Iwinna 21:31 - Edo Bible (E Baibol Ẹdo) Version 1996

³¹ Te emwa nii ghi te ra gbe Pọl rua ọre iran na gie uhunmwu na tama ọkaokuo ivbiyokuo e Rom wẹ otutu tu vbe Jerusalẹm.

Iwinna 21:31 ပူးပေါင်းရင်းမြစ်များ

I Ọba 1:41

Adonaija kevbe emwa ne ọ tie re ghi wa da rri evbare fo, iran keghi họn uwemwẹ na. Ugbẹn vbe Joab ghi họn okpe, ọ keghi kha wẹẹ, “De emwi ne iran wee ba vbe ore ẹvbo yi?”

Matiu 26:5

Iran wẹẹ, “Ọ ma kei ne a ruẹe vbe uwu emwiukpo na ne otutu ghẹ ya tu.”

Matiu 27:27

Avbe ivbiyokuo keghi rhie Jesu gha rrie ẹguae Nọkhaemwisẹ, emwa hia keghi wa do lẹga ẹre.

Iyẹn ne ọ Maan Ọghe Mak 14:2

Iran keghi kha wẹ, “Ọ ma kei ne a ru emwi na vbe uwu emwiukpo, ne otutu ghẹ ya tu vbe uwu ẹbu emwa.”

Iyẹn ne ọ Maan Ọghe Jọn 16:2

Iran gha sua uwa uhunmwu hin uwu Ọgua ediọn iran rre. Ẹghẹ dee ne ọmwa ne ọ de uwa izigha gha na ro ighe Osanobua ọre irẹn ya ehia ga.

Iyẹn ne ọ Maan Ọghe Jọn 18:12

Avbe ivbiyokuo nii, deba olotu iran kevbe ọgbalegbe avbe Farisi keghi mu Jesu, iran keghi gba ẹe.

Iwinna 10:1

Okpia ọkpa kegha rre Sisaria, a keghi tie eni ẹnrẹn Kọniliọs. Ọ kegha re ọkaokuo vbe oka ivbiyokuo e Rom ọkpa ne a tie ẹre “Ọka ọghe Itali.”

Iwinna 17:5

Sokpan avbe Ju keghi suẹn gha gbe ọvo iran. Iran ye obọ khan avbe ahẹghogho ne ẹwobi vbe adesẹ ore, iran keghi suẹn otu ẹrhia. Iran keghi si okokoko ye ore ẹvbo hia, iran na mu igbinna gha rrie owa Jasin, iran te ho ne iran miẹn Pọl kevbe Sailas ne iran viọ iran ladian bu avbe emwa gha dee.

Iwinna 19:40

Rhunmwuda a sẹtin gu ima gui wẹ ma gbe olighi ye ẹvbo rhunmwuda emwi ne ọ sunu ẹrẹna. Emwi ne a gha miẹn ta ighẹ ọre ọ si otighi na, ẹ i rrọọ, ma i miẹn ẹmwẹ agbọn ta ya rhan otọ ẹre.”

Iwinna 21:38

Ọnii nọ wẹ, wẹ i re ovbi Igipt nii ne ọ si otighi ye ẹvbo nẹdẹ eso, ọ na viọ emwa ni sọtẹ arriaisẹn enẹ ba egbe la otọ ẹgbo?”

Iwinna 22:22

Vbe Pọl te do ta ẹmwẹ na, emwa nii kegha danmwehọ ẹre, sokpan ẹghẹ na nian, iran keghi wa gha go kha wẹẹ, “Wa mu ẹn fua mwa! Gbe ẹe rua! Ọ ma kei ne ọ di agbọn ya!”

Iwinna 23:17

Rhunmwuda ọnii, Pọl keghi tie ọkpa vbe uwu iran ni rre asẹ vbe evba, ọ tama rẹn wẹ, “Rhie ọvbokhan okpia na bu ọkaokuo gha khian, ọ mwẹ ẹmwẹ ne ọ ra tama rẹn.”

Iwinna 24:22

Ẹghẹ nii ọre Fẹlis ne ọ mobọ rẹn emwi vbe ekpa odẹ nii na dobọ ẹzọ ni yi. Ọ tama iran wẹ, “Lisias ne ọkaokuo gha ghi rre, ọre i ghi na bu ohiẹn uwa.”

Iwinna 24:6

Ọ ghi vbe ra mu awua la Ọgua Osa, ọre ima ghi na mu ẹn. [Te ima te ra bu ohiẹn ọnrẹn vbene Uhi ima khare,

Iwinna 24:7

sokpan Lisias ne ọkaokuo keghi rre, ọ na khiẹn ima obọ miẹn ima ẹre.

Iwinna 25:23

Ẹdẹ ghi gbe Agripa kevbe Bẹnis keghi ye oyọnyọn kevbe otiti nana rre. Iran keghi la owa ke iran kevbe ivbiyokuo ni gba khia kevbe emwa ni hin usi ni re ẹvbo nii. Fẹstọs na wẹ ne a rhie Pọl rre, iran keghi rhie ẹre la uwu owa.

Iwinna 26:21

Ọna ọ siẹe ne avbe Ju na de obọ mu mwẹ vbe uwu Ọgua Osa, iran te ra gbe mwẹ uan.