne afianma na gha fian ọkaokuo wẹ iran gha yanghan Pọl rua. Rhunmwuda ọnii, ọ na wẹ ne ivbiyokuo la uwu ẹbu iran ne iran rhie Pọl ladian vbe evba, ne iran rhie ẹre gha rrie owa ne gbain.

Iwinna 23:16

Sokpan ovbi ovbiye Pọl, ne ọre ọvbokhan okpia keghi họn uma ne iran si na, rhunmwuda ọnii, rẹn keghi la uwu owa ne gbain ni, ọ na ya tama Pọl.

Iwinna 23:32

Ẹdẹ ne ọ lele ẹe, avbe ivbiyokuo ni ye owẹ khian, keghi werriegbe gha rrie owa ne gbain, iran na wẹ ne iran ni hin ẹsin lele ẹe gha khian.

Iwinna 25:26

Sokpan I i mwẹ emwi kpataki ne I gha gbẹn gie Nọgbaisi vbe ekpa ẹre, Rhunmwuda ọnii ọre I na do rhie ẹre mudia ye odaro uwa na, kpataki, odaro uwẹ ne ọba Agripa, wẹ wa ghẹ ghi gualọ otọ ẹmwẹ na nẹ, ne i miẹn ehe na miẹn emwi gbẹn.