Iwinna 21:20 - Edo Bible (E Baibol Ẹdo) Version 1996

²⁰ Iran ghi danmwehọ ẹre nẹ, iran keghi rho Osanobua vbe uyi. Iyeke ọnii, iran keghi tama Pọl wẹẹ, “Ọtẹn mwa, wẹ tobọ miẹn vbene emwi hia ye hẹ. Arriaisẹn arriaisẹn ọre emwa e Ju ni he yayi wa khin, deba ẹre, te iran wa he gba Uhi mu obọ gbangbaangban.

Iwinna 21:20 ပူးပေါင်းရင်းမြစ်များ

Psalm 22:23

“Wa ne eguọmwadia e Nọyaẹnmwa, wa rho ẹre wa ya ọghọ ne ẹẹn, wa ne ivbi uniẹn Jekọb. Wa vbe ga ẹe, wa ne ivbi Izrẹl.

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Matiu 9:8

Ugbẹn vbe avbe emwa ni ghi miẹn emwi na, ohan mu iran, iran keghi rho Osanobua vbe uyi ye ne ọ na rhie egbe ẹtin vberriọ ne emwa.

Iyẹn ne ọ Maan Ọghe Luk 12:1

Ugbẹn vbe emwa ghi wa gbe ẹbu sẹrriọ ne iran gha ye igiawẹ rilo egbe ginna otọ, Jesu keghi ka zẹgiẹ tama avbe erhuanegbe ẹre wẹẹ, “Wa gha begbe vbe egbe ihueka avbe Farisi! Ẹkẹ vbe iwẹnwẹn iran ọre I kha.

Iyẹn ne ọ Maan Ọghe Luk 15:32

Sokpan ọ kere ne ima gha re ne a gha ghọghọ, rhunmwuda ọtuẹn na te wu, sokpan, ọ rre agbọn nian, ọ te wii, sokpan a dọlọ miẹn ọẹn.’ ”

Iyẹn ne ọ Maan Ọghe Jọn 12:24

Ẹmwata I tama uwa, ikpe ọka ọkpa ma gberra ikpẹ ọka ọkpa a deghẹ i re te ọ de fi otọ ne ọ wu, a deghẹ ọ wu, ẹghẹ nii ọ ghi mọ ọmọ ni bun ẹsẹse.

Iwinna 11:18

Ugbẹn vbe iran ghi họn ẹmwẹ na, iran keghi dobọ ẹzọ na gui yi, iran keghi rho Osanobua vbe uyi wẹẹ, “Ọnii rhie maa ighẹ Osanobua vbe rhie otọ ne iran ne ẹ i re Ju ya fiwerriẹ ne iran ghẹ wulo.”

Iwinna 15:1

Emwa eso keghi ke Judia gha die Antiọk, iran keghi suẹn gha ma avbe etẹn emwi wẹẹ, “Vbe ẹ i re te uwa rhuẹre vbene Uhi e Mosis khare, wa i sẹtin miẹn imiẹnfan.”

Iwinna 15:24

Ma họn ẹn wẹ ivbi otu mwa eso bu uwa gha dee, iran keghi do gha guan ẹmwẹ eso ya gha kpokpo uwa, iran na vbe mu uwa orhiọn rueghe. Vbe ne ọ rhirhi gha ye hẹ, ma ma gie iran ne iran do ru emwi vberriọ.

Iwinna 15:5

Sokpan eso ni rre otu avbe Farisi vbe uwu ivbi iyayi keghi kpaegbe, iran wẹẹ, “Ọ kere ne a rhuẹ iran, ne a tama iran ne iran gha ye Uhi Mosis ru emwi.”

Iwinna 2:41

Ni bun vbe uwu iran keghi ya ẹmwẹ ọnrẹn yi, a keghi sa amẹ ne iran, emwa ni do ya egbe ba iran vbe ẹdẹrriọ kegha re omwa arriaisẹn eha.

Iwinna 22:3

“Ovbi e Ju ọre I khin, Tasọs ne ọ rre Silisia ọre a na biẹ mwẹ, sokpan Jerusalẹm na ọ re I na wan vbe ehe ne I na gha ruẹ ebe vbe obọ Gamaliẹl. Te a wa mobọ ma mwẹ emwi dinmwi vbe Uhi avbe erha mwa odede. Mẹ keghi vbe rhie egbe ye ẹmwẹ ugamwẹ Osanobua ẹsẹse zẹ vbene uwa ni rre emwa na ẹrẹna vbe ye.

Iwinna 4:21

Iko ni keghi dọlegbe tua unu muẹn ma iran, iran keghi fannọ iran kua. Iran ma miẹn emwi de obọ mu ya rri iran oya rhunmwuda, emwa hia keghi wa gha rho Osanobua ye emwi ne ọ sunu.

Iwinna 4:4

Sokpan iran ni họn ẹmwẹ nii keghi yayi, ikpia ni rrọọ sẹ omwa arriaisẹn isẹn.

Iwinna 6:7

Rhunmwuda ọnii, ẹmwẹ Osanobua kegha vẹ khian. Avbe erhuanegbe ni rre Jerusalẹm kegha muan yọ, nibun vbe uwu avbe ohẹn keghi vbe do yayi.

Ebe ne Pọl gbẹẹn gie emwa Rom 10:2

Rhunmwuda I gha wa sẹ osẹe ne iran. wẹ ẹmwẹ Osanobua wa rre iran ekhọe ẹsẹse. Sokpan, vbene ẹmwẹ ọnrẹn rre iran ekhọe ma lele uviẹn ọghe ọmwa ne ọ rẹn emwi ẹse.

Galatia 1:14

I keghi ye ọrhẹnrhẹn gberra avbe Ju ne iho mwa vbe uwu ugamwẹ avbe Ju. I keghi wa mu ẹmwẹ emwi ne avbe erha mwa odede ru de ẹdẹ yan uhunmwu sẹẹ ẹsẹse.

Galatia 1:24

Rhunmwuda ọnii iran keghi rhunmwuda mwẹ rho Osanobua vbe uyi.

II Tẹsalonaika 1:10

Ẹdẹ ne ọ gha rre nii, ne ọ do rhan obọ miẹn uyi vbe obọ emwa rẹn, kevbe ọghọ vbe obọ iran ni yayi, wa tobọ uwa gha vbe gha rre evba, rhunmwuda, wa ya ikporhu ne ima kpe ma uwa yi.