Iwinna 21:28 - Edo Bible (E Baibol Ẹdo) Version 1996

²⁸ Iran kegha go kha wẹ, “Ivbi Izrẹl, wa bu rre, wa ghe okpia ne ọ lele ehe hia khian ya gha tama emwa hia wẹ ne iran ghẹ zẹ ye ẹmwẹ ivbi Izrẹl ra Uhi e Mosis kevbe Ọgua Osa. Ghe vbe ọ vbe hẹ emwa ne ẹ i re Ju la uwu Ọgua Osa ne ọ do ya mu awua la ehe ne ọ huanrẹn na!”

Iwinna 21:28 ပူးပေါင်းရင်းမြစ်များ

Iwinna 21:21

Iran họẹn wẹ te uwẹ ya gha tama avbe Ju ni rre ẹvbo iran ni i re Ju wẹ ne iran mu Uhi e Mosis fua, wẹ ne iran ghẹ ghi rhuẹ ivbi iran ra ne iran gha lele ilele avbe Ju.

Iwinna 24:18

Ẹghẹ ne I na gha ru emwi na ọre iran na miẹn mwẹ vbe uwu Ọgua Osa vbe I yo ulamwẹ akpehuan fo nẹ. Emwa ma gbe ẹbu ye he ne I ye, olighi rhọkpa i vbe rrọọ.

Matiu 24:15

“Wa ghẹ ghi miẹn ighe Omurhia Ne ọ gbe orrirri ne Daniẹl ne akhasẹ ta ẹmwẹ ọnrẹn miẹn dia ye ehe ne ọ huanrẹn.” (Wẹ ne ọ tie ebe na, hia ne u rẹn evba yae kha.)

Eve Orriara 1:10

Avbe eghian do ẹre emwi ne ọ mwẹ hia viọ. Rẹn ye aro ẹre bẹghe iran vbe iran lao uwu Ọgua Osa tobọ ẹre; ehe ne Nọyaẹnmwa wẹ ne emwa ne ẹ i re Ju ghẹ lao.