Iwinna 21:21 - Edo Bible (E Baibol Ẹdo) Version 1996

²¹ Iran họẹn wẹ te uwẹ ya gha tama avbe Ju ni rre ẹvbo iran ni i re Ju wẹ ne iran mu Uhi e Mosis fua, wẹ ne iran ghẹ ghi rhuẹ ivbi iran ra ne iran gha lele ilele avbe Ju.

Iwinna 21:21 ပူးပေါင်းရင်းမြစ်များ

Iwinna 16:3

Pọl keghi ho ne ọ rhie Timoti ba egbe gha khian, rhunmwuda ọnii, ọ keghi rhuẹ ọre. Emwi ne ọ ya ẹe ru emwi na ọrọre wẹ emwa hia ni rre ẹvbo ni rẹnrẹn wẹ Grik ọre erha Timoti khin.

Iwinna 21:22

Ẹ i mwẹ iran ma họn ighẹ u rre, vbe a gha ruẹe hẹ khekherriọ?

Iwinna 21:28

Iran kegha go kha wẹ, “Ivbi Izrẹl, wa bu rre, wa ghe okpia ne ọ lele ehe hia khian ya gha tama emwa hia wẹ ne iran ghẹ zẹ ye ẹmwẹ ivbi Izrẹl ra Uhi e Mosis kevbe Ọgua Osa. Ghe vbe ọ vbe hẹ emwa ne ẹ i re Ju la uwu Ọgua Osa ne ọ do ya mu awua la ehe ne ọ huanrẹn na!”

Iwinna 28:17

Vbe ikpẹdẹ ne ogieha, e Pọl keghi tie iko avbe olotu e Ju ni rre ẹvbo ni. Iran ghi si koko nẹ, ọ tama iran wẹẹ, “Etẹn mwẹ: Jerusalẹm ọre a na mu mwẹ zẹ vbe oleghan, a na rhie mwẹ ne emwa Rom, vbe ne ma na ru abaku ru ghe ọmwaikọmwa ra iyi avbe erha mwa odede.

I Tẹsalonaika 2:16

Iran te ra da ima obọ yi wẹ ne ima ghẹ kpe orhu ẹre ma emwa ne ẹ i re Ju, ighẹ ẹmwẹ nii ne ọ gha rhie imiẹnfan gie iran. Evba ehia ghi na do yi uhunmwu ighẹ orukhọ ne iran ru ke ẹghẹ ni gha dee. Obọ izohu Osanobua he ghi do vba iran.