Iwinna 21:26 - Edo Bible (E Baibol Ẹdo) Version 1996

²⁶ Ẹdẹ ghi gbe, Pọl keghi viọ emwa ni, ọ keghi de ba iran yo ulamwẹ akpehuan. Iyeke ọnii, ọ kegha rrrie uwu Ọgua Osa, ọ na ya tama iran inu ikpedẹ ne ọ khian gha khin ne ẹghẹ akpehuan gha ya gba, ne ọkpọkpa vbe uwu iran miẹn ehe na do zọ ese.

Iwinna 21:26 ပူးပေါင်းရင်းမြစ်များ

Nọmbas 19:11

Ọmwa ne ọ yobọ kan ọmwa ne ọ wu nẹ, ghi gha re ne awua gue la ikpeedẹ ihinrọn.

Iyẹn ne ọ Maan Ọghe Jọn 11:55

Emwiukpo Alagberra ne avbe Ju ru keghi bu otọ, emwa ni bun keghi ke dọmwadẹ ẹvbo kpao gha rrie Jerusalẹm ne iran ya do ugie ihọnmwegbe ye otọ khẹ emwiukpo.

Iwinna 21:24

Lele iran gha khian, ne u ya deba iran yo ulamwẹ akpehuan, ne u ha osa emwi ne iran lo ro, ẹghẹ nii, iran gha sẹtin gbẹn eto mu otọ. A gha ruẹe vberriọ, emwa hia ghi do rẹn wẹ ẹmwata i zẹdẹ rre ẹmwẹ ne iran họẹn vbe ekpa ruẹ, sokpan wẹ te uwẹ tobọ ruẹ wa ye ẹmwẹ Uhi Mosis ru emwi.

Iwinna 24:18

Ẹghẹ ne I na gha ru emwi na ọre iran na miẹn mwẹ vbe uwu Ọgua Osa vbe I yo ulamwẹ akpehuan fo nẹ. Emwa ma gbe ẹbu ye he ne I ye, olighi rhọkpa i vbe rrọọ.

I Kọrinti 9:20

I gha miẹn avbe Ju, I ghi gha ru vbe Ju, ne I miẹn ehe na silo iran ba egbe. A gha rhie miẹn wẹ mẹ i rre ototọ Uhi e Mosis. I gha miẹn iran ni rrọọ, I ghi gha ru vbe ne a miẹn wẹ, ototọ ẹre mẹ ye, ne I miẹn ehe na silo iran ba egbe.